മാതൃകയായി കോഫി വിത്ത്ജൻസിഎന്റർപ്രണർ സംഗമം .

കതിരൂർ ബാങ്ക് ഹാളിൽ നടന്നചടങ്ങ് തലശ്ശരി എഎസ്പി  ഡോ: നന്ദഗോപൻഐ.പി.എസ് ഉദ്ഘാടനം ചെയ്തു . ബാങ്ക് പ്രസിഡണ്ട് ശ്രീജിത്ത്ചോയൻ.അധ്യക്ഷത വഹിച്ചു . തലശ്ശേരിഎ.ആർ.ഷബിൻ,ബാങ്ക്സെക്രട്ടറി എം .രാജേഷ്ബാബു ,സിപി പ്രമോദ് സംസാരിച്ചു.

ചിത്രവിവരണം: കതിരൂർ ബാങ്ക് ഹാളിൽ നടന്ന കോഫി വിത്ത് ജൻസിഎന്റർപ്രണർ സംഗമം .

ഭാരതിയാർ പൽകലൈക്കൂടത്തിന്റെ

ശാഖ മാഹിയിൽ 

മാഹി: മാഹിയുടെ വിദ്യാഭ്യാസ-സാംസ്കാരിക മേഖലയിൽ പുതിയ അദ്ധ്യായത്തിന് തുടക്കമാകുന്നു. പുതുച്ചേരി സർക്കാരിന്റെ കീഴിലുള്ള പ്രശസ്ത കലാസ്ഥാപനമായ ഭാരതിയാർ പൽകലൈക്കൂടത്തിന്റെ ശാഖ മാഹിയിൽ ആരംഭിക്കുന്നതിനുള്ള നടപടികൾ പുരോഗമിക്കുന്നതായി

മാഹി എം.എൽ.എ അഡ്വ. ടി. അശോക് കുമാർ അറിയിച്ചു. നിരന്തരമായ ഇടപെടലുകളുടെയും പരിശ്രമങ്ങളുടെയും ഫലമായാണ് ഏറെക്കാലമായുള്ള ഈ സ്വപ്നപദ്ധതി യാഥാർഥ്യമാകുന്നതെന്ന് എം എൽ എ പറഞ്ഞു. 

ഇതിന്റെ ഭാഗമായി പുതുച്ചേരി കലാ-സാംസ്കാരിക വകുപ്പ് മന്ത്രി രാജവേലു, ഭാരതിയാർ പൽകലൈക്കൂടം പ്രിൻസിപ്പൽ ഡോ. ബോസ്, ,മാഹിറീജിയണൽഅഡ്മിനിസ്ട്രേറ്റർതുടങ്ങിയവരോടൊപ്പം എം.എൽ.എ നിർദ്ദിഷ്ട സ്ഥലം സന്ദർശിച്ച് സൗകര്യങ്ങൾവിലയിരുത്തി. കോളേജിന്റെ പ്രവർത്തനം ഉടൻ ആരംഭിക്കുന്നതിനുള്ള നടപടികൾ സ്വീകരിക്കുമെന്ന് മന്ത്രി ഉറപ്പുനൽകി.

ആദ്യഘട്ടത്തിൽ ചിത്രകല, നൃത്തം, സംഗീതം എന്നീ മേഖലകളിലായിരിക്കും പഠനപരിശീലന സൗകര്യങ്ങൾ ആരംഭിക്കുക. മാഹിയിലെയും സമീപ പ്രദേശങ്ങളിലെയും വിദ്യാർത്ഥികൾക്ക് സ്വന്തം നാട്ടിൽത്തന്നെ കലാപഠനത്തിന് അവസരം ലഭ്യമാക്കുന്ന ഈ പദ്ധതി മാഹിയുടെ കലാ-സാംസ്കാരിക വളർച്ചയ്ക്ക് വലിയ മുതൽക്കൂട്ടാകും.

ചിത്രവിവരണം: മന്ത്രി പി. രാജവേലു അഡ്വ.ടി. അശോക് കുമാർ എം എൽ എ യുമായി സ്ഥലം സന്ദർശിച്ച് വിവരങ്ങൾ ആരായുന്നു.