പകൽ പുസ്തക വിൽപ്പനരാത്രി ഗസൽ കച്ചേരി :ചാലക്കര പുരുഷു

ഓട്ടോ തൊഴിലാളികൾ മാതൃകയാവുന്നു

തലശ്ശേരി: നഗരത്തിലെ വൻമരങ്ങളത്രയും വികസനത്തിന്റെ പേരിൽ പല ഭാഗങ്ങളിലും മുറിച്ച് മാറ്റപ്പെടുമ്പോൾ , അധികം ഉയരത്തിൽ പോകാത്ത പടർന്ന് നിൽക്കുന്ന തണൽ മരങ്ങൾ നട്ട് വളർത്തി സംരക്ഷിക്കുകയാണ് നഗരത്തിലെ ഓട്ടോ തൊഴിലാളികൾ.പഴയ ബസ്സ് സ്റ്റാന്റിൽ ആശുപത്രി മെയിൻ റോഡിലും ഓട്ടോ സ്റ്റാന്റ്,പരിസരത്തുമെല്ലാം തണലേകുന്ന ഹരിതാഭമായ തണൽ മരങ്ങൾ ഇവർ മക്കളെ പോലെ സംരക്ഷിച്ചു നിർത്തുകയാണ്. കൊടും ചൂടിൽ വഴിയാത്രക്കാർ ഞെരിപിരികൊള്ളുമ്പോൾ തണൽ മരങ്ങൾ നഗരവാസികൾക്ക് ഏറെ പ്രയോജനകരമാവുകയാണ്.

തലശ്ശേരി ആശുപത്രി പരിസരത്ത് ഓട്ടോ ഡ്രൈവർമാർ നട്ടുവളർത്തുന്ന തണൽ മരങ്ങൾ.

ശ്രീശ്രീക്ക് മുന്നിൽ മുത്തപ്പൻ കെട്ടിയാടി

തലശ്ശേരി:ഗുരുദേവ് ശ്രീശ്രീരവിശങ്കർജിയുടെ നിറസാന്നിദ്ധ്യത്തിൽ ആർട്ട് ഓഫ് ലിവിംഗ് ബാംഗ്ലൂർ ആശ്രമത്തിൽ ആദ്യമായി മുത്തപ്പൻ വെള്ളാട്ടം കെട്ടിയാടി

കണ്ണൂരിൻ്റെ സ്വന്തം അനുഷ്ഠാന കലയാണ് മുത്തപ്പൻ വെള്ളാട്ടം .

 ജനുവരി 26 ന് ഉച്ചക്ക് ശേഷം 2 മണി മുതൽ കണ്ണൂര്‍ മുണ്ടയാട്ടെ ജയാനന്ദന്‍ പെരുവണ്ണാന്റെ നേതൃത്വത്തിലുള്ള എട്ടംഗ സംഘമാണ് ഗുരുദേവ് ശ്രീശ്രീരവിശങ്കർജിയുടെ സാന്നിദ്ധ്യത്തിൽ പൂര്‍ണമായ അനുഷ്ഠാനങ്ങളോടെ ബാഗ്ലൂർ ആശ്രമത്തിൽ മുത്തപ്പൻ വെള്ളാട്ടം കെട്ടിയാടിയത് .

വടക്കേ മലബാറിലെ പരമ്പരാഗത ആചാരരീതികളുടെ നേർക്കാഴ്ചകൂടിയായ മുത്തപ്പൻ വെള്ളാട്ടം കേവലം ഒരു മതാചരണം എന്നതിലുപരി ഒരു പ്രത്യേക കാലഘട്ടത്തിലെ വിശ്വാസികളുടെ സാംസ്കാരിക ആവിഷ്ക്കാരം കൂടിയാണ് .

 കണ്ണൂർ ജില്ലയിലെ വളരെ പ്രധാനപ്പെട്ട തെയ്യമാണ്‌ മുത്തപ്പൻ തെയ്യം. പ്രശസ്തമായ പറശ്ശിനിക്കടവ് മുത്തപ്പൻ ക്ഷേത്രത്തിൽ മുത്തപ്പൻ തെയ്യം കെട്ടിയാടുന്നു. കൂടാതെ മുത്തപ്പന്റെ ആരൂഢ സ്ഥാനമായി കണക്കാക്കപ്പെടുന്ന കുന്നത്തൂർ പാടി, പുരളിമല എന്നിവിടങ്ങളുമാണ് പ്രധാന സങ്കേതങ്ങൾ.

