വറ്റാത്ത ഉറവ പോലെ സ്വരരാഗ പ്രവാഹം ഒഴുകുന്നു .. :ചാലക്കര പുരുഷു

ചേമഞ്ചേരിയുടെ സ്മരണയിൽ നൃത്തോത്സവം

കുട്ടിമാക്കൂൽ' പത്മശ്രീ ഗുരു ചേമഞ്ചേരി കുഞ്ഞിരാമൻ നായരുടെ തിരുവങ്ങാട് ഭാരതീയ നാട്യകലാലയത്തിൻ്റേയും, കുട്ടിമാക്കൂൽ ശ്രീ ശങ്കരനാട്യ ഗൃഹത്തിൻ്റേയും 'വാർഷികാഘോഷം ശ്രീ നാരായണ ശക്തിധരാലയം മഠം ജൂബിലി ഹാളിൽ നാടക- ചലച്ചിത്ര നടൻ രാജേന്ദ്രൻ തായാട്ട് ഉദ്ഘാടനം ചെയ്തു. 

ഒരു നാട്ടുത്സവത്തിൻ്റെ പൊലിമയിൽ നടന്ന നൃത്തോത്സവത്തിൽ നൂറുകണക്കിനാളുകൾ പങ്കാളികളായി.

സി. സോമൻ അദ്ധ്യക്ഷത വഹിച്ചു.വിവിധ അവാർഡ് ജേതാക്കളായ കലൈമാമണി ചാലക്കര പുരുഷു, നർത്തകിമണി മേഘല ടീച്ചർ എന്നിവരെ ആദരിച്ചു.

എ.വി.രത്നാകരൻ മാസ്റ്റർ, വി.എം.സുകുമാരൻ, യു.ബ്രിജേഷ്, വാർഡ് മെമ്പർമാരായ വിജില, ഷബില എന്നിവർ സംസാരിച്ചു.

നൃത്തനൃത്യങ്ങൾ അരങ്ങേറി. കലാപ്രതിഭകൾക്ക് സമ്മാനങ്ങൾ വിതരണം ചെയ്തു .മഹേഷ് പൊയ്യേരി സ്വാഗതവും, രാജേന്ദ്രൻ വെളിയമ്പ്ര നന്ദിയും പറഞ്ഞു.

മാഹി മേഖലയിലെ തോടുകളും കനാലുകളും ഉടനെ വൃത്തിയാക്കണം - ബിജെപി

മാഹി :മാഹിയിലെ കനാലുകൾ കാലവർഷം ആരംഭിക്കുന്നതിനു മുന്നേ അടിയന്തരമായി വൃത്തിയാക്കണമെന്ന് മാഹി അഡ്മിനിസ്ട്രേറ്ററോട് ഭാരതീയ ജനതാ പാർട്ടി മാഹി മണ്ഡലം കമ്മിറ്റി ഭാരവാഹികൾ ആവശ്യപ്പെട്ടു.

 കാലവർഷം ആരംഭിക്കുന്നതിനു മുന്നേ കനാലുകൾ വൃത്തിയാക്കിയില്ലെങ്കിൽ പള്ളൂർ ചാലക്കര പന്തക്കൽ മേഖലകളിൽ വെള്ളപ്പൊക്ക സാധ്യത ഉണ്ടെന്നും അടിയന്തരമായി മാഹിയിലെ കനാലുകൾ വൃത്തിയാക്കുവാനും മുനിസിപ്പൽ റോഡുകളിലെ ചെറിയ ഡ്രെയിനേജ് സംവിധാനങ്ങൾ സ്ലാബ് നീക്കിക്കൊണ്ട് അടിയന്തരമായി ശുചീകരി ക്കണമെന്നും മാഹി അഡ്മിനിസ്ട്രേറ്റ് റോഡ് ബിജെപി ആവശ്യപ്പെട്ടു.

 ഫണ്ടുകൾ അനുവദിച്ചിട്ടുള്ള റോഡുകളുടെ നവീകരണ പ്രവർത്തനങ്ങൾ ഉടൻ ആരംഭിക്കണമെന്നും, നടന്നുകൊണ്ടിരിക്കുന്ന

 റോഡ് നവീകരണ പ്രവർത്തനങ്ങൾ വർഷകാലത്തിനു മുന്നേ അടിയന്തരമായി പൂർത്തീകരിക്കണം എന്നും 

 ഭാരവാഹികൾ ആവശ്യപ്പെട്ടു.

