ഇന്ത്യ-പാക് സംഘർഷം: അടച്ച 32 വിമാനത്താവളങ്ങൾ തുറന്നു

ന്യൂഡൽഹി: ഇന്ത്യ-പാകിസ്‌താൻ സംഘർഷം മൂർച്ഛിച്ചതിനെത്തുടർന്ന് താത്കാലികമായി അടച്ച 32 വിമാനത്താവളങ്ങൾ തുറന്നു. ഇരുരാജ്യങ്ങളും സംഘർഷം അവസാനിപ്പിക്കാൻ ധാരണയുണ്ടാക്കിയ പശ്ചാത്തലത്തിലാണ് നടപടി.

യാത്രാവിമാനസർവീസുകൾക്കായി ഈ വിമാനത്താവളങ്ങൾ സജ്ജമായതായി എയർപോർട്ട് അതോറിറ്റി ഓഫ് ഇന്ത്യ തിങ്കളാഴ്‌ച അറിയിച്ചു. വിമാനങ്ങളുടെ തൽസ്ഥിതി സംബന്ധിച്ച വിവരങ്ങൾക്കും പുതുക്കിയ അറിയിപ്പുകൾക്കും യാത്രക്കാർ വിമാനക്കമ്പനികളുമായി ബന്ധപ്പെടുകയും വിമാനക്കമ്പനികളുടെ വെബ്സൈറ്റ് നിരീക്ഷിക്കുകയും വേണമെന്നും അതോറിറ്റി നിർദേശിച്ചു.