മഠപ്പുരകളിലും വീടുകളിലും മുത്തപ്പൻ തിരുവപ്പനയും വെള്ളാട്ടവും ജയാനന്ദൻ പെരുവണ്ണാൻ കെട്ടിയാടാറുണ്ട്. ഇദ്ദേഹത്തിൻ്റെ തെയ്യക്കോലങ്ങളുടെ അന്യാദൃശ്യമായ ചുവടുകൾ സോഷ്യൽ മീഡിയയിൽ കണ്ട ബ്രിട്ടീഷ് മലയാളികളിൽ ചിലരാണ് വിദേശരാജ്യങ്ങളിലേക്ക് അദ്ദേഹത്തെ ക്ഷണിച്ചത്. നേരത്തെ ഗൾഫിലും ഇദ്ദേഹം മുത്തപ്പൻ വെള്ളാട്ടം അവിടുത്തെ വിശ്വാസികളുടെ ആവശ്യപ്രകാരം കെട്ടിയാടിയിട്ടുണ്ട്. 

ശ്രീ ശ്രീ രവിശങ്കർജിക്ക് മുത്തപ്പൻ അനുഗ്രഹം ചൊരിയുന്നു

അണ്ടലൂർ ഉത്സവത്തിന്റെ അടിയറ ഘോഷയാത്രഇന്ന് 

തലശ്ശേരി:നാല്ദേശങ്ങളുടെനാഥനായ ദൈവത്താറീശ്വരന് ഹരിജനങ്ങളുടെ കാഴ്ച വരവെന്ന സങ്കല്പത്തിൽ നടത്തുന്ന അടിയറ ഘോഷയാത്ര രണ്ടിടങ്ങളിൽ നിന്നും ഇന്ന് വൈകിട്ട് പുറപ്പെട്ട് രാത്രി കാവിലെത്തും. അംബേദ്കർ കോളനിയിൽ നിന്നും ആരംഭിച്ച് ബ്രണ്ണൻ കോളേജ്, അരയാൽ തറ, വെളെളാഴുക്ക്,ചിറക്കുനി, വഴി കാവ് റോഡിലൂടെ നീങ്ങുന്ന ഘോഷയാത്രയെ വഴി നീളെ ദീപം കൊളുത്തിയും പടക്കം പൊട്ടിച്ചും ഭക്തർ വരവേൽക്കും. ഉച്ചനീചത്വങ്ങൾ എന്ന ദുരാചാരത്തിനെ പൂർണ്ണമായും മാറ്റി നിർത്തി നാനാത്വത്തിൽ ഏകത്വം എന്ന മഹനീയ ആശയം പ്രാവർത്തികമാക്കിയാണ് ഒരു കാലത്ത് അയിത്തം കൽപിച്ച് അകറ്റി നിർത്തിയ ഹരിജനങ്ങൾ ഒന്നാകെ അണിചേർന്ന് അടിയറ ഘോഷയാത്ര നടത്തുന്നത്. ഇഷ്ടദേവ സന്നിധിയിലേക്കു് വാദ്യമേളങ്ങളുടെയും താലപ്പൊലിയേന്തിയ ബാലികാ - ബാലന്മാരുടെയും അകമ്പടിയോടെ കാഴ്ച ദ്രവ്യങ്ങൾ അടിയറ ഘോഷയാത്രയായി സമർപ്പിക്കാനെത്തുന്നതാണ് ഇന്നത്തെ പ്രധാന കർമ്മങ്ങൾ.. അണ്ടലൂർ കിഴക്കുംഭാഗത്തുള്ള തുരുത്തിൽ തറവാട്ടുകാരും പാലയാട് കുന്നുംപുറം അംബേദ്കർ കോളനിയിലെ തുലാപറമ്പത്ത് ദേവസ്ഥാനത്ത് നിന്നുള്ള കല്യാടൻ തറവാട്ടുകാരുമാണ് അടിയറ ഘോഷയാത്ര സംഘടിപ്പിക്കുന്നത്. കാഴ്ചവരവ് കാവിൽ വന്ന ശേഷംവലിയ എബ്രാൻ കൊടുക്കുന്ന കുറിയില സ്വീകരിച്ച് ക്ഷേത്രത്തിന്റെ കിഴക്ക് ഭാഗത്തുള്ള ചെമ്പകത്തറയുടെ ചുവട്ടിൽ പുത്തൻ പായ വിരിച്ച് നിലവിളക്ക് കത്തിച്ച് കാരണവന്മാർ പണം വയ്ക്കും. ഇതിൽ പിന്നീട് കാവിന്റെ അവകാശിത്തറവാട്ടുകാർ ഇരു അടിയറ ഘോഷയാത്ര കാരണവന്മാർക്കും