നാടെങ്ങും ചതയ ദിനം ആഘോഷിച്ചു

ചതയ ദിനം ആഘോഷിച്ചു.

തലശ്ശേരി:കുട്ടിമാക്കൂൽ ശ്രീനാരായണ സാംസ്കാരിക കേന്ദ്രത്തിന്റെ ആഭിമുഖ്യത്തിൽ ചതയ ദിനാഘോഷം നടത്തി.

കാരായി രാജൻ എം എൽ എ ഉദ്ഘാടനം ചെയ്തു.

ശ്രീനാരായണ സാംസ്കാരിക കേന്ദ്രം പ്രസിഡണ്ട്‌ കെ പി ജ്യോതിബാസ്അ ദ്ധ്യക്ഷത വഹിച്ചു.നഗരസഭാ ചെയർമാൻ കാരായി ചന്ദ്രശേഖരൻ, ജഗന്നാഥ ക്ഷേത്രം പ്രസിഡണ്ട് അഡ്വ.കെ. സത്യൻ മുഖ്യാതിഥികളായി.

ഖത്തർ റേഡിയോ മുൻ ഡയറക്ടർ എ യതിന്ദ്രൻ, അഡ്വ. സ്വാമിക് ദാസ്

കോഴിക്കോട് പ്രഭാഷണം നടത്തി.

പ്രസന്നസുധാകരൻസമ്മാനദാനംനടത്തി.

എം.വി.ബാലറാം സ്വാഗതവും തലശ്ശേരി നഗരസഭ കൗൺസിലർ യു ബ്രിജേഷ്നന്ദിയും പറഞ്ഞു.

ചിത്ര വിവരണം: കാരായി രാജൻ എം എൽ എ ഉദ്ഘാടനം ചെയ്യുന്നു.

കടമ്പൂർ മമ്മാക്കുന്ന് ഗുരുദേവ മഠത്തിന്റെ ആദിമുഖ്യത്തിൽ നടന്ന ഗുരു ജയന്തി ഘോഷയാത്ര

സാമ്യൂഹ്യ മുന്നോക്കാവസ്ഥക്ക് കാരണം മഹാ ഗുരു : ഫാദർ ഡോ: ജി.എസ്. ഫ്രാൻസിസ്

തലശ്ശേരി:കേരളം ഇന്ന് കാണുന്ന സാമൂഹ്യമായ മുന്നോക്കാവസ്ഥക്ക് കാരണംഗുരുവാണെന്ന് റവ.ഫാദർ ഡോക്ടർ ജി.എസ്. പ്രാൻസിസ്.

ജവഹർ കൾച്ചറൽ ഫോറത്തിന്റെ ആഭിമുഖ്യത്തിൽ ശ്രീനാരായണ ഗുരു - മഹാത്മ അയ്യങ്കാളി അനുസ്മരണ സമ്മേളനം ജവഹർ കൾച്ചറൽ ഫോറം തലശ്ശേരിയുടെ ചെയർമാൻ കെ.ശിവദാസന്റെ അദ്ധ്യക്ഷതയിൽ റവ.ഫാദർ ഡോക്ടർ ജി.എസ്. പ്രാൻസിസ് ഉദ്ഘാടനം ചെയ്തു.

സാമൂഹ്യ പരിഷ്ക്കർത്താക്കളായ ശ്രീ നാരായണ ഗുരു - അയ്യങ്കാളി തുടങ്ങിയവർ ഉഴുതു മറിച്ചതാണ് ഇന്ന് കാണുന്ന കേരളം. ഈ നാടിനു സാമൂഹ്യ മുന്നോക്ക വസ്ഥക്ക് കാരണം ശ്രീ നാരായണ ഗുരു - മഹാത്മ അയ്യങ്കാളിയുടെ പ്രവർത്തനങ്ങൾ ആണെന്നും പുതിയ തലമുറ ഇത് വിസ്മരിക്കരുതെന്നും പരിപാടി ഉദ്ഘാടനം ചെയ്തു കൊണ്ടു റവ.ഫാദർ ജി.എസ് പ്രാൻസിസ് പ്രസംഗിച്ചു