 മണ്ഡലം പ്രസിഡണ്ട് പി.പ്രബീഷ് കുമാർ സംസ്ഥാന കമ്മിറ്റി അംഗം അംഗവളപ്പിൽ ദിനേശൻ, സെക്രട്ടറി ടി.എ.ലതീബ്, മണ്ഡലം ജനറൽ സെക്രട്ടറി മഗനിഷ് ഒ.ബി.സി മോർച്ച സംസ്ഥാന സമിതിയംഗം ജയസൂര്യ ബാബു എന്നിവരാണ് അഡ്മിനിസ്റ്റേ ട്രറെ കണ്ടത്.

മാഹിമേഖലയിലെ തോടുകളും കനാലുകളും വൃത്തിയാക്കണമെന്നാവശ്യപ്പെട്ട് ബിജെപി മാഹി മണ്ഡലം ഭാരവാഹികൾ അഡ്മിനിസ്റ്റേറ്റർ യ്ക്ക് നിവേദനം നൽകുന്നു

മാഹി ജെ.എഫ്.ആർ.എ.വാർഷികാഘോഷം ഇന്ന് (ശനി)

മാഹി: ജോയിൻ്റ് ഫോറം ഓഫ് റസിഡൻസ് അസോസിയേഷൻ മാഹിയുടെ വാർഷികാഘോഷം ഇന്ന് ചാലക്കര പിഎം ശ്രി ഉസ്മാൻ ഗവ.ഹൈസ്ക്കൂൾ അങ്കണത്തിൽ. വൈകിട്ട് ആറിന് സാംസ്ക്കാരിക സമ്മേളനം. റീജിയണൽ അഡ്മിനിസ്ട്രേറ്റർ അങ്കിത് കുമാർ ഐഎഎസ് ഉദ്ഘാടനം ചെയ്യും.ജെ.എഫ്.ആർ.എ - പ്രസിഡൻ്റ് ഷാജി പിണക്കാട്ട് അധ്യക്ഷത വഹിക്കും. മാഹി സി.ഐ.പി.എ .അനിൽ കുമാർ, സെക്രട്ടറി കെ.സുജിത് കുമാർ, ഷിനോജ് രാമചന്ദ്രൻ എന്നിവർ സംസാരിക്കും ചിത്രകാരൻ കെ.കെ.മാരാർ മുഖ്യാതിഥിയായിരിക്കും.തദവസരത്തിൽ നിയുക്ത മാഹി എം എൽ എ അഡ്വ.ടി.അശോക് കുമാറിന് സ്വീകരണം നൽകും.

  ഏഴിന് ടിവി സിനിമാ താരങ്ങളായ ശിവദാസ് മട്ടന്നൂരും, ശാർങ്ങധരൻ കൂത്തുപറമ്പും അവതരിപ്പിക്കുന്ന' നർമ്മ സല്ലാപം' പരിപാടി.തുടർന്ന് മാഹിയിലെ വിവിധ റസിഡൻസ് അസോസിയേഷൻ അംഗങ്ങൾ അവതരിപ്പിക്കുന്ന കലാപരിപാടികൾ

ജപ സ്‌കൂൾ ഓഫ് മ്യൂസിക് വാർഷികാഘോഷം ഇന്ന്

മാഹി: മടപ്പുള്ളി ജപ സ്‌കൂൾ ഓഫ് മ്യൂസിക് 33-ാം വാർഷികാഘോഷം മെയ് 9നു രാവിലെ 9 മുതൽ മാഹി കോ- ഓപ്പറേറ്റീവ് കോളജ് ഓഡിറ്റോറിയത്തിൽ നടക്കും. സംഗീതജ്‌ഞൻ യു.ജയനും ശിഷ്യരും ചേർന്ന് ഒരുക്കുന്ന 12 മണിക്കൂർ സംഗീത യജ്‌ഞം ഉണ്ടാകും.

ത്യാഗരാജ പഞ്ചരത്ന കീർത്ത നാലാപനം, സംഗീത കച്ചേരി, സംഗീതാരാധന, വയലിൻ ഗ്രൂപ്പ്, സംഘ സങ്കീർത്തനം എന്നിവ നടക്കും.. വാർഷികാഘോഷം വൈകിട്ട് 5 ന് കാഞ്ഞങ്ങാട് രാമ ചന്ദ്രൻ ഉദ്ഘാടനം ചെയ്യും.

കലൈമാമണി

ചാലക്കര പുരുഷു മുഖ്യപ്രഭാഷണം നടത്തും. 6.30 ന് യു.ജയൻ മാസ്റ്റർ നൽകിയ ഈണത്തിൽ പി.ജയചന്ദ്രൻ, പി.ലീല എന്നിവർ ആലപിച്ച ഭക്തി ഗാനങ്ങളുടെഅവതരണവും ഗാനമേളയും അരങ്ങേറും,