ചാലക്കര ദേശപെരുമ സാംസ്ക്കാരികോത്സവം: ഓഫീസ് തുറന്നു

കെ.പി. വത്സൻ അദ്ധ്യക്ഷത വഹിച്ചു. മാഹി പൊലീസ് സർക്കിൾ ഇൻസ്പക്ടർ പി.എ. അനിൽകുമാർ , പയറ്റ അരവിന്ദൻ , കെ.മോഹനൻ ,,ചാലക്കര പുരുഷു സംസാരിച്ചു. ചിത്രൻ സ്വാഗതവും, ഗംഗാധരൻ അഞ്ചരക്കണ്ടി നന്ദിയും പറഞ്ഞു.

ചിത്രവിവരണം:ഡോ: പി.രവിന്ദ്രൻ ഓഫീസ് ഉദ്ഘാടനം ചെയ്യുന്നു.

മയ്യഴി മേളത്തിന് പ്രൗഢമായ സമാപനം

മാഹി: മാഹി മേഖലയിലെ 33 വിദ്യാലയങ്ങളിലെ രണ്ടായിരത്തോളം കലാപ്രതിഭകൾ സർഗ്ഗ ചേതനക്ക് മാറ്റുരച്ച മയ്യഴി മേളത്തിന് പ്രൗഢമായ സമാപനം

 പള്ളൂർ ഗ്രാമത്തിന് ഉത്സവച്ഛായ പകർന്ന പ്രതിഭാ സംഗമത്തിൽ ലഹരിക്കെതിരെ നൂറുകണക്കിന് മെഴുകുതിരിനാളങ്ങൾ തെളിയിച്ച് പ്രതിജ്ഞയെടുത്താണ് പരിപാടിക്ക് തുടക്കം കുറിച്ചത്.

ലയ ലാസ്യ സമ്മോഹനമായ ദൃശ്യവിരുന്നിന് കണ്ണും കാതും സമർപ്പിച്ച് ഒഴുകിയെത്തിയ ആയിരങ്ങൾ കഴിഞ്ഞ രണ്ട് ദിനരാത്രങ്ങളിൽ മേളക്ക് ആവേശം പകർന്നു.

മാഹി വിദ്യാഭ്യാസ മേലദ്ധ്യക്ഷ എം എം. തനൂജ, റെക്ടർ സെബാസ്റ്റ്യൻ കാരക്കാട്ട്

 ആനന്ദ് കുമാർ പറമ്പത്ത് കെ.കെ.രാജീവ്, ചാലക്കര പുരുഷു ,കെ.വി.ഹരീന്ദ്രൻ , റീജേഷ് മാസ്റ്റർ, നർത്തകി ഷീജാ ശിവദാസ്, അലി അക്ബർഹാഷിം,ശ്യാം സുന്ദർ,ഡോ: കെ.ചന്ദ്രൻ, എം എ. കൃഷ്ണൻ സംസാരിച്ചു.

ചിത്രവിവരണം:മുൻ ആഭ്യന്തര മന്ത്രി ഇ വത്സ രാജ് ഉദ്ഘാടനം ചെയ്യുന്നു.

രക്തദാനത്തിൽ സെഞ്ച്വറി തികച്ച് സുഗീഷ് പുല്ലോടി.

തലശ്ശേരി:രക്തദാന രംഗത്ത് നൂറ് തികച്ച സുഗീഷ് പുല്ലോടിയെ ബ്ലഡ് ഡോണേഴ്സ് കേരള തലശ്ശേരി താലൂക്കിന്റെ നേതൃത്വത്തിൽ ആദരിച്ചു. മലബാർ കാൻസർ സെന്റർ പീഡിയാട്രിക് ബ്ലോക്കിൽ നടന്ന പരിപാടി ബി ഡി കെ തലശ്ശേരി താലൂക്ക് പ്രസിഡന്റ് പി പി റിയാസ് മാഹിയുടെ അദ്ധ്യക്ഷതയിൽ പ്രശസ്ത ചിത്രകാരനും, മുൻ കേരള ലളിതകലാ അക്കാദമി സെക്രട്ടിയുമായ പൊന്ന്യം ചന്ദ്രൻ ഉദ്ഘാടനം ചെയ്തു.

