മാഹിയിൽ പെട്രോൾ പമ്പുകളുടെ അപ്രതീക്ഷിത വർധനവിനെതിരെ ഹൈകോടതിയെ സമീപിക്കും: ജനശബ്ദം മാഹി |

മയ്യഴിയുടെ കഥാകാരൻ എം. രാഘവൻ്റെ നിര്യാണത്തിൽ മാഹി പ്രസ്സ് ക്ലബ്ബ് അനുശോചിച്ചു

മാഹി പ്രസ്സ് ക്ലബ്ബിലെ സി.എച്ച്.ഗംഗാധരൻ സ്മാരക ഹാളിൽ നടന്നഎം. രാഘവൻ അനുസ്മരണചടങ്ങ് മുതിർന്ന മാധ്യമ പ്രവർത്തകൻ കലൈമാമണി ചാലക്കര പുരുഷു ഉദ്ഘാടനം ചെയ്തു. പ്രസ്സ് ക്ലബ് പ്രസിഡണ്ട് കെ.വി.ഹരീന്ദ്രൻ അദ്ധ്യക്ഷത വഹിച്ചു. സോമൻ പന്തക്കൽ അനുസ്മരണ ഭാഷണം നടത്തി. പി.കെ.സജീവൻ, സത്യൻ കുനിയിൽ, ജയന്ത്.ജെ.സി, മോഹനൻ കത്യാരത്ത്,പി.കെ.അഭിഷ സംസാരിച്ചു.

ഗാന്ധി - ഗുരു സംഗമ ശതാബ്ദി വർണ്ണരാജി

മാഹി: ഗാന്ധി - ഗുരു സംഗമ ശതാബ്ദിയോടനുബന്ധിച്ച് ഏകദിന വർണ്ണരാജി ചിത്ര ലോ കേമ്പ് നടത്തുന്നു. ഡിസമ്പർ 24 ന് കാലത്ത് 10 മണിക്ക് പുഴയോര നടപ്പാതയിലാണ് മഹദ് സംഗമത്തെ അധികരിച്ചുള്ള വർണ്ണാശയ ലോകം തീർക്കുന്നത്.

മാഹി എസ്. എൻ.ഡി. പി യൂണിയനും ജി ഡി പി എസ് മാഹിയും മൾട്ടി മീഡിയ ആർട്ടിസ്റ് ഫോറം തലശേരിയും സംയുക്തമായാണ് ചിത്രകല ക്യാമ്പ് സംഘടിപ്പിക്കുന്നത്.

സമഗ്ര ശിക്ഷ സ്റ്റേറ്റ് പ്രോജക്ട് ഡയറക്ടർ സന്ദർശനം നടത്തി

മാഹി : പിഎംശ്രീ സ്കൂൾ സന്ദർശനത്തിന്റെ ഭാഗമായി സമഗ്ര ശിക്ഷ സ്റ്റേറ്റ് പ്രോജക്ട് ഡയറക്ടർ കെ ഏഴിൽ കല്പന പന്തക്കൽ പിഎംശ്രീ ഐ കെ കുമാരൻ ഗവ ഹയർ സെക്കൻഡറി സ്കൂൾ സന്ദർശിച്ചു.സ്റ്റേറ്റ് പ്രോജക്ട് ഡയറക്ടറായി ചുമതലയെടുത്ത ശേഷമുള്ള ആദ്യ മാഹി സന്ദർശനമാണ്. വിദ്യാലയം പരിസരവും സന്ദർശിച്ച പ്രോജക്ട് ഡയറക്ടർ വിദ്യാലയ രേഖകളും വിലയിരുത്തി. മാഹി ചീഫ് എജ്യുക്കേഷൻ ഓഫീസർ തനൂജ എം എം,സമഗ്ര ശിക്ഷ മാഹി എ.ഡി.പി.സി പി ഷിജു എന്നിവരും പ്രോജക്ട് ഡയറക്ടർക്കൊപ്പമുണ്ടായിരുന്നു.

