.jpg)
നന്മണ്ട (കോ ഴിക്കോട്) : അതിവേഗം നിർമിക്കാവുന്നതും ഭാരംകുറഞ്ഞതുമായ ബുള്ളറ്റ് പ്രൂഫ് സൈനിക ബങ്കറെന്ന ആശയം ഇന്ത്യൻ സേനയ്ക്ക് മുന്നിൽ അവതരിപ്പിച്ച് നന്മണ്ട 12-ലെ തയ്യുള്ളതിൽ വീട്ടിൽ മേജർ സുധീഷ്. ഇന്ത്യൻ കരസേന രാജ്യാന്തരതലത്തിൽ നടത്തുന്ന ‘ഇന്നോ യോദ്ധ’യുടെ പ്രദർശനത്തിലാണിത് അവതരിപ്പിച്ചത്.
കരസേനയുടെ ഭാവിസാധ്യതകളായിരുന്നു പ്രദർശനത്തിലെ വിഷയം. നിയന്ത്രണരേഖയിലും സുപ്രധാന അതിർത്തിമേഖലകളിലും വിന്യസിക്കപ്പെടുന്ന സൈനികർക്ക് ബുള്ളറ്റ് പ്രൂഫ് സുരക്ഷിതത്വം നൽകുന്ന ബങ്കറാണിത്. പുതിയ ബുള്ളറ്റ് ഇന്റർലോക്കിങ് റുബിക് ബ്ലോക്സ് ഉപയോഗിച്ചാണ് നിർമാണം.
പോളിമർ കോൺക്രീറ്റ്, മെറ്റൽ ഫൈബർ, ഗ്ളാസ് ഫൈബർ, കാർബൺ ഫൈബർ എന്നിവയാണ് പ്രധാനഘടകങ്ങൾ. 17 കിലോ മാത്രമാണ് ഭാരം. കനം കുറവുള്ളതുകാരണം ഇവ ഏത് പ്രതികൂലമേഖലയിലും അനായാസേന എത്തിക്കാം. മൂന്നുദിവസംകൊണ്ട് നിർമിക്കാം. ശൈത്യകാലത്തുൾപ്പെടെ ഏത് കാലാവസ്ഥയിലും നിർമിക്കാമെന്നുമാത്രമല്ല മനുഷ്യാധ്വാനവും കുറവാണ്. 20 വർഷമായി മേജർ സുധീഷ് ഇന്ത്യൻ കരസേനയിൽ സേവനമനുഷ്ഠിക്കുന്നു. ഭാര്യ: ദൃശ്യ. യദുകൃഷ്ണ, തീർഥ എന്നിവരാണ് മക്കൾ.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