 സ്വന്തം കാര്യങ്ങളേക്കാൾ അപരന്റെ കണ്ണീരൊപ്പാൻ പ്രവർത്തിക്കുന്ന സുഗീഷിനെ പോലുള്ള നന്മവറ്റാത്ത മനുഷ്യർ ഈ നാടിന് നൽകുന്ന ഊർജത്തെക്കുറിച്ച് അദ്ദേഹം വിശദീകരിച്ചു. മുഖ്യാതിഥിയായി ഹോസ്പിറ്റൽ അഡ്മിനിസ്ട്രേറ്റീവ് ഓഫീസർ ഡോ : അനിത പങ്കെടുത്തു. ബി ഡി കെ സംസ്ഥാന സെക്രട്ടറി സജിത് വി പി ആദരസമർപ്പണവും സംസ്ഥാന വൈസ് പ്രസിഡന്റ് ഫസൽ ചാലാട് മുഖ്യ ഭാഷണം നടത്തി. ചടങ്ങിൽ സംസ്ഥാന എക്സിക്യൂട്ടീവ് സമീർ പെരിങ്ങാടി, സുഗീഷിന്റെ നാട്ടുകാരായ കരുണൻ മാസ്റ്റർ,ജയേന്ദ്രൻ,ബി ഡി കെ മീഡിയാ കോർഡിനേറ്റർ മജീഷ് ടി തപസ്യ എന്നിവർ ആശംസകൾ നേർന്നു.

രക്തദാന രംഗത്ത് വന്നതിനെക്കുറിച്ചും, രക്തദാനം നടത്തുന്നതിന്റെ എണ്ണവും സർട്ടിഫിക്കറ്റും സൂക്ഷിക്കുന്നത് മറ്റുള്ളവർക്കു കൂടി പ്രചോദനമേകാനാണെന്ന് മറുപടി പ്രസംഗത്തിൽ സുഗീഷ് പുല്ലോടി പറഞ്ഞു. സുഗീന്റെ ഭാര്യയും ഡോണറുമായ പി എം റോഷി അനുഭവങ്ങൾ പങ്കുവച്ചു. 

ജയീഷ് മാഹി എം ആർ എ മധുരവിതരണം ചെയ്തു. താലൂക്ക് സ്ക്രട്ടറി ഷംസീർ പാരിയാട്ട് സ്വാഗതവും താലൂക്ക് കേശദാന കോർഡിനേറ്റർ ഒ പി പ്രശാന്ത് മാഹി നന്ദിയും പറഞ്ഞു. തുടർന്ന് SDP ഡൊണേഷൻ ക്യാമ്പും സംഘടിപ്പിച്ചു. ക്യാമ്പിന് പ്രശാന്ത് പൊന്ന്യം, എം സി സി സ്റ്റാഫുകൾ സതീഷ്, സജീഷ് എന്നിവർ നേതൃത്വം നൽകി.

ബി ഡി കെ തലശ്ശേരി താലുക്ക് ജോ:സിക്രട്ടറിയും കോർഡിനേറ്ററുമാണ് സുഗീഷ് പുല്ലോടി

കേരള സംസ്ഥാന ചിക്കൻ വ്യാപാരി സമിതി:തലശ്ശേരി ഏരിയ സമ്മേളനം

തലശ്ശേരി: കേരള സംസ്ഥാന ചിക്കൻ വ്യാപാരി സമിതിയുടെ തലശ്ശേരി ഏരിയ സമ്മേളനം, വ്യാപാരികളുടെ കൂട്ടായ്മയുടെയും സുരക്ഷിത വ്യാപാരത്തിന്റെയും പ്രാധാന്യം വിളിച്ചോതി വിജയകരമായി സമാപിച്ചു.

സംസ്ഥാന സിക്രട്ടറി പി.എസ്. ഉസ്മാൻ സമ്മേളനം ഉൽഘാടനം ചെയ്തു. ഏരിയ പ്രസിഡൻ്റ് ശ്രീ. റഫീക്കിന്റെ അദ്ധ്യക്ഷതയിലാണ് സമ്മേളനം നടന്നത്. തലശ്ശേരി ഏരിയ സിക്രട്ടറി നൗഷാദ് വി. സ്വാഗതംപറഞ്ഞു.

