അവഗണന ഏറ്റുവാങ്ങാൻ വിധിക്കപ്പെട്ട മാഹിയിലെ ഫ്രഞ്ച് ഹൈസ്ക്കൂൾ :ചാലക്കര പുരുഷു

ഫ്രഞ്ച് വാഴ്ചക്കാലത്ത് പ്രതാപത്തോടെ തലയുയർത്തി നിന്ന എക്കോൽ സംന്ത്രാൽ ദ് കൂർ ക്ലോംപ്ലേമന്തേർ മഹെ എന്നഫ്രഞ്ച്. ഹൈസ്ക്കുൾ ഇന്ന് അധികൃതരുടെ കടുത്ത അവഗണന മൂലം നിലനിൽപ്പിന് വേണ്ടി ചക്രശ്വാസം വലിക്കുന്നു .

ഏറെ പരിമിതികൾക്കിടയിലും ഈ വിദ്യാലയം പൊതു പരീക്ഷയിൽ (ബ്രവെ)നൂറ് ശതമാനം വിജയം ആവർത്തിക്കുകയാണ്.

മലബാറിലെ തന്നെ ഏക ഫ്രഞ്ച് മീഡിയം ഹൈസ്ക്കൂളാണിത്. ഫ്രഞ്ച് വാഴ്ചക്കാലത്ത് മാഹിക്ക് പുറമെ ചാലക്കര, പള്ളൂർ പന്തക്കൽ പ്രദേശങ്ങളിലും ഫ്രഞ്ച് വിദ്യാലയങ്ങളുണ്ടായിരു.ന്നു. മയ്യഴിപ്പള്ളിക്ക് മുന്നിൽ ഫ്രഞ്ച് വാസ്തുശിൽപ്പ ചാതുരിയിൽ നിർമ്മിക്കപ്പെട്ട കൂർ കോംപ്ലമെന്തേർ വർഷങ്ങൾക്ക് മുമ്പാണ് സെമിത്തേരി റോഡിൽ , തലയുയർത്തി നിൽക്കുന്ന ഇരുനില കെട്ടിടത്തിലേക്ക് മാറ്റിയത്. എന്നാൽ സർക്കാർ നിഷ്ക്കർഷിക്കുന്ന മതിയായ യോഗ്യതയുള്ള അധ്യാപകരുടെ ക്ഷാമമാ ണ് വിദ്യാർത്ഥികളെ പ്രതികുലമായി ബാധിക്കുന്ന ഘടകം. എസ്.എസ്.എൽ.സി.ക്ക് തത്തുല്യമായ ബ്രവെ പരീക്ഷയാണ് കുട്ടികളുടെ പൊതുപരീക്ഷകാലികമായ സിലബസ്പരിഷ്ക്കരണമില്ലായ്മയും മറ്റൊരുന്യൂ നതയാണ്.

ഫ്രഞ്ച് മീഡിയത്തിൽ പഠിക്കാൻ താൽപ്പര്യമുള്ളവർ ഏറെയാണ്. എന്നാൽ ഭാഷാ പഠനത്തിന് മതിയായ അദ്ധ്യാപകരില്ലാത്തത് മൂലം കുട്ടികളെ

കുട്ടികളെചേർക്കാൻ രക്ഷിതാക്കൾ മടിക്കുകയാണ്. കേരളീയ വിദ്യാർത്ഥികൾക്കും ഇവിടെ പ്രവേശനമുണ്ട്. 

കുട്ടികളുടെ ഭാവിയോർ ത്ത് രക്ഷിതാക്കൾ തന്നെ പണം നൽകി പുറമേനിന്ന് അധ്യാപകരെ നിയമിച്ചാണ് പലപ്പോഴും ഇവിടെ പഠനം നട ത്തിയിരുന്നത്. സ്കൂളുകളിൽ പി.ടി.എ. കൾ പാടില്ലെന്ന സർക്കാർ നിർദ്ദേശമുള്ളതിനാൽപി.ടി.എ യുമില്ല. 

മാഹിയിൽ ഇപ്പോഴും നിരവധി ഫ്രഞ്ച് പൗ രൻമാരുണ്ട്. ദില്ലിയിലെ ഫ്രഞ്ച് എംബസിയിലെ ഉന്നത ഉദ്യോഗസ്ഥരായിരുന്നവിഖ്യാത നോവലിസ്റ്റ് എം മുകുന്ദൻ, കഥാകൃത്ത് എം. രാഘവൻ , ഫ്രഞ്ച് നവതരംഗ സിനിമയുടെ ഉപജ്ഞാതാവ് നാരാ കൊല്ലേരി, പ്രമുഖ ചിത്രകാരൻ പാരീസ് മോഹൻ കുമാർ, ഫ്രഞ്ച് ഭാഷാ വിചക്ഷണൻ രാഘവൻ കയനാടത്ത് , ഉന്നത ഫ്രഞ്ച് സൈനിക മേധാവി മൊസ്യേ കുനീൽ, ഫ്രഞ്ച് സാഹിത്യകാരൻ മംഗലാട്ട് രാഘവൻ തുടങ്ങി ഒട്ടേറെ പ്രമുഖർ ഫ്രഞ്ച്മയ്യഴിയുടെ സംഭാവനയാണ്.