ചിത്ര വിവരണം: സ്റ്റേറ്റ് പ്രോജക്ട് ഡയറക്ടർ കെ ഏഴിൽ കല്പന പന്തക്കൽ പിഎംശ്രീ ഐ കെ കുമാരൻ ഗവ ഹയർ സെക്കൻഡറി സ്കൂൾ സന്ദർശിക്കുന്നു

പ്രതിഭകൾക്ക് അനുമോദനവുമായി വിജയോത്സവം സംഘടിപ്പിച്ചു

ചൊക്ലി : വി പി. എൽ.പി. സ്കൂളിൽ കല ശാസ്ത്ര മേഖലകളിൽ മികവു പുലർത്തിയ പ്രതിഭകളെ അനുമോദിക്കാൻ വിജയോത്സവം സംഘടിപ്പിച്ചു.

 സബ്ജില്ലയിലെ എഴുപതിലധികം സ്കൂളുകളാട് മത്സരിച്ച് അറബിക് കലോത്സവത്തിൽ ഒന്നാം സ്ഥാനവും  സ്കൂൾ കലോത്സവത്തിൻ സബ്ജില്ലാ തല റണ്ണേർസ് ചാമ്പ്യൻ ഷിപ്പും കരസ്ഥമാക്കിയ സംഘത്തിലെ അംഗങ്ങളെയും എൽ.എസ്. എസ്.പരീക്ഷയിൽ ഉന്നത വിജയം നേടിയ കുട്ടികളെയും അനുമോദിക്കാനും രക്ഷിതാക്കളുമൊത്ത് ആഹ്ളാദം പങ്കിടാനുമാണ് സ്കൂളിൽ വിജയോത്സവം സംഘടിപ്പിച്ചത്.

ഗായകനും മോട്ടിവേറ്ററുമായ എം. മുസ്തഫ മാസ്റ്റർ വിജയോത്സവം ഉദ്ഘാടനം ചെയ്തു.

സബ്ജില്ലാ തല ചാമ്പ്യൻ പട്ടം കരസ്ഥമാക്കിയ കലാ സാഹിത്യ പ്രതിഭകൾക്കും എൽ.എസ്.എസ്. നേടിയ

വൈഗ ഐ കെ. അംന ഷെറിൻ എന്നീ

വിദ്യാർഥികൾക്കും ഉപഹാരവും സർട്ടിഫിക്കറ്റും അദ്ദേഹം കൈമാറി.

ശാസ്ത്ര പ്രദർശനത്തിൽ മികവു പുലർത്തിയ കുട്ടികളെയും ചടങ്ങിൻ്റെ ഭാഗമായി ആദരിച്ചു.

പ്രധാനാധ്യാപിക കെ. ഷീജ വിജയോത്സവ സംഗമത്തിനു സ്വാഗതം പറഞ്ഞു.

സ്കൂൾ മാതൃ സമിതി പ്രസിഡണ്ട് പി.സി. തസ്ലീന അധ്യക്ഷത വഹിച്ചു.

അഫ്നിദ, ടി. അർഷ എന്നിവർ ആശംസകൾ നേർന്നു.

സ്റ്റാഫ് സെക്രട്ടറി കെ.പി. ഫൈസൽ നന്ദി പറഞ്ഞു.

തുടർന്ന് രക്ഷിതാക്കളൊരുക്കിയ തലശ്ശേരി പലഹാരങ്ങൾ ഉൾപ്പെടുത്തിയ സായാഹ്ന സൽക്കാരവുമുണ്ടായി.

വിദ്യാലയത്തിൽ നടന്ന പലഹാരമേള വി.പി.എൽ. പി. സ്കൂളിന്റെ കൈപ്പുണ്യമായ പാചകക്കാരി എം ടി.കെ.ലീലയാണ് ഉദ്ഘാടനം ചെയ്തത്

വിജിന, ഹനിഷ,ആബി ദിഷാൻ അഭിയുക്ത് , ഷീബ എന്നിവർ വിജയേത്സവ പരിപാടിക്ക് നേതൃത്വം നല്കി.

