യുപിഐ ആണെങ്കിൽ പണം ലാഭിക്കാം; ടോൾപ്ളാസകളിലെ ഡിജിറ്റൽ പണമിടപാട് പ്രോത്സാഹിപ്പിക്കാൻ കേന്ദ്രം

ന്യൂഡൽഹി: ടോൾപ്ലാസകളിൽ ഡിജിറ്റൽ പണമിടപാടുകൾ പ്രോത്സാഹിപ്പിക്കാൻ ചട്ടഭേദഗതിയുമായി കേന്ദ്രസർക്കാർ. യുപിഐ വഴിയാണ് പണം അടയ്ക്കുന്നതെങ്കിൽ ടോൾ നിരക്കിൻ്റെ 25 ശതമാനം കൂടുതലായി അടച്ചാൽ മതിയാകുമെന്നാണ് ഭേദഗതി.

നേശത്തെ പണമായി ടോൾ നൽകുന്നവരും യുപിഐ ഇടപാടുകാരും ഇരട്ടിത്തുക നൽകേണ്ടിയിരുന്നു. ഭേദഗതിയിലൂടെ നിരക്കിൻ്റെ 75 ശതമാനം ലാഭിക്കാം.

പുതിയ ചട്ടം നവംബർ 15 മുതൽ പ്രാബല്യത്തിൽവരും. ടോൾപിരിവ് വേഗത്തിലാക്കി ടോൾപ്ലാസകളിലെ തിരക്ക് കുറയ്ക്കാനും സുതാര്യതയുറപ്പാക്കാനുമാണ് നീക്കമെന്ന് റോഡുഗതാഗത, ഹൈവേ മന്ത്രാലയം അറിയിച്ചു. 2008-ലെ നാഷണൽ ഹൈവേയ്‌സ് ഫി (ഡിറ്റർമിനേഷൻ ഓഫ് റേറ്റ്സ് ആൻഡ് കളക്ഷൻ) ചട്ടമാണ് സർക്കാർ ഭേദഗതിചെയ്ത‌ത്. രാജ്യത്തുള്ള 98 ശതമാനം വാഹനങ്ങളിലും ഫാസ്‌ടാഗ് സ്ഥാപിച്ചിട്ടുണ്ടെന്നാണ് സർക്കാരിന്റെ കണക്ക്.