അക്ഷതം എന്ന മെതിച്ച നെല്ല് അളന്ന് നൽകു ന്നതോടെ ചടങ്ങുകൾ പൂർത്തിയാവും. കുംഭമാസം ഒന്ന് മുതൽ എട്ടിന് പുലരും വരെ നീളുന്ന അണ്ടലൂർ തിറയുത്സവത്തിന്റെ കേളികൊട്ടാണ് മകരം 15 ന് നടത്തുന്ന ഹരിജനങ്ങളുടെ അടിയറ കാഴ്ചവരവ് ഘോഷയാത്ര.. അടിയറ വരവിനെയും അണ്ടലൂർ ഉത്സവത്തെയും വരവേൽകാൻ ധർമ്മടം ഗ്രാമത്തിലെ മേലൂർ, പാലയാട്, അണ്ടലൂർ, ധർമ്മടം എന്നീ നാല് ഊരുകാരും ഇതിനകം ഒരുക്കങ്ങൾ പൂർത്തിയാക്കിക്കഴിഞ്ഞു..വീടുകൾ ചായം തേച്ചും വീഥികൾ വൃത്തിയാക്കിയും ഭക്തരെ വരവേൽക്കാൻ മകരം പിറന്നതു മുതൽ നാടാകെ ഒരുങ്ങി നിൽപാണ്. തെങ്ങു ചെത്തിനും മത്സ്യബന്ധനത്തിനും പേര് കേട്ട ധർമ്മടം ഗ്രാമം മുഴുവൻ അണ്ടലൂർ കാവ് ഉത്സവത്തിന്റെ മുഖ്യചടങ്ങുകളും കെട്ടിയാട്ടങ്ങളുംനടക്കുന്ന കുംഭം ഒന്ന് മുതൽ എട്ടിന് പുലരുംവരെ മദ്യവും മത്സ്യമാംസാദികളും വർജ്ജിക്കും. ദേവഭോജ്യമായ അവിലും മലരും പഴവുമാണ് വ്രതം അനുഷ്ഠിക്കുന്നവരുടെ മുഖ്യ ഭക്ഷണം . അപരിചിതരെ പോലും അതിഥികളായി കരുതി സൽക്കരിക്കുന്ന ആഥിത്യ മര്യാദ ഉത്സവകാലത്ത് ധർമ്മടത്തെ മാത്രം. വേറിട്ട കഴ്ചയാണ് 

റിപ്പബ്ലിക് ദിനം ആഘോഷിച്ചു.

മാഹി: ചാലക്കര എക്സൽ പബ്ലിക് സ്കൂളിൽ റിപ്പബ്ലിക് ദിനം ആഘോഷിച്ചു.

 പ്രിൻസിപ്പൽ സതി എം കുറുപ്പ് ദേശീയ പതാക ഉയർത്തി റിപ്പബ്ലിക് ദിന സന്ദേശം നൽകി. എട്ടാം ക്ലാസിലെ അനശ്വർ ശ്രീജേഷ് നമ്മുടെ റിപ്പബ്ലിക്കിന്റെ പ്രസക്തിയെക്കുറിച്ച് സംസാരിച്ചു, ശ്രേയ ജിതേഷ് ഇംഗ്ലീഷിൽ സംസാരിച്ചു. ഏഴാം ക്ലാസിലെ സെഹാക് രാജീസ് ഹിന്ദിയിൽ പ്രസംഗിച്ചു. ജെഎൽപിയിലെയും യുപിയിലെയും വിദ്യാർത്ഥികൾ വന്ദേ മാതരം ആലപിച്ചു. എസ്എൽപി, കെജി വിദ്യാർത്ഥികൾ ദേശഭക്തി ഗാനവും നൃത്തവും അവതരിപ്പിച്ചു. ഏഴാം ക്ലാസിലെ ശ്രീദേവ് ദീപക് കീ ബോർഡിൽ 'സാരെ ജഹാൻ സേ അച്ചാ' വായിച്ചു. വൈസ് പ്രിൻസിപ്പൽമാർ, കോർഡിനേറ്റർമാർ, വിദ്യാർത്ഥികൾ, ജീവനക്കാർ എന്നിവർ ചടങ്ങിൽ പങ്കെടുത്തു. സന്നിഹിതരായ എല്ലാവർക്കും മധുരം വിതരണം ചെയ്തു. ശ്രീമതി രേഖ കുറുപ്പ് പരിപാടി അവതാരകയായിരുന്നു. സ്കൂൾ ഗേൾ ഗൈഡും എൻഎസ്എസ് യൂണിറ്റും പരിപാടിക്ക് നേതൃത്വം നൽകി.

