സഖാവ് പണിക്കൻ രാജൻ വിട പറഞ്ഞു

സഖാവ് പണിക്കൻ രാജൻ വിട പറഞ്ഞു

തലശ്ശേരി: ധർമ്മടത്തെ സമുന്നതനായ സി.പി.ഐ (എം) നേതാവ് സഖാവ് പണിക്കൻ രാജൻ (79)നിര്യാതനായി.. ഇന്നലെ പുലർച്ചെ 5 മണിയോടെ തലശ്ശേരി സഹകരണാശുപത്രിയിൽ വെച്ചാണ് അന്ത്യം. ദീർഘകാലം അവിഭക്തധർമ്മടം ലോക്കൽ കമ്മിറ്റി സെക്രട്ടറിയായി പ്രവർത്തിച്ചു.

ഇക്കഴിഞ്ഞ പാർട്ടി സമ്മേളനം വരെ സി.പി.എം. ധർമ്മടം നോർത്ത് ലോക്കൽ കമ്മിറ്റിയംഗമായിരുന്നു. ഇപ്പോൾ മേലൂർ കലാമന്ദിരം പാർട്ടി ബ്രാഞ്ച് അംഗമാണ്. 1964 മുതൽ കമ്മ്യൂണിസ്റ്റ് പാർട്ടി അംഗമാണ്. .കർഷക സംഘം വില്ലേജ് പ്രസിഡണ്ടായി പ്രവൃത്തിക്കയുണ്ടായി

ഭൗതിക ശരീരം ഇന്നലെ വൈകീട്ട് 4 മണി വരെ മേലൂർ കലാമന്ദിരം പരിസരത്തെ വീട്ടിലും തുടർന്ന് 5 മണി വരെ ചിറക്കുനിയിൽ അബു ചാത്തുക്കുട്ടി സ്മാരക മന്ദിരത്തിലും പൊതുദർശനത്തിന് വെച്ച ശേഷം പിണറായി പന്തക്കപ്പാറ പ്രശാന്തിയിൽ സംസ്ക്കരിച്ചു.

ഭാര്യ : രാധ

മക്കൾ : അഭിനേഷ് (സി.പി.എം. മേലൂർ തെക്ക് ബ്രാഞ്ച് സെക്രട്ടറി. ധർമ്മടം സർവ്വീസ് സഹകരണ ബാങ്ക് മാനേജർ)

അഖിലേഷ് ( സബ് ഇൻസ്പെക്ടർ ഓഫ് പൊലീസ് തലശ്ശേരി ) 

ഷീന (പിണറായി കമ്പൗണ്ടർ ഷാപ്പ്) മരുമക്കൾ: രേഖപി.എം ,ഷൈനി (അധ്യാപിക , കെ. കെ. വി മെമ്മോറിയൽ ഹൈസ്കൂൾ, പാനൂർ) രജി ടി. എം. ( പിണറായി )

സഹോദരങ്ങൾ ലീല , മോഹനൻ. , സുധ പരേതരായ ശാരദ, വാസു. ബാലൻ

പണിക്കൻ രാജൻ നിലവിൽ ധർമ്മടം ബീഡി തൊഴിലാളി വ്യവസായ സഹകരണ സംഘം പ്രസിഡണ്ടാണ്. ധർമ്മടം സർവ്വീസ് സഹകരണ ബാങ്കിൻ്റെ പ്രസിഡണ്ടായി ദീർഘകാലം പ്രവൃത്തിച്ചു. ബാങ്കിൻ്റെ പുരോഗതിയിൽ നിർണ്ണായകമായ പങ്ക് വഹിച്ചു. തലശ്ശേരി സഹകരണ ആശുപത്രിയുടെ ഡയറക്ടറായിരുന്നു.

ബീഡി തൊഴിലാളിയായി ജീവിതമാരംഭിച്ച പണിക്കൻ രാജൻ 1971 ലെ തലശ്ശേരി പരിസരത്തെ വർഗ്ഗീയ കലാപത്തിൻ്റെ അനുരണനങ്ങൾ ധർമ്മടത്ത് ബാധിക്കാതിരിക്കാനും , മതന്യൂനപക്ഷ സംരക്ഷണത്തിന് പാർട്ടിയെ അണി .നിരത്തുന്നതിലും മുഖ്യ പങ്ക് വഹിച്ചു. 1972 ലെ അധ്യാപകരുടെയും ജീവനക്കാരുടെയും സമരം വിജയിപ്പിക്കുന്നതിന് പ്രധാന പങ്ക് വഹിച്ചു. ഇതുമായി ബന്ധപ്പെട്ട് നിരവധി കേസുകളിൽ പ്രതിയായി. മംഗലാപുരം ഗണേഷ് ബീഡി മുതലാളിമാരുടെ കങ്കാണിമാരായി രംഗത്ത് വന്നവരെ മേലൂർ ദിനേശ് ബീഡി കമ്പനിക്ക് നേരെ അക്രമത്തിനായി മുന്ന് കാറുകളിൽ വന്ന് ഗുണ്ടകൾ ശ്രമിച്ചപ്പോൾ അതിനെ പ്രതിരോധിക്കുകയും വാഹനങ്ങൾ കത്തിക്കുകയും. അവരെ തിരിച്ചോടിക്കുകയും ചെയ്തതിന് ധീരമായ നേതൃത്വം നൽകി.അടിയന്തിരാവസ്ഥകാലത്ത് കോൺഗ്രസ് അക്രമത്തിന് ഇടനൽകാതെ പ്രതിരോധിക്കുകയും, പിണറായി, പെരളശ്ശേരി മേഖലകളിലെപ്രവർത്തകരെ സംരക്ഷിക്കുകയും ചെയ്യുന്നതിൽ മുഖ്യപങ്ക് വഹിച്ചു. എൺപതുകളിലെ RSS ആക്രമത്തിന് തുടക്കമായ പൂവാടൻ പ്രകാശൻ്റെ രക്തസാക്ഷിത്വത്തെ തുടർന്ന് അതിനെതിരായ പ്രതിരോധത്തിൽ പ്രവർത്തകരെ സജ്ജമാക്കുന്നതിലും പ്രധാന പങ്ക് വഹിച്ചു. ധർമ്മടം മേഖലയിൽ രാഷ്ട്രീയ പ്രതിയോഗികൾ ആസൂത്രിതമായി തുടർന്ന് . നടത്തിയ ആക്രമപ്രവർത്തനങ്ങളെ പ്രതിരോധിക്കുന്നതിന് പ്രവർത്തകരെ അണിനിരത്തുന്നതിലും പ്രധാന പങ്ക് വഹിച്ചു.

ധർമ്മടത്തെ രോഗി സന്ദർശനത്തിലും വിദഗ്ദ്ധ ചികിത്സക്കായി കോഴിക്കോട്ടും , മണിപ്പാലും മംഗലാപുരത്തുമുള്ള ഡോക്ടർമാരുമായും ആശുപതിയുമായും അവരെ ബന്ധപ്പെടുത്തുന്നതിലും ദിനചര്യ പോലെ സഖാവ് പണിക്കൻ ഇട പെടാറുണ്ട്.