കോവിഡ്: ആശങ്കവേണ്ടെന്ന് കേന്ദ്രം

ന്യൂഡൽഹി: ചൈനയിലും സിങ്കപ്പൂരിലും ഹോങ് കോങ്ങിലും കോവിഡ് കേസുകൾ ഉയരുന്നതിനാൽ ജാഗ്രതയോടെ ഇന്ത്യയും. ആശങ്കവേണ്ടെന്നും രാജ്യത്തെ കോവിഡ് കേസുകൾ നിയന്ത്രണവിധേയമാണെന്നും ആരോഗ്യവൃത്തങ്ങൾ സൂചിപ്പിച്ചു. രാജ്യത്ത് പുതിയ രോഗബാധിതരിൽ ഭൂരിഭാഗവും കേരളം, തമിഴ്‌നാട്, മഹാരാഷ്ട്ര സംസ്ഥാനങ്ങളിൽനിന്നാണ്. വിവിധ സംസ്ഥാനങ്ങളിലായി നിലവിൽ 257 കേസുകളുണ്ട്. ആരോഗ്യമന്ത്രാലയം തിങ്കളാഴ്ച അവലോകനയോഗം വിളിച്ചുചേർത്തിരുന്നു. രാജ്യത്തെ കോവിഡ് നിരക്കുകൾ നിയന്ത്രണവിധേയമാണെന്ന് ആരോഗ്യവൃത്തങ്ങൾ സൂചിപ്പിച്ചു. സിങ്കപ്പൂരിലും ഹോങ് കോങ്ങിലുമുള്ള കോവിഡ് വർധനയ്ക്കുപിന്നിൽ ജെഎൻ.1 വകഭേദമാണ്.