മാഹി കോളേജ് ഗ്രൗണ്ടിൽ നടന്ന മാർച്ച്‌പാസ്റ്റിൽ എക്സൽ വിദ്യാർഥികൾ തുടർച്ചയായി മൂന്നാം വർഷവും മികച്ച കണ്ടിജന്റ് ട്രോഫി നേടി.

ബഞ്ചമിൻ നിര്യാതനായി.

തലശ്ശേരി:കൊളശ്ശേരി സി.കെ. നഗർ കച്ചേരി പറമ്പ് ഹൗസിൽ ബഞ്ചമിൻ (90) നിര്യാതനായി. സംസ്കാരം വ്യാഴാഴ്ച വൈകുന്നേരം 4 മണിക്ക് തലശ്ശേരി സെൻ്റ് ജോൺസ് ചർച്ച് സെമിത്തേരിയിൽ . കേരള ദിനേശിൽ ദീർഘകാലം ഡ്രൈവറായിരുന്നു. ഭാര്യ : മറിയ. മക്കൾ : റീന ബീന, സുനി (സൗദി). സഹോദരങ്ങൾ - പരേതരായ ജോസഫ്,ലീലക്രിസ്റ്റി.

വനിതാ കൺവൻഷൻ നടത്തി

തലശ്ശേരി : സീനിയർ സിറ്റി സൺസ് ഫ്രണ്ട്സ് വെൽഫെയർ അസോസിയേഷൻ  തലശ്ശേരി മേഖല വനിതാ കൺവൻഷൻ സി എച്ച് കണാരൻ സ്മാരക ഹാളിൽ നടന്നു. സംസ്ഥാന വൈസ് പ്രസിഡന്റ് പ്രൊഫ : കെ എ സരള ഉദ്ഘാടനം ചെയ്തു. എം പ്രസന്ന ടീച്ചർ അധ്യക്ഷത വഹിച്ചു. വി എം സുകുമാരൻ, ആമിന മാളിയേക്കൽ സംസാരിച്ചു.

ചിത്രവിവരണം: സംസ്ഥാന വൈസ് പ്രസിഡന്റ് പ്രൊഫ : കെ എ സരള ഉദ്ഘാടനം ചെയ്യുന്നു

ഈസ്റ്റ് പള്ളൂരിലെ മോഷണം: തിരുവല്ലക്കാരൻ

 അറസ്റ്റിൽ

മാഹി: പള്ളുർ പൊലീസ് പരിധിയിലെ ഈസ്റ്റ് പള്ളുരിലെ പൂട്ടിയിട്ട വീട് കുത്തിത്തുറന്ന് കവർച്ച നടത്തിയ കേസിലെ പ്രതിയെ പള്ളുർ എസ്.ഐ. റെനിൽ കുമാർ, ഗ്രെയിഡ് എസ്-ഐ- രാജേഷ് കുമാർ എന്നിവരടങ്ങുന്ന സംഘം അറസ്റ്റ് ചെയ്തു.പത്തനം തിട്ട തിരുവല്ല സ്വദേശി നസീം എന്ന റോയി (55) യാണ് അറസ്റ്റിലായത്.