പ്രൊഫ. ഏ.പി.സുബൈർ . പ്രൊഫ. ദാസൻ പുത്തലത്ത്. ശശികുമാർ കല്ലിടുo ബിൽ. ഷീബാ ലിയോൺ ,ഡോക്ടർ എൻ. പ്രദീപ് കുമാർ. സുരേഷ് കൂത്തുപറമ്പ . നടമ്മൽ രാജൻ.. ബി.കെ. മുഹമ്മദ് കാസിം. സുരേന്ദ്രൻ കൂവക്കാട് തുടങ്ങിയവർ പ്രസംഗിച്ചു.

ഉസ്മാൻ പി. വടക്കുമ്പാട് സ്വാഗതവും തച്ചോളി അനിൽ നന്ദിയും പറഞ്ഞു

പ്രമുഖ എഴത്തുകാരൻ ടി കെ.ഡി മുഴപ്പിലങ്ങാടിന്റെ നിര്യാണത്തിൽ അനുശോചനം രേഖപ്പെടുത്തിയാണ് പരിപാടികൾ തുടങ്ങങ്ങിയത്.

ചിത്രവിവരണം:റവ.ഫാദർ ഡോക്ടർ ജി.എസ്. പ്രാൻസിസ് ഉദ്ഘാടനം ചെയ്യുന്നു

താത്യത്ത് ബാലനെ അനുസ്മരിച്ചു.

ചമ്പാട് :പുഞ്ചക്കര ശ്രീനാരായണമഠ &വായനശാലയുടെ നേതൃത്വത്തിൽസ്ഥാപക സെക്രട്ടറിയും സി പി എം പുഞ്ചക്കര ബ്രാഞ്ച് കമ്മറ്റിസെക്രട്ടറിയുമായിരുന്നതാത്യത്ത്ബാലന് സർവ്വകക്ഷി അനുശോചനം.

പഞ്ചായത്ത് മെമ്പർ കെ കെ മോഹനൻ അധ്യക്ഷത വഹിച്ചു.പഞ്ചായത്ത് മെമ്പർ സുജാത,സിപിഐഎം ചമ്പാട് ലോക്കൽ കമ്മിറ്റി മെമ്പർ കെ ഇ മോഹനൻ,ബി ഡി ജെ എസ് സംസ്ഥാന സെക്രട്ടറി ഇ.മനീഷ്,സിപിഐ പാനൂർ ലോക്കൽ സെക്രട്ടറി.കെ കെ ബാലൻ, കെ പി സുനിൽകുമാർ, പി വാസു,കെ എം സജീവൻ,വി കെ പവിത്രൻ, എ കെ പ്രദീപൻ സംസാരിച്ചു

വിശ്വമാനവികതയുടെ

സന്ദേശം പരത്തിയ യുഗപ്രഭാവൻ :

ഡോ: ഭാസ്ക്കരൻ കാരായി

മാഹി:അദ്വൈത സിദ്ധാന്തത്തെ സാമൂഹികവിപ്ളവത്തിന്റെ ചാലകശക്തിയായി വിനിയോഗിച്ച് വിശ്വ മാനവികതയുടെ സന്ദേശം പരത്തിയ യുഗപ്രഭാവനായ യോഗീശ്വരനാണ് ശ്രീനാരായണ ഗുരുവെന്ന് ഡോ: ഭാസ്ക്കരൻ കാരായി അഭിപ്രായപ്പെട്ടു.