തലശ്ശേരി നഗരസഭ ചെയർപേഴ്സൺ ശ്രീമതി ജമുനാ റാണി ടീച്ചർ മുഖ്യാതിഥിയായിരുന്നു. വ്യാപാരി സമിതി ജില്ലാ വൈസ് പ്രസിഡൻ്റ് കെ.കെ. സഹദേവൻ, ഏരിയ രക്ഷാധികാരി നൗഫൽ സി.പി.എം., സംസ്ഥാന വൈസ് പ്രസിഡൻ്റ് കെ.എം.അക്ബർ., സംസ്ഥാന എക്സിക്യൂട്ടീവ് അംഗം മുഹമ്മദ് പിണറായി, കണ്ണൂർ ജില്ലാ പ്രസിഡൻ്റ് ഇസ്മായിൽ പൂക്കോം, ജില്ലാ സിക്രട്ടറി ഷജിൽ കെ.പി. 

ജില്ലാ ട്രഷറർ വിമൽ കൃഷ്ണൻ എന്നിവർ സംസാരിച്ചു തലശ്ശേരി ഏരിയയിലെ എല്ലാ ചിക്കൻ വ്യാപാരികളും സന്നിഹിതരായിരുന്നു.

വ്യാപാരികൾ നേരിടുന്ന നികുതി ഭാരം, ലൈസൻസ് പ്രശ്‌നങ്ങൾ, വിലയിലെ അസ്ഥിരത തുടങ്ങിയ പ്രയാസങ്ങളെക്കുറിച്ച് സമ്മേളനത്തിൽ വിശദമായ ചർച്ച നടന്നു. വ്യാപാരികളുടെ അവകാശങ്ങൾ സംരക്ഷിക്കുന്നതിനായി ശക്തമായ നിലപാടെടുക്കാൻ തീരുമാനിച്ചു.

 അവശത അനുഭവിക്കുന്ന മെമ്പർമാർക്കുള്ള ചികിത്സാ സഹായം വിതരണം ചെയ്തു.

 സംഘടനയുടെ വളർച്ചയ്ക്ക് അമൂല്യ സംഭാവനകൾ നൽകിയ ഹോൾസയിൽ കച്ചവടക്കാരെയും പഴയ കാല വ്യാപാരികളെയും ആദരിച്ചു.

 ഭക്ഷ്യ സുരക്ഷാ മാനദണ്ഡങ്ങളെക്കുറിച്ച് റിട്ട: അസിസ്റ്റൻ്റ് കമ്മീഷണർ (ഫുഡ് & സേഫ്റ്റി) ശ്രീ. മുസ്തഫ പാമ്പുരുത്തി ക്ലാസ് എടുത്തു. ചിക്കൻ വ്യാപാരത്തിൽ പാലിക്കേണ്ട ശുചിത്വത്തെക്കുറിച്ച് അദ്ദേഹം വിശദീകരിച്ചു. സുരക്ഷിതമായ കച്ചവടത്തിന് മാർഗ്ഗനിർദ്ദേശം നൽകുന്ന തലശ്ശേരി ഹെൽത്ത് ഇൻസ്പെക്ടർ ശ്രീ. അനിൽ സാറിനെ സമിതി ആദരിച്ചു.

സമ്മേളനത്തിൽ പങ്കെടുത്ത വിശിഷ്ട വ്യക്തികൾക്ക് മൊമൻ്റോ കൈമാറുകയും സമ്മേളനത്തിന്  പങ്കെടുത്തവർക് ഏരിയ ട്രഷറർ നന്ദി രേഖപ്പെടുത്തുകയും, ഗിഫ്റ്റ് വിതരണം ചെയ്യുകയും ചെയ്തു.

 നൗഷാദ് - ഏരിയ സിക്രട്ടറി റഫീഖ്- ഏരിയ പ്രസിഡൻ്റ് റാഷിഖ് ഏരിയ ട്രഷറർ

റഹീസ് വൈസ് പ്രസിഡൻ്റ്ഷാജിർ ജോ.സിക്രട്ടറി

ജാസ്, പവനൻ, ഷഫീർ, ഹസ്സൻ, സിറാജ്, റഹീസ്, എന്നിവരടങ്ങിയ പുതിയ കമ്മിറ്റിയെ സമ്മേളനത്തിൽ ഐക്യകണ്ടേന തിരഞ്ഞെടുത്തു പുതിയ പ്രമേയങ്ങളോടെയും കർമ്മപരിപാടികളോടെയുമാണ് തലശ്ശേരി ഏരിയ സമ്മേളനം സമാപിച്ചത്.

റീത്ത ഫെർണാണ്ടസ്സ് നിര്യാതയായി.