  കഴിഞ്ഞ 13 ന് രാത്രി ഈസ്റ്റ് പള്ളുർ ആർ .എസ് .എസ് .കാര്യാലയത്തിന് സമീപത്തെ വൈഷ്ണവിൻ്റെ വീട് കുത്തിത്തുറന്നാണ് കവർച്ച നടത്തിയത്ത് - പണവും ,പൊന്നും നഷ്ടപ്പെട്ടെന്ന വൈഷ്ണവിൻ്റെ പരാതിയിൽ കേസെടുത്ത് പള്ളൂർ പൊലീസ് അന്വേഷണം നടത്തി വരികയായിരുന്നു. സമീപത്തെ സി .സി .ടി .വി.ദൃശ്യങ്ങൾ നിരീക്ഷിച്ചും, സൈബർ സെല്ലിൻ്റേയും സഹായത്തോടെയാണ് പ്രതിയെ പിടികൂടിയത്. മോഷണം നടന്ന ശേഷം പ്രതി വീട്ടിനകത്ത് മുളക് പൊടി വിതറിയതായും പൊലീസ് പറഞ്ഞു വൈഷ്ണവ് കുടുംബത്തോടൊപ്പം വീട് പൂട്ടി ബന്ധുവിൻ്റെ കല്യാണത്തിന് പോയതായിരുന്നു .മാഹി കോടതി പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.വയറു വേദന അനുഭവപ്പെടുന്നതായി പറഞ്ഞ പ്രതിയെ പൊലീസ് നിരീക്ഷണത്തിൽ മാഹി ഗവ.ജനറൽ ആശുപത്രിയിൽ പ്രവേശിപ്പിച്ചു - നിരവധി മോഷണ കേസിലെ പ്രതിയാണ് നസീം

ലക്ഷ്മി നിര്യാതയായി

തലശ്ശേരി:ഊരാങ്കോട്ട് ( ത്രിവേണി ) കാട്ടിൽ പറമ്പത്ത് വീട്ടിൽ ലക്ഷ്മി ( 54 ) നിര്യാതയായി. ഭർത്താവ് ശിവദാസൻ മക്കൾ അശ്വിൻ, അർജുൻ( സിപിഐഎം പുല്ലമ്പിൽ താഴെ ബ്രാഞ്ച് മെമ്പർ ), അഞ്ജന, സഹോദരി സരസ്വതി.

മരണപ്പെട്ട അജ്ഞാതനെ തിരിച്ചറിഞ്ഞു.

മാഹി..കഴിഞ്ഞ 26. ന് മാഹിതിലക് മെമ്മോറിയൽ റീഡിംങ്ങ് റൂമിൻ്റെ മുന്നിലായി മരണപ്പെട്ട നിലയിൽ കണ്ട അജ്ഞാതനെ മാഹി ഗവ:ഹോസ്പിറ്റൽ മോർച്ചറിയിൽ നിന്ന് ബന്ധുക്കൾ തിരിച്ചറിഞ്ഞു. ഷരീഫ് (55) കോയൻ്റെ വളപ്പിൽ ,ബീച്ച് റോഡ് കുരിയാടി വടകര'

