ശിക്ഷിക്കപ്പെട്ടത് പത്രികയിൽ വെളിപ്പെടുത്തിയില്ലെങ്കിൽ തിരഞ്ഞെടുപ്പ് അസാധു -സുപ്രീംകോടതി

ന്യൂഡൽഹി: ക്രിമിനൽക്കേസിൽ ശിക്ഷിക്കപ്പെട്ട വിവരം നാമനിർദേശ പത്രികയിൽ വെളിപ്പെടുത്താത്ത സ്ഥാനാർഥിയുടെ തിരഞ്ഞെടുപ്പ് വിജയം അസാധുവാകുമെന്ന് സുപ്രീംകോടതി, ശിക്ഷിക്കപ്പെട്ടത് വെളിപ്പെടുത്താത്തതിന് അയോഗ്യയാക്കപ്പെട്ട മധ്യപ്രദേശിലെ മുൻനഗരസഭാ കൗൺസിലറുടെ ഹർജി തള്ളിയാണ് സുപ്രീംകോടതി ഇക്കാര്യം വ്യക്തമാക്കിയത്.

ശിക്ഷിച്ച വിവരം സ്ഥാനാർഥി വെളിപ്പെടുത്താത്തത് വോട്ടറുടെ അവകാശം സ്വതന്ത്രമായി വിനിയോഗിക്കുന്നതിന് തടസ്സമാകുമെന്ന് ജസ്റ്റിസ് പി.എസ്. നരസിംഹ നിരീക്ഷിച്ചു. സ്ഥാനാർഥിയെക്കുറിച്ചുള്ള വിവരത്തോടുകൂടി വോട്ട് ചെയ്യാനുള്ള വോട്ടറുടെ അവകാശമാണ് നിഷേധിക്കപ്പെടുന്നതെന്നും കോടതി പറഞ്ഞു