പള്ളൂർശ്രീനാരായണഗുരു സ്മാരക മഠത്തിൽ ചതയ നാളിൽ സംഘടിപ്പിച്ച വർത്തമാന കാലത്ത് ഗുരുദേവദർശനങ്ങളുടെ പ്രസക്തി എന്ന വിഷയമവതരിപ്പിച്ചു കൊണ്ട്സംസാരിക്കുകയായിരുന്നു ഡോ: ഭാസ്ക്കരൻ കാരായി. ആത്മീയതയുടെ അടിത്തറയിൽ ഊന്നി നിന്നുള്ളഭൗതികതയുടെ ശാസ്ത്രിയ വീക്ഷണമാണ് ഗുരുവിനെ നയിച്ചതെന്ന് കലൈമാമണി ചാലക്കര പുരുഷു അഭിപ്രായപ്പെട്ടു. വംശീയതയുടെ, മതത്തിന്റെ പേരിൽ യുദ്ധമൊഴിഞ്ഞ, കലാപമുയ രാത്ത ഒരു വർഷം പോലും ലോകത്തുണ്ടായിട്ടില്ലെന്നും, ഇതിനുള്ള മോചനമന്ത്രം ഗുരു സന്ദേശമായ സാഹോദര്യത്തിന്റേയും സ്നേഹത്തിന്റെയും ദർശനങ്ങൾ മാത്രമാണെന്നും കവി ആനന്ദ് കുമാർ പറമ്പത്ത്പറഞ്ഞു.

വിവിധ മത്സര വിജയി കൾക്ക്സമ്മാനദാനവുമുണ്ടായി.മഠം പ്രസിഡണ്ട് പി.വി. കുമാർ അദ്ധ്യക്ഷത വഹിച്ചു. ഡോ.കെ.ടി.ജയതിലകൻ സംവാദം നിയന്ത്രിച്ചു. പി.രാജൻ സ്വാഗതവും, എൻ. മോഹനൻ നന്ദിയും പറഞ്ഞു. എസ്.എൻ. അയൽക്കൂട്ടത്തിലെ ബീന പ്രാർത്ഥനാഗീതം ആലപിച്ചു.

ചിത്രവിവരണം:ഡോ: ഭാസ്ക്കരൻ കാരായി ഉദ്ഘാടനം ചെയ്യുന്നു

എം ബാലൻ അന്തരിച്ചു

കാവുംഭാഗം മൂർക്കോത്ത് ഹൗസിലെ എം ബാലൻ ( 93 ) മുംബൈ ബാന്ദ്രയിൽ അന്തരിച്ചു.മുംബൈയിലെ മുകുന്ദ അയേൺ & സ്റ്റീൽസിൽ എഞ്ചിനിയറായിരുന്നു.ചെമ്പൂർ മലയാളി അസോസിയേഷൻ, കാലാ ഞ്ജലി നാടക സമിതി എന്നിവയുടെ സജീവ പ്രവർത്തനും ഭാരവാഹിയുമായിരുന്നു.

ഭാര്യ - സൗദാമിനി .

മക്കൾ - അനൂപ് (എഞ്ചിനിയർ യു കെ ), നിഷ (ഡോക്ടർ യു കെ ). സഹോദരങ്ങൾ - പരേതരായ എം വി കൃഷ്ണൻ നായർ, കണ്ണൻ നായർ, മൂർക്കോത്ത് കുഞ്ഞിരാമൻ, നാരായണൻ നായർ, ജെമിനി ശങ്കരൻ, ലക്ഷ്മിയമ്മ .