കോടികളുടെ തട്ടിപ്പ് നടത്തിയ അഫ്സലിന്റെ വിടിന് മുന്നിൽ ധർണ

തലശ്ശേരി: ചൊക്ലി മേക്കുന്നിൽ പ്രവാസികളിൽ നിന്നും കോടികൾ തട്ടിയ യുവാവിൻ്റെ വീടിന് മുൻപിൽ പ്രതിഷേധവുമായി പ്രവാസികളും കുടുംബങ്ങളും. കുനിയിൽ കുറന്തോട്ട് വീട്ടിലെ അഫ്സലിൻ്റെ വീടിന് മുൻപിലാണ് പ്രതിഷേധം നടന്നത്. ഇയാൾ ഖത്തറിൽ ഉള്ളതും നാട്ടിലുള്ളതുമായ പ്രവാസികളിൽ നിന്നാണ് പണംതട്ടിയത്.ബിസിനസിൽ പങ്കാളിയാക്കാമെന്ന് പറഞ്ഞാണ് പലരിൽ നിന്നും 32 കോടി രൂപ തട്ടിയത്.5 ലക്ഷം രൂപ മുതൽ 2 കോടി രൂപ വരെ നിക്ഷേപിച്ചവർ ഇതിൽ ഉണ്ട്.പണം ലഭിക്കാത്തതിനെ തുടർന്ന് പലരും പൊലീസിൽ പരാതി നൽകിയതോടെ ഇയാൾ മുങ്ങുകയായിരുന്നു. ഖത്തറിലും ഇയാൾക്കെതിരെ പരാതി വന്നതോടെ നാട്ടിൽ എത്തി മുങ്ങുകയായിരുന്നു. മുപ്പത്തിരണ്ട് കുടുംബങ്ങളാണ് പ്രതിഷേധവുമായി ഇയാളുടെ വീടിന് മുൻപിൽ എത്തിയത്.ഈ പണം ഉപയോഗിച്ച് ഇയാൾ ബാംഗ്ലൂരിൽ ആഢംബര ഹോട്ടലും നടത്തി വരികയാണ്.വീടിന് മുൻപിൽ പ്രതിഷേധക്കാർ ഫ്ളക്സുകൾ ഉൾപ്പെടെ സ്ഥാപിക്കുകയും ചെയ്തു.വിവരമറിഞ്ഞ് പൊലീസും സ്ഥലത്ത് എത്തിയിരുന്നു. പ്രതിയെ പിടിച്ചില്ലെങ്കിൽവരും ദിവസങ്ങളിൽ വൻ സമര പരിപാടികൾ സംഘടിപ്പിക്കാനാണ് നിക്ഷേപകരുടെ നീക്കം.

ചിത്രവിവരണം: അഫ്സലിന്റെ വീടിന് മുമ്പിൽ നിക്ഷേപകരുടെ ധർണ്ണ

മേക്കിലേരി ബാലകൃഷ്ണൻ നിര്യാതനായി

തലശ്ശേരി:ധർമ്മടംപാലയാട് വെള്ളൊഴുക്ക് വി.എം ഹൗസിൽ വെള്ളച്ചി മേക്കിലേരി ബാലകൃഷ്ണൻ (87)നിര്യാതനായി. സംസ്ക്കാരം ജനുവരി 30 ന് രാവിലെ 11 മണി പന്തക്കപ്പാറ പ്രശാന്തിയിൽ ' സി.പി.ഐ (എം) പാലയാട് അംബേദ്ക്കർ നഗർ ബ്രാഞ്ച് അംഗമാണ്. ആരോഗ്യ വകുപ്പിൽ നിന്നും റിട്ടയർ ചെയ്ത ജീവനക്കാരനാണ്.

ഭാര്യ രമണി. മക്കൾ: ഷാജി ബാലകൃഷ്ണൻ (ദുബൈ) ഷിജിന ബാലകൃഷ്ണൻ

മരുമക്കൾ: ജിഷ്ന (മുഴപ്പിലങ്ങാട് സർവ്വീസ് സഹകരണ ബാങ്ക്) റിനീഷ് (ഒമാൻ)

സഹോദരങ്ങൾ: 

രോഹിണി ,രാധ പരേതരായ മാധവി, ശാരദ ,ഭാസ്ക്കരൻ, സുകുമാരൻ, മോഹനൻ.

കമ്മ്യൂണിസ്റ്റ് ആയതിൻ്റെ പേരിൽ പട്ടാളത്തിൽ നിന്നും പിരിച്ചു വിടുകയുണ്ടായി.

1973 ലെ എൻ.ജി.ഒ പണിമുടക്കിൽ പങ്കെടുത്തതിന് ജോലിയിൽ നിന്നും പിരിച്ചു വിട്ടു. 4 വർഷത്തെ നിയമ പോരാട്ടത്തിന് ശേഷമാണ് സർവ്വീസിൽ തിരിച്ചെടുത്തത്.

പഴയ കാല പത്രങ്ങൾ, 3500 ൽ പരം പഴയ നാടക, സിനിമാ, വിപ്ലവ ലളിതഗാനങ്ങളുടെ യും പാട്ട് പുസ്തകങ്ങൾ, ഗ്രാമഫോൺ റെക്കോർഡുകളുടെയും വിവിധ ചരിത്രരേഖകൾ ഉൾപ്പെടുന്ന വലിയൊരു ശേഖരം ബാലകൃഷ്ണേട്ടൻ സൂക്ഷിക്കുന്നു. അപൂർവ്വ സസ്യങ്ങളുടെ ശേഖരമുള്ള മികച്ച കൃഷിക്കാരനുമാണ്

രാമചന്ദ്രൻ നിര്യാതനായി

മാഹി:പള്ളൂർ കോയ്യോട്ടുതെരുവിലെ ശ്രീലകം വീട്ടിൽ പാലയൻറവിട രാമചന്ദ്രൻ (76) നിര്യാതനായി.സംസ്കാരം വ്യാഴായ്ച കാലത്ത് 10മണിക്ക് മാഹി പൊതുസ്മശാനത്തിൽ നടക്കും.