ലോകമെങ്ങും ഫ്രഞ്ച് ഭാഷയുടെ . പരിപോഷണത്തിനായി ഫ്രഞ്ച് സർക്കാർ വൻതുക ചിലവഴിക്കുന്നുണ്ട്. ഫ്രഞ്ച് ക്ലാസ്സിക്ക്ഗ്രന്ഥങ്ങളുംകൈ മാറി വരുന്നുണ്ട്. മാഹിയിൽ പൊതുജനങ്ങൾക്ക് ഫ്രഞ്ച് ഭാഷ പഠനത്തിനായി ദശകങ്ങളായി അലിയാൻസ്ഫ്രാൻസേസും പ്രവർത്തിച്ചു വന്നിരുന്നു. ഫ്രഞ്ച് പൗരന്മാരുടെ സംഘടനാ കാര്യാലയമായ യൂന്യം ദ് ഫ്രാൻസേസും പ്രവർത്തിച്ചു വരുന്നുണ്ട്.

എന്നാൽ ഫ്രഞ്ച് സ്കൂളിന്റെ നിലനില്പിനും ഭാവിക്കുംവേണ്ടി ഇവരുടെ ഭാഗത്തുനിന്ന് ഒരു സഹായവും ലഭിക്കുന്നില്ലെന്നത് യാഥാർത്ഥ്യമാണ്.

ഫ്രഞ്ച്മീഡിയ മാണെങ്കിലുംഇംഗ്ലീഷും മലയാളവും ഇവിടെ ഉപഭാഷയായി പഠിപ്പിക്കുന്നുണ്ട്. പുതുച്ചേരിയിലും കാരയ്ക്കലിലും ഓരോഫ്രഞ്ച് വിദ്യാലയമുണ്ട്. ഉപരിപഠനത്തിന് 'കൽവെ 'കോളജുമുണ്ട്. ഇവിടെ നിന്ന് 'ബക്കലോറിയ 'ബിരുദവും നേടാം.ഫ്രാൻസിൽ പോയി തുടർ വിദ്യാഭ്യാസം നടത്താനും അവിടെ തന്നെജോലിലഭ്യമാക്കാനും അവസരങ്ങൾ ഏറെയാണ്. അങ്ങിനെ ഫ്രാൻസിൽ ജോലി ചെയ്യുന്നവർ ധാരാളമുണ്ട്. ഇന്ത്യക്കകത്തും, മറ്റ് വിദേശ രാജ്യങ്ങളിലും നൂറ് കണക്കിന് ഫ്രഞ്ച് ബിരുദധാരികൾ ജോലി ചെയ്യുന്നുണ്ട്.

പുതുച്ചേരിയിൽ സി.ബി.എസ്.ഇ. സിലബസ്നടപ്പിലായതോടെ ത്രിഭാഷാ പദ്ധതിപ്രകാരം ഹിന്ദി, ഇംഗ്ലീഷ് എന്നിവയ്ക്ക് പുറമെ കുട്ടികൾക്ക് പ്രാദേശിക ഭാഷ കൂടി അഭ്യസിക്കാൻ അവകാശമുണ്ട്.

പുതുചേരി സർക്കാർ ഫ്രഞ്ച് ഭാഷയോടും, ഫ്രഞ്ച് സിലബസിനോടും കാണിക്കുന്ന കടുത്ത അവഗണന മൂലം നവാഗതർ സ്കൂളിലേക്ക് വരാൻ മടിക്കുകയാണ്.

ഇൻഡോ-ഫ്രഞ്ച് കരാർ . നിലനിൽക്കുന്നതിനാൽഫ്രഞ്ച് സ്കൂളുകൾ അടച്ചു പൂ ട്ടാനാകില്ല. 233വർഷം ഭരിച്ചതിന് ശേഷം ഫ്രഞ്ച് കാർ മയ്യഴിയിൽ നിന്ന് വിടപറഞ്ഞ് പോയെങ്കി ലും ഫ്രഞ്ച് ഭാഷയെയും സംസ്കാരത്തെയും മാഹിക്കാർ ഇന്നുംഏറെ ഇഷ്ടപ്പെടുനുണ്ട്

