സർ ക്രീക്കിൽ ഇന്ത്യയുടെ സൈനികാഭ്യാസം; വ്യോമാതിർത്തി അടച്ച് പാകിസ്ത‌ാൻ

ന്യൂഡൽഹി: ഗുജറാത്തിലെ ഇന്ത്യ-പാക് അതിർത്തിയായ സർ ക്രീക്കിൽ ഇന്ത്യയുടെ സംയുക്ത സൈനികാഭ്യാസം 'ത്രിശൂൽ' പ്രഖ്യാപിച്ചതിനു പിന്നാലെ വ്യോമാതിർത്തിയിൽ നിയന്ത്രണവുമായി പാകിസ്‌താൻ. ഒക്ടോബർ 28, 29 ദിവസങ്ങളിലാണ് മധ്യ, തെക്കൻ വ്യോമപാതകളിൽ നിയന്ത്രണം ഏർപ്പെടുത്തിയത്.

ഒക്ടോബർ 30 മുതൽ നവംബർ 10 വരെയാണ് 'ത്രിശൂൽ'. ഇതിന്റെ ഭാഗമായി നോട്ടാം (വൈമാനികർക്കുള്ള മുന്നറിയിപ്പ്) പുറപ്പെടുവിച്ചിരുന്നു. പിന്നാലെയാണ് പാകിസ്‌താൻ നോട്ടാം നൽകിയത്. ഇന്ത്യയുടെ കര-വ്യോമ-നാവിക സേനകൾ ശക്തിപ്രകടനത്തിൻ്റെ ഭാഗമായാണ് സർ ക്രീക്കിൽ സൈനികാഭ്യാസത്തിനൊരുങ്ങുന്നത്.