ചിത്രവിവരണം:ഗായകനും മോട്ടിവേറ്ററുമായ എം. മുസ്തഫ മാസ്റ്റർ ഉദ്ഘാടനം ചെയ്യുന്നു

പുതുച്ചേരിയിലെ വ്യാജ മരുന്നു കമ്പനികളെ സംരക്ഷിക്കുന്നത് ബി.ജെ.പി : സി.ബി.ഐ അന്വേഷണം ആവശ്യപ്പെട്ട് കോൺഗ്രസ്സ് പ്രതിക്ഷേധം

പുതുച്ചേരിയിലെ വ്യാജ മരുന്നു കമ്പനികളെ സംരക്ഷിക്കുന്ന ബി.ജെ.പി നേതാക്കാളാണെന്നും ഇവർക്കെതിരെ സി.ബി.ഐ അന്വേഷണം നടത്തണമെന്നും ആവശ്യപ്പെട്ട് പുതുച്ചേരിയിലെ കോൺഗ്രസ്സ് നേതാക്കൾ ഡൽഹിയിലെ ജന്തർ മന്തറിൽ പ്രതിഷേധ റാലിയും യോഗവും നടത്തി. പുതുച്ചേരിയിൽ 36 ഓളം വ്യാജ മരുന്നുകൾ വില്പന നടത്തുന്ന കമ്പനികളിൽ ബി.ജെ.പി നേതാക്കളായ സ്പീക്കർക്കും മന്ത്രിമാർക്കും പങ്കുണ്ടെന്ന് കോൺഗ്രസ്സ് പ്രസിഡണ്ട് വി.വൈദ്യലിഗം എം.പിയും മുൻ മുഖ്യമന്ത്രി വി.നാരായണ സാമിയും ആരോപിച്ചു. എ.ഐ.സി.സി ജന.സിക്രട്ടറി ഗിരീഷ് ചോഡൻങ്കാർ, തമിഴ്നാട് കോൺഗ്രസ്സ് പ്രസിഡണ്ട് കെ. ശെൽവ പെരുതുഗൈ എം.എൽ.എ, കോൺഗ്രസ്സ് നേതാക്കളായ വി.വൈദ്യനാഥൻ എം.എൽ.എ, മുൻ മന്ത്രി എം.കന്തസാമി, മുൻ മന്ത്രി കമല കണ്ണൻ, കാർത്തികേയൻ, അനന്തരാമൻ, മഹിള കോൺഗ്രസ്സ് പ്രസിഡണ്ട് എ.ആർ.നിഷ എന്നിവർ സംസാരിച്ചു.

മാഹിയിൽ കരട് വോട്ടർ പട്ടിക പ്രസിദ്ധീകരിച്ചു

മാഹി: പുതുച്ചേരി കേന്ദ്രഭരണ പ്രദേശത്തെ മാഹി നിയോജക മണ്ഡലത്തില്‍ നടന്നുകൊണ്ടിരിക്കുന്ന സമഗ്ര വോട്ടര്‍ പട്ടിക പരിഷ്കരണ (എസ്.ഐ.ആര്‍) നടപടികളുടെ ഭാഗമായി കരട് വോട്ടര്‍ പട്ടിക മാഹി ഗവ: ഹൗസില്‍ വെച്ച് റീജിയണൽ അഡ്മിനിസ്ട്രേറ്റര്‍/ഇലക്ടോറല്‍ റജിസ്ട്രെഷന്‍ ഓഫീസര്‍ ഡി. മോഹന്‍ കുമാര്‍ എല്ലാ അംഗികൃത രാഷ്ട്രിയ പാർട്ടികളുടെ പ്രതിനിധികളുടെ സാന്നിദ്ധ്യത്തില്‍ പ്രസീദ്ധീകരിച്ചു. യോഗത്തില്‍ വെച്ച്  സമഗ്ര വോട്ടര്‍ പട്ടിക പരിഷ്കരണത്തിന്‍റെ അടുത്തതായി നടക്കുന്ന നടപടി ക്രമങ്ങളെ കുറിച്ചും കരട് വോട്ടര്‍ പട്ടികയിലെ വോട്ടര്‍മാരുടെ വിവരങ്ങളെ കുറിച്ചും ഇലക്ടോറല്‍ റജിസ്ട്രെഷന്‍ ഓഫീസര്‍ വിശദീകരിച്ചു.  

