ജന്മദിനത്തിൽ മറ്റുള്ളവർക്കൊപ്പം രക്തദാനം നടത്തി മാഹി എം എൽ എ മാതൃകയായി..

മാഹി എം.എൽ എ അഡ്വ.ടി. അശോക് കുമാർ തന്റെ പിറന്നാൾ ദിനത്തിൽ രക്തദാനം ചെയ്യാനെത്തിയവരെ മാഹി മേരി മാതാ കമ്മ്യൂണിറ്റി ഹാളിൽ അഭിവാദ്യം ചെയ്യുന്നു.

എ.കെ.രമ്യ ചെയർമാൻ

തലശ്ശേരി : തലശ്ശേരി ടൂറിസം ഡവലപ്പ്മെൻ്റ് കോ-ഓപ്പറേറ്റീവ് ലിമിറ്റഡ് ൻ്റെ 2026 -2031 കാലയളവിലേക്കുള്ള ഭരണസമിതിയിലേക്ക്

എൻ അജേഷ്, അർജുൻ എസ് കുമാർ, കെ ജയപ്രകാശൻ, കെ കെ ജയരാജ്, സി മോഹനൻ, ടി ടി റംല, പി സനീഷ്, മുഹമ്മദ് ഫാസിൽ, എ കെ രമ്യ, ടി എ സുനിൽകുമാർ, പി എൻ സുധാകരൻ എന്നിവരെ തെരഞ്ഞെടുത്തു. പ്രഥമ ഭരണസമിതി യോഗം റിട്ടേണിങ്ങ് ഓഫീസർ എ ഷർഫുദ്ദീൻ്റെ അധ്യക്ഷതയിൽ ചേർന്നു എ കെ രമ്യ (ചെയർമാൻ) കെ കെ ജയരാജ് ( വൈസ് ചെയർമാൻ ) എന്നിവരെ തെരഞ്ഞെടുത്തു.

മഞ്ഞണിപ്പൂനിലാവ്

സ്മരണാഞ്ജലി 21 ന്

ന്യൂമാഹി:കുറിച്ചിയിൽ യങ്ങ്പയനിയേർസ് ലൈബ്രറി ആന്റ് റീഡിങ്ങ് റൂമിന്റെ ആഭിമുഖ്യത്തിൽ മഹാഗായിക എസ്.ജാനകിയമ്മയുടെ സ്മരണയിൽ 'മഞ്ഞണി പൂനിലാവ്' . ഗാനാഞ്ജലി സംഘടിപ്പിക്കുന്നു.

21 ന് വൈ:5 മണിക്ക് ലൈബ്രറി ഹാളിൽ നടക്കുന്ന പരിപാടിയിൽ മുതിർന്ന മാധ്യമ പ്രവർത്തകൻ ചാലക്കര പുരുഷു അനുസ്മരണ ഭാഷണം നടത്തും

തുടർന്ന് ജാനകിയമ്മയുടെ ഗാനങ്ങളെ കോർത്തിണക്കിയുള്ള ഗാനാഞ്ജലിയുമുണ്ടാകും.

വടവതി മീനാക്ഷി നിര്യാതയായി

കാവുംഭാഗം: മഞ്ജുളാംമ്പുറം ക്ഷേത്രത്തിന് സമീപം ചെറിയത്ത് ഹൗസിൽ വടവതി മീനാക്ഷി ( 74 ) നിര്യാതയായി.. ഭർത്താവ് - പരേതനായ രാജൻ. മക്കൾ - രജിന, റിജേഷ് (തലശ്ശേരി കോ : ഓപ്പ :റൂറൽ ബേങ്ക് ), റഷിന. മരുമക്കൾ - നിതിൻ (മെഡിക്കൽ റപ്രസൻ്റിറ്റീവ് ), അനിൽകുമാർ ( വിമുക്തഭടൻ ), റെജിന (തലഗ്ഗേശി കോ : ട്രെയിനിംഗ് കോളേജ് ).

മയ്യഴി വിമോചന ദിനം: മാഹിയിൽ ഇന്ന് പുഷ്പാർച്ചനയും വിമോചന മാർച്ചും

മാഹി:മയ്യഴി വിമോചനദിനമായ ജൂലൈ 16 ന് രാവിലെ 9.30 ന് മാഹി സ്റ്റാച്ച്യുവിൽ പുഷ്പാർച്ചനയും അനുസ്മരണവും നടക്കും. ഐ.കെ.കുമാരൻ മാസ്റ്റർ സ്മാരക സൊസൈറ്റിയുടെ നേതൃത്വത്തിൽ രാവിലെ 9.30 ന് മാഹി സ്റ്റാച്ച്യൂവിലെ സ്വാതന്ത്ര്യ സമര സേനാനികളായ രാഷ്ട്ര പിതാവ് മഹാത്മാഗാന്ധി, വിമോചന നായകരായ ഐ.കെ.കുമാരൻ മാസ്റ്റർ, സി.ഇ.ഭരതൻ എന്നിവരുടെ പ്രതിമയിൽ പുഷ്പാർച്ചനയും തുടർന്ന് ടാഗോർ പാർക്കിലെ രക്തസാക്ഷി മണ്ഡപത്തിലേക്ക് വിമോചന മാർച്ചും നടത്തും. 10 മണിക്ക് രക്തസാക്ഷി സ്തുപത്തിൽ പുഷ്പാർച്ചനയും അനുസ്മരണ യോഗവും.ഉണ്ടായിരിക്കുമെന്ന് ജനറൽ സിക്രട്ടറി സത്യൻ കേളോത്ത് അറിയിച്ചു.