1962-ലെ ഇൻഡോ-ഫ്രഞ്ച് ഉടമ്പടിയനുസരിച്ച് ഫ്രഞ്ച് ഭാഷാ പരിരക്ഷണം പു തുച്ചേരി സർക്കാരിൻ്റെ ബാധ്യതയാണ്.- പുതുച്ചേരി സംസ്ഥാന ത്തെ അഞ്ച് ഔദ്യോഗിക ഭാഷകളിലൊന്നാണ് ഇപ്പോഴും ഫ്രഞ്ച്, പുതുച്ചേരിയിൽ ഫ്രഞ്ച് ഭാഷയെ പരിപോഷിപ്പി ക്കാനായി വിദ്യാഭ്യാസ വകുപ്പിൽ പ്രത്യേക വിഭാഗവും ഡെപ്യൂട്ടി ഡയറക്ടറുമുണ്ട്.

മതിയായ യോഗ്യതകളു ള്ള അധ്യാപകരെ നിയമിക്കുന്നതിന് ചില സാങ്കേതികതടസ്സങ്ങൾ നിലനിൽക്കുന്നതിനാൽ, ഫ്രഞ്ച് മാധ്യമത്തിൽ പഠിപ്പിക്കാൻ അധ്യാപകരെ ലഭിക്കുന്നില്ല.

സി.ടെറ്റ് ഒഴിവാക്കി അധ്യാപകനിയമനം നടത്തിയാൽ , ഇത് പരിഹരിക്കാനാവും.

 വർഷങ്ങളായി താത്കാലിക അധ്യാപക നിയമനമാണ് ഇവിടെ നട ക്കുന്നത്.

ഫ്രഞ്ച് ഭാഷയിൽ ബിരു ദവും, ബിരുദാനന്തരബിരുദവും ബി.എഡ്. യോഗ്യതയു മുള്ളവരും മാഹിയിലുണ്ട്. നിയമനത്തിന് ഫ്രഞ്ചിൽ സി .ടെറ്റ് യോഗ്യതവേണമെന്ന നിർബ്ബന്ധമാണ് അദ്ധ്യാപക നിയമനത്തിന് വിഘാതമാകുന്നത്. എന്നാൽ ഫ്രഞ്ച് വിഷയത്തിന് ഇതുവരെ സി.ടെറ്റ് പരീക്ഷ നട ത്തിയിട്ടുമില്ല.. സി. ടെറ്റ് യോഗ്യതാ മാനദണ്ഡം ഒഴിവാക്കി അധ്യാപകനിയമനം നടത്തിയാൽ ഈ വിദ്യാലയത്തിന് നഷ്ടപ്രതാപം തിരിച്ചു പിടിക്കാനാവും.

ഫ്രഞ്ച് ബ്രവെക്ക് ശേഷമുള്ള .തുടർപഠനത്തിന് മാഹിയിൽ സംവാധാനമില്ല.

 മാഹിയിൽ ജെ.എൻ. ഹയർ സെ ക്കൻഡറി സ്കൂളിൽ രണ്ടാം

ഭാഷയായി ഫ്രഞ്ച് പഠിക്കാനാവും..

മാഹി കോളേജിൽ നേര ത്തെ ബി.എ. ഫ്രഞ്ച് കോ ഴ‌സുണ്ടായിരുന്നത് പുതു ച്ചേരിയിലേക്ക് മാറ്റിയതോടെ അതും ഇല്ലാതായി. 

'ഫ്രഞ്ച് ഹൈസ്കൂളിൻ്റെ വികനത്തിനായി പരിശ്രമിക്കുമെന്നും, തുടർച്ചയായി പ്ലസ് ടു വരെ മാഹിയിൽ ത്തന്നെ പഠിക്കാനുള്ള സംവിധാനമുണ്ടാക്കാനും,

 വേണ്ടത് ചെയ്യുമെന്നും അഡ്വ ടി. അശോക് കുമാർ എം എൽ എ പറഞ്ഞു. ഇതിലേക്കായി ഫ്രഞ്ച് ഭാഷയെ സ്നേഹിക്കുന്നവരുടെ കൂട്ടായ്മയുണ്ടാക്കാനും ശ്രമിക്കും.. ഈ കുട്ടായ്മ രൂപവത്കരിച്ച് ഫ്രഞ്ച് സ്കൂൾ, ഫ്രഞ്ച് ഭാഷാ പാനം തുടങ്ങിയ കാര്യങ്ങൾ ചർച്ചചെയ്ത് അധികൃതരുടെ സഹകരണത്തോടെ പരിഹാരങ്ങളുണ്ടാക്കുമെന്ന് എം എൽ എ പറഞ്ഞു.

ചിത്രവിവരണം: മാഹി സെൻത്രാൽ ദ് കൂർ കോംപ്ളമെന്തേർ മായെ ( ഫ്രഞ്ച് ഹൈസ്കൂൾ )