 2025ൽ പ്രസിദ്ധികരിച്ച വോട്ടര്‍ പട്ടികയില്‍ ഉള്‍പെട്ട മാഹിയിലെ 29,405 വോട്ടര്‍മാര്‍ക്ക്, ബൂത്ത്‌ ലെവല്‍ ഓഫീസര്‍മാര്‍ (ബി.എല്‍. ഒ) 2025 നവംബര്‍ മാസം 4 മുതല്‍ ഡിസംബര്‍ മാസം 11 വരെ വീടുകൾ സന്ദര്‍ശിച്ച് എന്യൂമറേഷൻ ഫോറത്തിന്റെ രണ്ടു കോപ്പികള്‍ നല്‍കുകയുണ്ടായി.  അതില്‍ തിരികെ ലഭിച്ച 28,507 വോട്ടര്‍മാരുടെ പൂരിപ്പിച്ച എന്യൂമറേഷൻ ഫോറങ്ങള്‍ ഇലക്ഷന്‍ കമ്മീഷന്‍ ഓഫ്‌ ഇന്ത്യയുടെ മൊബൈല്‍ ആപ്പില്‍ രേഖപെടുത്തുകയും ചെയ്തു.  ബൂത്ത്‌ ലെവല്‍ ഓഫീസര്‍മാര്‍ക്ക് വീടുകളില്‍ നിന്നും ശേഖരിക്കാനാവാത്ത 898 വോട്ടര്‍മാരുടെ (മരണപെട്ട /സ്ഥിരതാമസം ഇല്ലാത്തവര്‍/ സ്ഥലത്തിലാത്തവര്‍) എനുമേറഷന്‍  ഫോറങ്ങള്‍  താൽക്കാലിക പട്ടികയില്‍ ഉള്‍പെടുത്തി , അംഗികൃത രാഷ്ട്രിയ പാർട്ടികളുടെ ബൂത്ത്‌ ലെവല്‍ ഏജെന്റ്മാര്‍ക്ക് പരിശോധനയ്ക്കായി നല്‍കുകയുണ്ടായി.