ഭാര്യ:ടി.കെ.സുമതി മക്കൾ :സ്മിത.പി.(അസിസ്റ്റൻറ്,ഗവ:ജനറൽ ആശുപത്രി,മാഹി), ഡോ.സിനി.പി.(വെറ്റനറി സർജൻ,വടകര).മരുമക്കൾ:ഷൈജുകെ.കെ.(അധ്യപകൻ,ഹയർ സെക്കണ്ടറി സ്ക്കൂൾ,ബാലുശ്ശേരി),ജഗദീഷ്.കെ.(അധ്യാപകൻ, ഹയർ സെക്കണ്ടറി സ്ക്കൂൾ, വടകര).സഹോദരങ്ങൾ:ദാക്ഷായണി.പി.(പുതുച്ചേരി), പരേതനായ പി.സുമിത്രൻ

ഈസ്റ്റ് പള്ളൂരിലെ മോഷണം: തിരുവല്ലക്കാരൻ 

അറസ്റ്റിൽ

മാഹി: പള്ളുർ പൊലീസ് പരിധിയിലെ ഈസ്റ്റ് പള്ളുരിലെ പൂട്ടിയിട്ട വീട് കുത്തിത്തുറന്ന് കവർച്ച നടത്തിയ കേസിലെ പ്രതിയെ പള്ളുർ എസ്.ഐ. റെനിൽ കുമാർ, ഗ്രെയിഡ് എസ്-ഐ- രാജേഷ് കുമാർ എന്നിവരടങ്ങുന്ന സംഘം അറസ്റ്റ് ചെയ്തു.പത്തനം തിട്ട തിരുവല്ല സ്വദേശി നസീം എന്ന റോയി (55) യാണ് അറസ്റ്റിലായത്.

  കഴിഞ്ഞ 13 ന് രാത്രി ഈസ്റ്റ് പള്ളുർ ആർ .എസ് .എസ് .കാര്യാലയത്തിന് സമീപത്തെ വൈഷ്ണവിൻ്റെ വീട് കുത്തിത്തുറന്നാണ് കവർച്ച നടത്തിയത്ത് - പണവും ,പൊന്നും നഷ്ടപ്പെട്ടെന്ന വൈഷ്ണവിൻ്റെ പരാതിയിൽ കേസെടുത്ത് പള്ളൂർ പൊലീസ് അന്വേഷണം നടത്തി വരികയായിരുന്നു. സമീപത്തെ സി .സി .ടി .വി.ദൃശ്യങ്ങൾ നിരീക്ഷിച്ചും, സൈബർ സെല്ലിൻ്റേയും സഹായത്തോടെയാണ് പ്രതിയെ പിടികൂടിയത്. മോഷണം നടന്ന ശേഷം പ്രതി വീട്ടിനകത്ത് മുളക് പൊടി വിതറിയതായും പൊലീസ് പറഞ്ഞു വൈഷ്ണവ് കുടുംബത്തോടൊപ്പം വീട് പൂട്ടി ബന്ധുവിൻ്റെ കല്യാണത്തിന് പോയതായിരുന്നു .മാഹി കോടതി പ്രതിയെ രണ്ടാഴ്ചത്തേക്ക് റിമാൻഡ് ചെയ്തു.വയറു വേദന അനുഭവപ്പെടുന്നതായി പറഞ്ഞ പ്രതിയെ പൊലീസ് നിരീക്ഷണത്തിൽ മാഹി ഗവ.ജനറൽ ആശുപത്രിയിൽ പ്രവേശിപ്പിച്ചു - നിരവധി മോഷണ കേസിലെ പ്രതിയാണ് നസീം

പള്ളുരിലെ കവർച്ച - നസീം

കുടിവെള്ള പ്ലാന്റ് ഉദ്ഘാടനം ചെയ്തു.

