എം.രാഘവൻ, ശ്രീനിവാസൻ അനുസ്മരണം നടത്തി

റേഷൻ വിതരണം ഇന്ന് മുതൽ

 മാഹി.പുതുച്ചേരി സർക്കാർ മയ്യഴി മേഖലയ്ക്ക് ജൂലൈ മാസത്തേക്ക് അനുവദിച്ച പ്രതിമാസ സൗജന്യ റേഷൻ അരി ചുവപ്പു കാർഡിന് 20 കിലോ, മഞ്ഞ കാർഡിന് 10 കിലോ വീതം( സർക്കാർ ഉദ്യോഗസ്ഥർ അംഗങ്ങൾ ആയിട്ടുള്ള കാർഡുകൾ ഒഴികെ) മയ്യഴിയിലെ പഴയ റേഷൻ കട നമ്പർ 7,18 എന്നീ ഷോപ്പുകൾക്ക് പകരം പുതുതായി അനുവദിച്ച കമ്മ്യൂണിറ്റി ഹാൾ പരിസരത്തെ നെല്ലിയാട്ട് കളരി ഭഗവതി ക്ഷേത്രത്തിന് സമീപത്തെ ഷോപ്പ് നമ്പർ 05 ൽഇന്ന് കാലത്ത് 9 മണി മുതൽ വിതരണം ആരംഭിക്കും. 31 വരെ അരി വിതരണം തുടരുന്നതായിരിക്കും.

(കാലത്തു 9 മണി മുതൽ 1 മണി വരെയും, ഉച്ചയ്ക്ക് ശേഷം 2 മണി മുതൽ 6 മണി വരെയും റേഷൻ ഷോപ്പ് പ്രവർത്തിക്കും

പൂർവ്വ വിദ്യാർഥി സംഘടനയുടെ

യോഗം 27 ന്

മാഹി: മഹാത്മാഗാന്ധി ഗവ. ആർട്സ് കോളേജിലെ ആദ്യ ബാച്ച് പൂർവ്വ വിദ്യാർഥികളുടെ സംഘടനയായ മാക് മെയിറ്റ്സ് 72 കുടുംബ സംഗമം നടത്തുന്നു. 27 ന് ശനിയാഴ്ച്ച രാവിലെ 10ന് മാഹി തീർഥ ഹോട്ടലിലാണ് പരിപാടി ഒരുക്കിയിട്ടുള്ളതെന്ന് ഭാരവാഹികൾ അറിയിച്ചു.

ന്യൂമാഹിയിൽ പഞ്ചായത്ത് അംഗങ്ങൾ സത്യപ്രതിജ്ഞ ചെയ്തു അധികാരമേറ്റു

(9 വനിതാ അംഗങ്ങൾ)

ന്യൂമാഹി: ന്യൂമാഹി ഗ്രാമപഞ്ചായത്തിലെ ഒമ്പത് വനിതാ അംഗങ്ങൾ ഉൾപ്പെടെ 14 പഞ്ചായത്ത് അംഗങ്ങൾ സത്യപ്രതിജ്ഞ ചെയ്തു അധികാരമേറ്റു.

ഒമ്പത് എൽഡിഎഫ് അംഗങ്ങളും (5വനിതകൾ) അഞ്ച് യുഡിഎഫ് അംഗങ്ങളുമാണ് (4വനിതകൾ) സത്യപ്രതിജ്ഞ ചെയ്തത്. വരണാധികാരി എം.എം.പ്രജുല മുമ്പാകെ മുതിർന്ന അംഗമായ മാങ്ങോട്ടുവയലിലെ പി.കെ. സുനിതയെ സത്യപ്രതിജ്ഞ ചെയ്യിച്ചു. തുടർന്ന് പി.കെ.സുനിതക്ക് മുമ്പാകെ 13 അംഗങ്ങളും സത്യപ്രതിജ്ഞ ചെയ്തു. വാർഡ് അടിസ്ഥാനത്തിൽ ഒന്ന് മുതൽ 14 വരെ എന്ന ക്രമത്തിലാണ് സത്യപ്രതിജ്ഞ ചെയ്തത്.തുടർന്ന് പി.കെ. സുനിതയുടെ അധ്യക്ഷതയിൽ ആദ്യ ഭരണ സമിതി യോഗം ചേർന്നു.മമ്മിമുക്കിൽ നിന്നും പ്രത്യേകം പ്രകടനമായാണ് ഇരു വിഭാഗവും പഞ്ചായത്ത് ഓഫീസിന് മുമ്പിലെത്തിയത്.

ന്യൂമാഹി ഗ്രാമ പഞ്ചായത്ത് ഭരണസമിതി

അംഗങ്ങൾ സത്യപ്രതിജ്ഞക്ക് ശേഷം വരണാധികാരി എം.എം. പ്രജുല, പഞ്ചായത്ത് സെക്രട്ടറി ഇൻ ചാർജ് എം. അനിൽകുമാർ എന്നിവർക്കൊപ്പം

എം.വി.വിനോദ് കുമാർ നിര്യാതനായി

ചാലക്കര വയൽ പുന്നോൽ റോഡിൽ വൈശാഖ് ഭവനിൽ താമസിക്കും പള്ളൂർ സബ്ബ് സ്റ്റേഷനു സമീപത്തുള്ള മീത്തലെ വീട്ടിൽ വിനോദ് കുമാർ (59) നിര്യാതനായി. ( സ്റ്റാഫ്, വി.എൻ. പുരുഷോത്തമൻ ഗവ.ഹയർ സെക്കണ്ടറി സ്കൂൾ, പള്ളൂർ) പരേതനായ ഒതയോത്ത് ദാമോധരൻ നമ്പ്യാരുടെയും മീത്തലെ വീട്ടിൽ പ്രേമവല്ലിയുടെയും മകനാണ്. ഭാര്യ: പ്രസന്ന കുമാരി മേലന്തൂർ. മകൻ: പ്രയാഗ് (ബാംഗ്ലൂർ). മരുമകൾ: അഞ്ജന (വയനാട്). സഹോദരങ്ങൾ: സുരേഷ് കുമാർ (വിമുക്തഭടൻ, റിട്ട.മാഹി പോലീസ്), ലീന, മനോജ് കുമാർ (പോൺടെക്സ്).