2025 ഡിസംബര്‍ മാസം 16 നു പ്രസിദ്ധീകരിച്ച കരട് വോട്ടര്‍ പട്ടിക പട്ടികയില്‍ 28,507 വോട്ടര്‍മാര്‍ (സ്ത്രി- 15506, പുരുഷന്‍-13001 ) ഉള്പെട്ടിടുണ്ട്. കരട് വോട്ടര്‍ പട്ടികയില്‍ പ്രസിദ്ധീകരിച്ച വോട്ടര്‍മാരുടെ വിവരങ്ങള്‍ “ceopuducherry.py.gov.in” എന്ന വെബ്സൈറ്റ് സന്ദര്‍ശിച്ചു പരിശോധിക്കാവുന്നതാണ്.  വോട്ടര്‍ പട്ടികയില്‍ പുതുതായി പേരു ചേര്‍ക്കുവാനും, നീക്കം ചെയ്യുവാനും, തിരുത്തലുകള്‍ ചെയ്യുവാനുമുള്ള അപേക്ഷകള്‍ 2025 ഡിസംബര്‍ മാസം 16 മുതല്‍ 2026 ജനുവരി മാസം 15 വരെ അതതു ബൂത്ത്‌ ലെവല്‍ ഓഫീസര്‍മാര്‍ മുഖേനയോ   “ceopuducherry.py.gov.in”, “www.nvsp.in” വെബ്സൈറ്റ് വഴിയോ സമര്‍പ്പിക്കാവുന്നതാണ്‌. കരട് വോട്ടര്‍ പട്ടികയില്‍ പേര് ഉള്‍പെട്ടിട്ടില്ലാത്തവര്‍ക്ക് മാഹി ഇലക്ടോറല്‍ റജിസ്ട്രെഷന്‍ ഓഫീസര്‍ക്കു 2026 ജനുവരി മാസം 15 വരെ രേഖാമൂലം പരാതി നല്കാവുന്നതാണ്. സമഗ്ര വോട്ടര്‍ പട്ടിക പരിഷ്കരണത്തിന്‍റെ ഭാഗമായുള്ള അന്തിമ വോട്ടര്‍ പട്ടിക, 2026 ഫെബ്രുവരി മാസം 14 തിയതി      പ്രസിദ്ധീകരികുന്നതായിരിക്കുമെന്ന് ഇലക്ടോറല്‍ റജിസ്ട്രെഷന്‍ ഓഫീസര്‍ അറിയിച്ചു.

കായിക മേള സമാപിച്ചു.

പുതുച്ചേരിയിലെ വ്യാജ മരുന്നു കമ്പനികളെ സംരക്ഷിക്കുന്നത് ബി.ജെ.പി : സി.ബി.ഐ അന്വേഷണം ആവശ്യപ്പെട്ട് കോൺഗ്രസ്സ് പ്രതിക്ഷേധം

മാഹി:ജവഹർ നവോദയ വിദ്യാലയത്തിലെ ദ്വിദിന വാർഷിക കായികമേള സമാപിച്ചു.

നവോദയ വിദ്യാലയ സമിതിയിലെ മുതിർന്ന കായികാധ്യാപകൻ പി.ജെ ജോസഫ് മുഖ്യാതിഥിയായി.

വിജയികൾക്കുള്ള സമ്മാനങ്ങൾ വിതരണം ചെയ്തു.

വിദ്യാഭ്യാസ കാലത്തും ജീവിതത്തിലും കായിക വിനോദത്തിനുള്ള പ്രാധാന്യം അദ്ദേഹം കുട്ടികൾക്കായി വിശദീകരിച്ചു.

മാഹി ജവഹർ നവോദയ വിദ്യാലയത്തിലെ പൂർവ്വ വിദ്യാർത്ഥിയും ഡെപ്യൂട്ടി തഹസിൽദാരുമായ ടി.സൗരവ് സമാപന സമ്മേളനത്തിൽ സംസാരിച്ചു.

ദേമാജി ആസാം ജവഹർ നവോദയവിദ്യാലയത്തിലെ നിയുക്ത വൈസ് പ്രിൻസിപ്പാൾ പി.കെ. സഹദേവൻ,മുഹമ്മദ് റാഷിദ് എന്നിവർ ചടങ്ങിൽ പങ്കെടുത്തു.

കായികാധ്യാപിക ടി സ്മിത 2025 സ്പോർട്സ് റിപ്പോർട്ട് അവതരിപ്പിച്ചു.

വാർഷിക കായിക മേളയിൽ ആരാവലി ഹൗസ് ചാമ്പുന്മാരായി. നിൽഗിരി ഹൗസ് റണ്ണേർസപ്പായി

സ്കൂൾ പ്രിൻസിപ്പാൾ എൻ.പി. ശ്രീലത സ്വാഗതവും വൈസ് പ്രിൻസിപ്പാൾ സാബു ജോസ് നന്ദിയും പറഞ്ഞു.