മാഹി പൊലീസ് സൂപ്രണ്ടായി

ചുമതലയേറ്റ ധനശേഖരൻ

കെ.കെ.പുഷ്പവല്ലി നിര്യാതയായി

തലശ്ശേരി നങ്ങാറത്ത് പീടികയിലെ പേൾസ് ഡെയിലിൽ കെ.കെ. പുഷ്‌പവല്ലി (74) നിര്യാതയായി

പരേതരായ കുഞ്ഞാപ്പു , കെ.കെ ജാനകി ദമ്പതികളുടെ മകളാണ് ഭർത്താവ് : എം.പി. രമാനന്ദൻ. മക്കൾ: എം.പി.ലസിത ബ്രാംഗ്ളുരു ) എം.പി.സുഭഗ

മരുമക്കൾ: ഡോ: സുധക്ഷിൺ, രാജേഷ് കുമാർ ത്രിരുവനന്തപുരം )

സഹോദരങ്ങൾ: ശ്രീനിവാസ് കൊൽക്കൊത്ത ) പരേതരായ ജയലക്ഷ്മി, ജയകൃഷ്ണൻ, ജയരാമൻ സുരേഷ് കുമാർ

സംസ്ക്കാരം: വ്യാഴാഴ്ച കാലത്ത് 7.30 ന് കണ്ടിക്കൽ വാതകശ്മശാനത്തിൽ

കെ.കാമരാജിൻ്റെ ജന്മദിനം വിദ്യാർത്ഥി ദിനമായി ആചരിച്ചു.

മാഹി: മുൻ തമിഴ്നാട് മുഖ്യമന്ത്രിയും രാഷ്ട്രിയത്തിലെ കിംഗ് മേക്കറുമായ പെരും തലൈവർ കെ കാമരാജിൻ്റെ ജന്മദിനം മാഹി വിദ്യാഭ്യാസ വകുപ്പ് വിദ്യാർത്ഥി ദിനമായി ആചരിച്ചു മാഹി സിവിൽ സ്റ്റേഷൻ ഓഡിറ്റോറിയത്തിൽ നടന്നു മാഹി അഡ്മിനിസ്ട്രേറ്റർ അങ്കിത് കുമാർ ഐ എ എസ് അധ്യക്ഷത വഹിച്ചു മാഹി എം എൽ എ അഡ്വ: ടി അശോക് കുമാർ ഉദ്ഘാടനം ചെയ്‌തു മാഹി സമഗ്ര ശിക്ഷ എ ഡി പി സി .

പി ഷിജു ,പി എം ശ്രീ യു ജി എച്ച് എസ്സ് പ്രധാന അധ്യപകൻ കെ.വി മുരളീധരൻ ആശംസകൾ നേർന്നു മാഹി വിദ്യാഭ്യാസ മേലധ്യക്ഷ എം.എം. തനൂജ സ്വാഗതവും പി എം ശ്രീ ഐ കെ കെ ജി എച്ച് എസ് എസ് വൈസ് പ്രിൻസിപ്പൽ കെ ഷീബ നന്ദിയും പറഞ്ഞൂ അനന്ദ് കുമാർ പറമ്പത്ത് രചിച്ച കാമരാജിനെക്കുറിച്ചുള്ള കവിത ജി.എം എസ് മാഹിയിലെ വിദ്യാർത്ഥികൾ അവതരിപ്പിച്ചു പള്ളൂർ കെ.ജി ജി എച്ച് എസ്സില ജാൻവി സന്തോഷ് കാമരാജിനെക്കുറച്ച് സംസാരിച്ചു വിവിധ മത്സരങ്ങളിൽ പങ്കെടുത്ത വിദ്യാർത്ഥികൾക്കുള്ള സമ്മാനങ്ങളും വിതരണം ചെയ്തു

ചിത്രവിവരണം: മാഹി എം എൽ എ അഡ്വ: ടി അശോക് കുമാർ ഉദ്ഘാടനം ചെയ്‌യുന്നു

വിജയൻ നമ്പ്യാർ നിര്യാതനായി.

തലശ്ശേരി:ഇല്ലത്ത് താഴെ പ്രണവം നഗറിൽ "സവേരയിൽ " . വിജയൻ നമ്പ്യാർ(82) നിര്യാതനായി. റിട്ട.ജെ.ഡബ്ല്യു. ഒ യും കനറാ ബേങ്ക് ജീവനക്കാരനുമായിരുന്നു.

