അഫ്ഗാനിസ്താനിൽ ഇന്ത്യക്ക് സ്ഥാനപതികാര്യാലയമായി

ന്യൂഡൽഹി: അഫ്ഗാനിസ്താനുമായുള്ള നയതന്ത്രബന്ധം പുനഃസ്ഥാപിക്കുന്നതിൻ്റെ ഭാഗമായി, കാബൂളിൽ സാങ്കേതികമായി നിലനിർത്തിയിരുന്ന നയതന്ത്രകാര്യാലയം സ്ഥാനപതികാര്യാലയമായി ഇന്ത്യ ചൊവ്വാഴ്ച്‌ച ഉയർത്തി. 2021-ൽ താലിബാൻ അഫ്ഗാനിസ്താന്റെ ഭാരണമേറ്റപ്പോൾ ഇന്ത്യൻ സ്ഥാനപതികാര്യാലയം പ്രവർത്തനം നിർത്തിയിരുന്നു.

അത് വീണ്ടും തുറക്കുമെന്ന് കഴിഞ്ഞയാഴ്‌ച ഡൽഹി സന്ദർശിച്ച അഫ്ഗാനിസ്താൻ വിദേശകാര്യമന്ത്രി അമീർ ഖാൻ മുത്തഖിക്ക് വിദേശകാര്യമന്ത്രി എസ്. ജയ്‌ശങ്കർ ഉറപ്പുനൽകിയിരുന്നു. പാകിസ്താനെതിരായ നീക്കങ്ങളിൽ അഫ്‌ഗാനിസ്‌താൻ്റെ നയതന്ത്രസാമീപ്യം സഹായകരമാകുമെന്നാണ് ഇന്ത്യയുടെ വിലയിരുത്തൽ. താലിബാൻ ഭരണകൂടത്തെ ഇന്ത്യ ഔദ്യോഗികമായി അംഗീകരിച്ചിട്ടില്ല.