വഖഫ് നിയമം: സുപ്രീംകോടതിയുടെ ഇടക്കാല ഉത്തരവ് നാളെ

ന്യൂഡൽഹി: വഖഫ് നിയമഭേദഗതി ചോദ്യം ചെയ്യുന്ന ഹർജികളിൽ സുപ്രീംകോടതി തിങ്കളാഴ്‌ച ഇടക്കാല ഉത്തരവ് പറയും. ചീഫ് ജസ്റ്റിസ് ബി.ആർ. ഗവായ്, ജസ്റ്റിസ് അഗസ്റ്റിൻ ജോർജ് മസീഹ് എന്നിവരുടെ ബെഞ്ച് മേയ് 22-ന് ഹർജികൾ ഉത്തരവിനായി മാറ്റിയതായിരുന്നു. നിയമത്തിലെ ചില വകുപ്പുകളുടെ സ്റ്റേ ഉൾപ്പെടെയുള്ള ഇടക്കാല ആവശ്യങ്ങൾ സംബന്ധിച്ചാകും ഉത്തരവ്,

പുതിയനിയമത്തിലെ വകുപ്പുകളുടെ ഭരണഘടനാസാധുത ചോദ്യംചെയ്യുന്ന മുഖ്യവിഷയം പിന്നിടാണ് പരിഗണിക്കുക. മേയിൽ ഇടക്കാല ഉത്തരവിന് മാറ്റുംമുൻപ് മൂന്നുദിവസം തുടർച്ചയായി കോടതി ഹർജിക്കാരുടെയും കേന്ദ്രസർക്കാരിൻ്റെയും വാദം കേട്ടിരുന്നു. ഇടക്കാല ഉത്തരവുവരെ വഖഫ് സ്വത്തുക്കളിൽ മാറ്റംവരുത്തില്ലെന്നും വഖഫ് ബോർഡുകളിൽ നിയമം നടപ്പാക്കില്ലെന്നും കേന്ദ്രസർക്കാർ നേരത്തെ കോടതിയിലറിയിച്ചിരുന്നു. രാഷ്ട്രപതിയുടെ അംഗീകാരം ലഭിച്ചതോടെ ഏപ്രിൽ അഞ്ചിനാണ് വഖഫ് നിയമഭേദഗതി കേന്ദ്രം വിജ്ഞാപനംചെയ്തത്.