 ഭാര്യ: പരേതയായ രാധ. മക്കൾ: സുശീൽ കുമാർ , രേഷ്മ. മരുമക്കൾ :.സിന്ധു, (മേലൂർ ) പ്രദീപൻ (ഓർക്കാട്ടരി ). സഹോദരങ്ങൾ: പരേതരായ ശ്രീധരൻ, സരോജിനി, ശോഭ, ജയശ്രീ

അഴിയൂർ കോറോത്ത് റോഡിൽ പതിനെഴുകാരന്റെ തൂങ്ങി മരണത്തിൽ ദുരുഹത

മാഹി::ചോമ്പാലയിൽ പതിനെഴുകാരനെ വീട്ടിൽ തൂങ്ങി മരിച്ച നിലയിൽ കണ്ടെത്തിയതിൽ ദുരുഹത. അഴിയൂർ കോറോത്ത് റോഡ് പരപ്പറമ്പത്ത് മീത്തൽ കെ എം അഭിജിത്തിനെയാണ് വീടിനകത്ത് മരിച്ച നിലയിൽ കണ്ടത്. രണ്ട് ദിവസം മുമ്പ് ഒളവിലം പുഴയോരത്തെ ടർഫിന് സമീപം ആൾക്കൂട്ട വിചാരണയും മർദ്ദനവും ഏൽക്കേണ്ടി വന്നിരുന്നു.ഇതിൽ മനം നൊന്താണ് ആത്മഹത്യയെന്ന് നാട്ടുകാർ ആരോപിച്ചു. സംഭവത്തിൽ ചോമ്പാല പൊലിസ് കേസ് രജിസ്റ്റർ ചെയ്തു അന്വേഷണം തുടങ്ങി. അഭിജിത്തിന്റെ ദുരുഹ മരണത്തിൽ സമഗ്ര അന്വേഷണം നടത്തണമെന്ന് ആർ എം പി അഴിയൂർ ലോക്കൽ കമ്മിറ്റി ആവശ്യപ്പെട്ടു. മയക്ക് മരുന്ന് ലോബിയുടെ ഇടപെടൽ സംബന്ധിച്ച് അന്വേഷണം നടത്തണമെന്നും അഭിപ്രായപ്പെട്ടിട്ടുണ്ട്.

പിതാവ്: അനുപ്

മാതാവ്: വിജീഷ

സഹോദരൻ: അശ്വന്ത്

പി.എം.ശ്രീ.ഉസ്മാൻ ഗവ.ഹൈസ്കൂൾ ചാലക്കര വിദ്യാർത്ഥികളെ അനുമോദിച്ചു

മാഹി:ഇക്കഴിഞ്ഞ സി.ബി.എസ്.സി. പത്താം ക്ലാസ് പരീക്ഷയിൽ 100% വിജയം കൈവരിച്ച എല്ലാ വിദ്യാർത്ഥികളേയും ,പുതുച്ചേരിയിൽ നടന്ന എൻ.സി.സി.ക്യാമ്പിൽ ഓവറോൾ വിജയം നേടിയ വിദ്യാർത്ഥികളേയും സ്കൂൾ ഓഡിറ്റോറിയത്തിൽ നടന്ന ചടങ്ങിൽ അനുമോദിച്ചു . ലഭിച്ച നേട്ടങ്ങളേക്കാളുപരി ഉത്തമ പൌരൻമാരായി മാറാനും ലഹരി എന്ന വിപത്തിനെതിരായി പോരാടാനും വിദ്യാർത്ഥികൾ തയ്യാറാവണമെന്നു ചടങ്ങു ഉൽഘാടനം ചെയ്തു കൊണ്ട് മുൻ മാഹി വിദ്യാഭ്യാസ മേലദ്ധ്യക്ഷനും സാഹിത്യകാരനുമായ ശ്രീ.ഉത്തമരാജ് മാഹി വിദ്യാർത്ഥികളെ ഉദ്ബോധിപ്പിച്ചു. പ്രഥമാധ്യാപകൻ .കെ.വി.മുരളീധരൻ്റെ അദ്ധ്യക്ഷതയിൽ അഡ്വ: എ.പി.അശോകൻ മുഖ്യ പ്രഭാഷണവും, സകിത സ്വാഗതവും, സുജിത രയരോത്ത് നന്ദിയും, ശ്രീ.കെ.വി.സന്ദീവ്, എസ്.എം.സി.ചെയർപേഴ്സൺ ശ്രീമതി. സിനി എന്നിവർ ആശംസയും നേർന്നു. എല്ലാ വിദ്യാർത്ഥികൾക്കു മുള്ള മെമൻ്റോകൾ പരേതയായ കെ. ശാന്ത. കെ യുടെ സ്മരണക്കായ്  ഷീബ അശോകൻ സ്പോൺസർ ചെയ്തു.