ഗാസ: ട്രംപിന്റെ നേതൃത്വത്തെ സ്വാഗതംചെയ്‌ത്‌ മോദി

ന്യൂഡൽഹി: ഗാസയിലെ സമാധാനശ്രമങ്ങൾ പുരോഗതിനേടുന്ന സാഹചര്യത്തിൽ അമേരിക്കൻ പ്രസിഡൻ്റ് ഡൊണാൾഡ് ട്രംപിൻ്റെ നേതൃത്വത്തെ സ്വാഗതം ചെയ്യുന്നതായി പ്രധാനമന്ത്രി നരേന്ദ്രമോദി. ബന്ദികളുടെ മോചനത്തിന്റെ സൂചനകൾ നിലവിലുള്ള മാനുഷികവും നയതന്ത്രപരവുമായ ശ്രമങ്ങളിൽ നിർണായക മുന്നേറ്റത്തെ പ്രതിനിധാനംചെയ്യുന്നു. മേഖലയിൽ സുസ്ഥിരവും നീതിയുക്തവുമായ സമാധാനത്തിനു സംഭാവനനൽകുന്ന എല്ലാ സംരംഭങ്ങളെയും പിന്തുണയ്ക്കുന്നതിനുള്ള പ്രതിജ്ഞാബദ്ധതയിൽ ഇന്ത്യ ഉറച്ചുനിൽക്കുന്നെന്നും പ്രധാനമന്ത്രി എക്‌സിൽ കുറിച്ചു.