ഡോ.എൻ. ലക്ഷ്മിക്കുട്ടിയ്ക്ക് ഭാരത് സേവക് സമാജ്‌ ദേശീയ പുരസ്‌കാരം

കോഴിക്കോട് യൂണിവേഴ്സിറ്റി യിൽ നിന്ന് എം ഫിലും പിഎച്ച്ഡിയും കരസ്ഥമാക്കിയ ഡോ.ലക്ഷ്മിക്കുട്ടി ഔദ്യോഗികജീവിതത്തിൽ മഹാത്മഗാന്ധി സർവകലാശാലയുടെ എം എ ഹിസ്റ്ററി എക്സാമിനേഷൻ ചെയർമാനായും ,കാലിക്കറ്റ് യൂണിവേഴ്സിറ്റിയുടെ എക്സ്റ്റേണൽ ബോർഡ് മെമ്പറായും സേവനമനുഷ്ഠിച്ചിരുന്നു .

യു സി കോളേജിലെ വിമൺ സെല്ലിൻറെ സ്ഥാപക പ്രസിഡണ്ടായിരുന്നു.

 കേന്ദ്ര ഗവൺമെൻറിൻറെ ഹ്യൂമൻ റിസോഴ്സ് ഡെവലപ്മെൻറ് ജൻശിക്ഷൻ സൻസ്ഥാൻ നോർത്ത് പരവൂർ യൂണിറ്റ് ഡയറക്ടർ ബോർഡിൽ മൂന്നുവർഷം സേവനമനുഷ്ഠിച്ചിതിനുപുറമെ ധാരാളം പുസ്തകങ്ങളും ലേഖനങ്ങളും ഡോ .ലക്ഷ്മിക്കുട്ടിയുടേതായുണ്ട് .  

ഇന്ത്യൻ നാഷണലിസം ആൻഡ് സ്വാമിവിവേകാനന്ദൻ എന്ന പേരിൽ തയ്യാറാക്കിയ പ്രബന്ധം കാലിക്കറ്റ് യൂണിവേഴ്സിറ്റി പ്രസിദ്ധീകരിച്ചു .ഈ ഗവേഷണത്തിന് നേതൃത്വം കൊടുത്തിരുന്നത് ശ്രീരാമകൃഷ്ണ പ്രസ്ഥാനത്തിൻ്റെ സാരഥികളായ മഹാകവി കുട്ടമത്ത് കുടുംബത്തിലെ പ്രമുഖ ചരിത്രകാരൻ ഡോ .കെ .കെ എൻ, കുറുപ്പായിരുന്നു .

സ്വാമിവിവേകാനന്ദ ഓൺ ഇന്ത്യൻ കൺസ്ട്രക്ഷൻ എന്ന പേരിൽ മലബാർ ഇൻസ്റ്റിറ്റ്യൂട്ട് ഫോർ റിസർച്ച് പ്രസിദ്ധീകരിച്ച ഈ ഗ്രന്ഥത്തിൻറെ മലയാളം പരിഭാഷ കേരള ഭാഷ ഇൻസ്റ്റിറ്റ്യൂട്ട് പ്രസിദ്ധീകരി ക്കുകയുണ്ടായി.

കാസർകോട് മുതൽ തിരുവനന്തപുരം വരെ നിരവധി വേദികളിൽ നടത്തിയ പല പ്രഭാഷണങ്ങളും ആകാശവാണി നിലയത്തിൽ നിന്നും പ്രക്ഷേപണം ചെയ്യുകയുണ്ടായി .

കൊച്ചി നിലയത്തിൽ മാത്രം ഏകദേശം 12 സുഭാഷിതം പരിപാടി അവതരിപ്പിച്ചിട്ടുണ്ട് .

ജന്മനാടായ ചേന്ദമംഗലംകാരുടെ അംഗീകാരങ്ങൾക്കൊപ്പം ഗ്രാമപഞ്ചായത്ത് പ്രതിഭാപുരസ്കാരം, വിവേകാനന്ദ ദൗത്യ പ്രചാരക ബഹുമതി ,മഹാകവി കുട്ടമത്ത് ഹെറിറ്റേജ് അനുമോദന പുരസ്കാരം തുടങ്ങി അവാർഡുകളുടെ നീണ്ട നിര തന്നെയാണ് ഡോക്ടർ ലക്ഷ്മി കുട്ടിയെ തേടിയെത്തിയത് .

ഇപ്പോഴിതാ ഭാരത് സേവക് സമാജ് ദേശീയ പുരസ്‌ക്കാരത്തിനും ഈ മഹദ്‌വ്യക്തിത്വം അർഹയായിരിക്കുന്നു .

നിലവിൽ 90 വർഷം; പിന്നിട്ട ചേന്ദമംഗലം നായർ സമാജം പബ്ലിക് ലൈബ്രറിയുടെ വൈസ് പ്രസിഡണ്ട് ആയി പ്രവർത്തിക്കുന്നു.

മഹാത്മാഗാന്ധി സാമൂഹിക-സാമ്പത്തിക പുനർനിർമ്മാണത്തിനായി "ലോക് സേവക് സംഘ്" എന്ന് ആദ്യം വിഭാവനം ചെയ്ത ഭാരത് സേവക് സമാജ് (ബിഎസ്എസ്), പ്രധാനമന്ത്രി ജവഹർലാൽ നെഹ്റുവിന്റെയും ആസൂത്രണ മന്ത്രി ഗുൽസാരിലാൽ നന്ദയുടെയും മാർഗ്ഗനിർദ്ദേശത്തിൽ 1952 ഓഗസ്റ്റ് 12-ന് ഔദ്യോഗികമായി ആരംഭിച്ചു.

 ഭാരത് സേവക് സമാജ് ദേശീയ വികസനത്തിനും പൊതുസേവനത്തിനും മാതൃകാപരമായ സംഭാവനകൾ നൽകിയ വ്യക്തികളെയും സംഘടനകളെയും പുരസ്കാരങ്ങൾ നൽകി ആദരിക്കുന്നു. സ്വയം സമർപ്പിത പ്രവർത്തനത്തിലൂടെ തങ്ങളുടെ കഴിവ് തെളിയിക്കുകയും രാഷ്ട്ര നിർമ്മാണ പ്രക്രിയയ്ക്ക് സംഭാവന നൽകാൻ കഴിയുകയും ചെയ്യുന്നവരെ അംഗീകരിക്കുകയാണ് ഈ പുരസ്കാരത്തിൻ്റെ ലക്ഷ്യം. കല, കായികം, സാഹിത്യം, സംസ്കാരം, സാമൂഹിക പ്രവർത്തനം തുടങ്ങിയ വിവിധ മേഖലകളിൽ മികച്ച സംഭാവനകൾ നൽകിയ വ്യക്തികൾക്കാണ് ഈ പുരസ്കാരം നൽകുന്നത്.