മാഹി: പള്ളൂർ വി.എൻ . പി.ഗവ:ഹയർസെക്കൻഡറിസ്കൂളിലേക്ക് മാഹി സി.എച്ച്. സെന്റർ സംഭാവന ചെയ്ത രണ്ടാമത്തെ കുടിവെള്ള ശുദ്ധീകരണ പ്ലാന്റ് രമേശ് പറമ്പത്ത് എം എൽ എ ഉദ്ഘാടനം ചെയ്തു. സെന്റർ പ്രസിഡണ്ട് എ.വി. യൂസഫ് അദ്ധ്യക്ഷത വഹിച്ചു. ചാലക്കര പുരുഷു സ്വാഗതവും, മാഹി വിദ്യാഭ്യാസ മേലദ്ധ്യക്ഷ എം എം തനുജ നന്ദിയും പറഞ്ഞു.

പ്രധാന അദ്ധ്യാപിക ലളിത,

ഇ.ടി. ബഷീർ, കെ. ഫൈസൽ, അഷിത ബഷീർ . ടി.കെ.സുബൈർ, മുഹമ്മദലി പാറാൽ , മുനവ്വർ പന്തക്കൽ , പി.കെ. സിദ്ദീഖ്, ബീന ടീച്ചർ ജലാലുദ്ദീൻ

സംബന്ധിച്ചു.

ചിത്രവിവരണം: രമേശ് പറമ്പത്ത് എം എൽ എ ഉദ്ഘാടനം ചെയ്തപ്പോൾ

നടപ്പാതയിലേക്ക് ചാഞ്ഞ തെങ്ങ് മുറിക്കണം

മാഹി : മാഹി പൊലീസ് ക്വാർട്ടേഴ്സ് സ്ഥിതി ചെയ്യുന്ന സ്ഥലത്തെ തെങ്ങ് പുഴയോര നടപാതയിലേക്ക് ചാഞ്ഞ് ഏതു നിമിഷവും വീഴുന്ന നിലയിൽ ആണ് ഉള്ളത്. നിരവധി പേർ നടത്തത്തിനും വിനോദത്തിനുമായി വരുന്ന നടപ്പാതയിലെ തെങ്ങ് മുറിച്ച് മാറ്റി അപകടം ഒഴിവാക്കണമെന്നാവശ്യപ്പെട്ട് ജയ്ഹിന്ദ് ഫൗണ്ടേഷൻ ഭാരവാഹികൾ രമേശ് പറമ്പത്ത് എം.എൽ.എക്കും മാഹി റിജ്യണൽ അഡ്മിനിസ്ടേറ്റർക്കും നിവേദനം നൽകി.

ചിത്ര വിവരണം: നടപ്പാതയിലേക്ക് ചാഞ്ഞ് കിടക്കുന്ന തെങ്ങ്

ഉത്തര മേഖല ചിത്ര രചന മത്സരം നടത്തുന്നു

ന്യൂ മാഹി :പെരിങ്ങാടി ശ്രീ കാഞ്ഞിരമുള്ള പറമ്പ് ഭഗവതി ക്ഷേത്രം ഗംഗാധരൻ മാസ്റ്റർ സ്മാരക വായനശാല & ഗ്രന്ഥാലയത്തിന്റെ പതിനൊന്നാം വാർഷിക ആഘോഷത്തിന്റെ ഭാഗമായി ഉത്തരമേഖല സ്വർണ്ണ മെഡലിനു വേണ്ടിയുള്ള ചിത്രരചന മത്സരം സംഘടിപ്പിക്കുന്നു.

ഫെബ്രുവരി 2 ഞായറാഴ്ച രാവിലെ 10 മണിക്ക് പ്രശസ്ത ഫ്രീലാൻസ് ആർട്ടിസ്റ്റ് നിഷ ഭാസ്കരൻ ചടങ്ങ് ഉത്ഘാടനം ചെയ്യും.

ജൂനിയർ Lp, സീനിയർ L P, U P വിഭാഗം കുട്ടികൾക്കുള്ള മത്സരമാണ്.

 L k g Ukg കുട്ടികൾക്ക് കളറിങ് മത്സരവും സംഘടിപ്പിക്കുന്നു.

കൂടുതൽ വിവരങ്ങക്ക് 

 9048944656, 98463 01159