12-ാം ദിവസവും പാക് വെടിവെപ്പ്; ഇന്ത്യ തിരിച്ചടിച്ചു

ജമ്മു: നിയന്ത്രണരേഖയിൽ വെടിനിർത്തൽ കരാർ ലംഘനം പാകിസ്താൻ തുടരുന്നു. ഇന്ത്യ ശക്തമായി തിരിച്ചടിച്ചു. തുടർച്ചയായ 12-ാം ദിവസമാണ് പാക് പ്രകോപനമുണ്ടാകുന്നത്. കുപ്‌വാര, ബാരാമുള, പൂഞ്ച്, രജൗരി, മെന്ദാർ, നൗഷേര, സുന്ദർബനി, അഖ്നൂർ എന്നിവിടങ്ങളിലാണ് പാക് സൈന്യം പ്രകോപനമില്ലാതെ വെടിവെച്ചതെന്ന് സൈന്യം അറിയിച്ചു. ഏഴ് അതിർത്തി ജില്ലകളിലാണ് ഇതുവരെ വെടിവെപ്പ് റിപ്പോർട്ട് ചെയ്ത‌ത്.