'ഭീകരവാദികളുടെ സഹോദരി'; കേണൽ സോഫിയാ ഖുറേഷിയെ അധിക്ഷേപിച്ച് ബിജെപി നേതാവ്

ന്യൂഡൽഹി: കേണൽ സോഫിയാ ഖുറേഷിക്കെതിരേ അധിക്ഷേപ പരാമർശവുമായി മധ്യപ്രദേശിലെ ബിജെപി മന്ത്രി കുൻവർ വിജയ്‌ഷാ. സോഫിയാ ഖുറേഷി ഭീകരവാദികളുടെ സഹോദരിയാണെന്നായിരുന്നു ഇന്ദോറിൽനടന്ന പരിപാടിക്കിടെ വിജയ് പറഞ്ഞത്.

'നമ്മുടെ പെൺമക്കളുടെ നെറ്റിയിലെ സിന്ദൂരം തുടച്ചവരെ ഒരു പാഠംപഠിപ്പിക്കാൻ നമ്മൾ അവരുടെ സഹോദരിയെത്തന്നെ അയച്ചു', എന്നാണ് വിജയ് പറഞ്ഞത്.

ഓപ്പറേഷൻ സിന്ദൂറിനെക്കുറിച്ചുള്ള വാർത്താസമ്മേളനങ്ങൾക്ക് നേതൃത്വംനൽകിയിരുന്നത് കേണൽ സോഫിയാ ഖുറേഷിയായിരുന്നു.

വിജയ്ഷായുടെ പരാമർശം ഇന്ത്യൻ സേനയെ അപമാനിക്കുന്നതിനുതുല്യമാണെന്ന് കോൺഗ്രസ് പറഞ്ഞു. ഷായുടെ പരാമർശങ്ങൾ അപമാനകരവും ലജ്ജാവഹവുമാണെന്ന് കോൺഗ്രസ് പ്രസിഡന്റ് മല്ലികാർജുൻ ഖാർഗെ പ്രതികരിച്ചു.