സംസ്കാരം ഇന്ന് (28-08-26) ന് ബാന്ദ്രയിൽ വെച്ച് കഴിഞ്ഞു

റസാഖ് അന്തരിച്ചു

മയ്യഴി: പന്തക്കൽ പന്തോ കൂലോത്തിന് സമീപം പന്തക്കാടത്ത് മുബാറക്ക് ഹൗസിൽ റസാഖ് (70) അന്തരിച്ചു. ദീർഘകാലം പന്തക്കലിൽ ചുമട്ട് തൊഴിലാളിയായിരുന്നു. കോൺഗ്രസ്സ് പ്രവർത്തകനും, ഐ.എൻ.ടി.യു.സി അംഗവുമാണ്. ഭാര്യ: ജമീല. മക്കൾ: റജീസ് (ചുമട്ട് തൊഴിലാളി,പന്തക്കൽ), ജസീല. മരുമക്കൾ: സലീന, ഹനീസ്.സഹോദരങ്ങൾ: പരേതരായ ആ ബൂട്ടി, കുഞ്ഞിപ്പാത്തു, മൊയ്തു, നബീസു, ഹംസ.കബറടക്കം ശനിയാഴ്ച്ച രാവിലെ 9 ന് മൂലക്കടവ് ജുമാ മസ്ജിദിൽ

ശ്രീനാരായണ സാംസ്ക്കാരിക കേന്ദ്രം തുറന്നു

പെരിങ്ങത്തൂർ: പുതുതായി നിർമ്മിച്ച ഈസ്റ്റ് കരിയാട് ശ്രീനാരായണ സാംസ്കാരികകേന്ദ്രം നോവലിസ്റ്റ് ബെന്യാമിൻ ഉദ്ഘാടനം ചെയ്തു. ഓണം മതേതര ഉത്സവം തന്നെയാണെന്നും വർഗീയമാക്കാൻ ശ്രമിക്കുന്ന ശക്തികളെ തടുത്തു നിർത്താൻ ഓരോ മലയാളിക്കും ബാധ്യതയുണ്ടെന്നും അദ്ദേഹം പറഞ്ഞു.

ഭാഷയാണ് നമ്മെ ഒന്നിപ്പിക്കുന്നതെന്നും, മലയാളത്തെ സംരക്ഷിച്ച് ഒരുമയോടെ തിരുവോണവും ചതയവും നാം ആഘോഷിക്കണമെന്നും ബെന്യാമിൻ പറഞ്ഞു. കോൺഫ്രൻസ് ഹാൾ പി.കെ.പ്രവീൺ എം.എൽ.എയും ഓഫീസ് പാനൂർ നഗരസഭ ചെയർപേഴ്‌സൺ നൗഷത്ത് കൂടത്തിലും വായനശാല ജില്ലാ ലൈബ്രറി കൗൺസിൽ പ്രസിഡൻ്റ് മുകുന്ദൻ മഠത്തിലും ഉദ്ഘാടനം ചെയ്തു.

കെട്ടിട നിർമ്മാണ കമ്മിറ്റി ചെയർമാൻ പോക്കർ കക്കാട്ട് അധ്യക്ഷത വഹിച്ചു.സാബിഖ് പുല്ലൂർ പ്രഭാഷണം നടത്തി. 

ശ്രീനാരായണ മഠത്തിൻ്റെ ആദ്യകാല ശിൽപ്പികളായ വി.വി.അനന്തൻ, കാങ്ങാട്ട് കണ്ണൻ, കൊളോടിയിൽ വിജയൻ, രയരോത്ത് ഗോവിന്ദൻ ,ചമ്പോളി ശങ്കരൻ ,വി.വി. കൃഷ്ണൻ എന്നിവരെ ബെന്യാമിൻ ആദരിച്ചു.

നഗരസഭാ വൈസ് ചെയർപേഴ്സൺ ടി.എം.ബാബുരാജ്, വാർഡ് കൗൺസിലർ സി.റീന, നുച്ചിക്കാട്ട് മുസ്തഫ, അത്തോൾ വാസു, എം.സുധാകരൻ,

ആവോലം ബഷീർ, പി.കെ.രാജൻ എന്നിവർ സംസാരിച്ചു. ജയമോഹനൻ നാമത്ത് സ്വാഗതവും രാജൻ വാളാഞ്ഞിയിൽ നന്ദിയും പറഞ്ഞു.