സ്വച്ഛതാ പഖ്വാഡ: തലശ്ശേരി–മാഹി സൈക്ലോത്തോൺ സംഘടിപ്പിച്ചു

തലശ്ശേരി കടൽപ്പാലം പരിസരത്ത് നിന്ന് തലശ്ശേരി എസ്.ഐ. ശ്രീമതി അശ്വതി ജിജി സൈക്കിൾ റാലി ഫ്ലാഗ് ഓഫ് ചെയ്തു. ഇരു ക്ലബുകളിലെയും 28 അംഗങ്ങൾ പങ്കെടുത്ത 9 കിലോമീറ്റർ ദൈർഘ്യമുള്ള റാലിക്ക് മാഹി വാക്ക് വേയിൽ വെച്ച് എം.എൽ.എ അഡ്വ. അശോക് കുമാർ സ്വീകരണം നൽകി. തുടർന്ന് പങ്കെടുത്തവർ ശുചിത്വമുള്ള പരിസ്ഥിതി സംരക്ഷിക്കുമെന്ന പ്രതിജ്ഞയും എടുത്തു.

മാഹി ടാഗോർ പാർക്കിൽ നടന്ന സമാപന ചടങ്ങിൽ എം.എൽ.എ അഡ്വ. അശോക് കുമാർ ക്ലീനിംഗ് കിറ്റുകൾ വിതരണം ചെയ്തു

. സ്വന്തം വീടും പരിസരവും ശുചിയായി സൂക്ഷിക്കുക എന്നത് ഓരോ പൗരന്റെയും ഉത്തരവാദിത്വമാണെന്നും, ശുചിത്വ സംസ്കാരം സമൂഹത്തിന്റെ കൂട്ടായ പരിശ്രമത്തിലൂടെ മാത്രമേ കൈവരിക്കാനാകൂ എന്നും അദ്ദേഹം അഭിപ്രായപ്പെട്ടു.

ചടങ്ങുകൾക്ക് BPCL ഏരിയ സെയിൽസ് ഓഫീസർ രാംരാജ്, യാത്രമംഗൾ മാനേജിങ് ഡയറക്ടർ സജിത്ത് നാരായണൻ, സലീല പെട്രോൾ ബങ്ക് പ്രൊപ്രൈറ്റർ വിനോദ് എന്നിവർ നേതൃത്വം നൽകി. കാവലിയേഴ്സ് ഡി മാഹി ക്ലബ് അംഗങ്ങളായ ശ്രീകുമാർ ഭാനു, വത്സരാജ്, സുധീശൻ, അർഷാദ് എന്നിവർ ചടങ്ങിൽ സംസാരിച്ചു.