തലശ്ശേരി, പിലാക്കൂൽ, ഗാർഡൻസ് റോഡിൽ പ്രേം സദനിൽ താമസിക്കുന്ന റീത്ത ഫെർണാണ്ടസ് ( 87 ) നിര്യാതയായി. ഭർത്താവ്: എഡ്‌വേഡ് ഫെർണാണ്ടസ്, മക്കൾ :സിൻത്തി (റിട്ട.. ഹെഡ് ടീച്ചർ),ജാനറ്റ്‌, ജൂലിയറ്റ് (റിട്ട: ടീച്ചർ),ഫ്‌ളേവി ടീച്ചർ, ഗോഡ് വിൻ (ദുബായ് ), റോണി ( എസ്.ഐ. കൺട്രോൾ റൂം.കോഴിക്കോട്) മരുമക്കൾ : മാർക്ക്, ലിയോ, റോയ്, പീറ്റർ, മോളി, റെനിറ്റ സംസ്ക്കാരം ഇന്ന് വൈ: 4 മണി.,

ടി.വി.സുകുമാരൻ നിര്യാതനായി

മാഹി പന്തക്കൽ കോപ്പാലം വയലോമ്പ്രൻ്റവിട ടി.വി.സുകുമാരൻ (92) മുംബൈ നല്ലോസപ്പാറയിലെ വസതിയിൽ നിര്യാതനായി..വെസ്റ്റേൺ റെയിൽവെയിൽ റിട്ട. ഗാർഡാണ്. ഭാര്യ: രാധ. മക്കൾ: രജനേഷ് കുമാർ (മുംബൈ), ബിന്ദു (ഹൈദരബാദ്), സന്തേഷ് കുമാർ (യു.എസ്) മരുമക്കൾ: ജിഷ, സുജിത്ത്, മനു. സഹോദരങ്ങൾ: ടി.വി.ഗംഗാധരൻ (റിട്ട. മാഹി മുനിസപ്പൽ കമ്മീഷണർ), പത്മിനി (ധർമ്മടം), ശോഭ (മംഗളൂരു), പരേതരായ കൗസല്യ, നാരായണി, ലക്ഷ്മണൻ (റിട്ട. വെസ്റ്റേൺ റെയിൽവെ ജീവനക്കാരൻ), ഡോ.വത്സരാജ്, ജയപ്രകാശൻ

റാബിയ നിര്യാതയായി.

-ന്യൂമാഹി : ചാലക്കര ഗ്യാസ് ഗോഡൗണിന് പിറകിൽ പെരുമുണ്ടേരി രൈരുവിൻ്റവിടെ റാബിയ (89) അന്തരിച്ചു.

ഭർത്താവ് :പരേതനായ ഖാലിദ്

മക്കൾ: ഹംസ, അഷറഫ്, നബീസ, റഫീഖ്, സജിന, പരേതരായ സുബൈദ, ഹാഷിം.

സഹോദരങ്ങൾ: മൂസക്കുട്ടി, പരേതരായ അബൂബക്കർ, മമ്മൂട്ടി, ഇബ്രാഹിം, ഉമ്മർകുട്ടി.

തിട്ടയിൽ രാഘവൻ നിര്യാതനായി

ന്യൂമാഹി: ഏടന്നൂരിൽ തയ്യിൽ വീട്ടിൽ തിട്ടയിൽ രാഘവൻ (84) അന്തരിച്ചു. പഴയകാല കോൺഗ്രസ് പ്രവർത്തകനായിരുന്നു.

ദീർഘകാലം കുറിച്ചിയിൽ ടൌണിൽ പച്ചക്കറി വ്യാപാരിയായിരുന്നു. പത്രങ്ങളുടെയും പ്രസിദ്ധീകരണങ്ങളുടെയും പഴയ കാല ഏജൻ്റായിരുന്നു.

ഭാര്യ: ശാന്ത.

മക്കൾ : ബൈജു, ഷിൽന, ഷാജി. മരുമക്കൾ: ജിഷ (കോറോത്ത് റോഡ്), ഷീന (മുക്കം), ജയൻ (മണിയൂർ).

സഹോദരങ്ങൾ: കൗസു, രാധ, മോഹനൻ, പരേതരായ അച്ചുതൻ, നാരായണി, ശ്രീധരൻ, ബാലരാജൻ.

ഏഷ്യൻ മാസ്റ്റേർസ് ഹോക്കി ചാമ്പ്യൻഷിപ്പിൽ 

പുരുഷ - വനിതാ വിഭാഗങ്ങളിൽ ഇന്ത്യ

ചാമ്പ്യൻമാർ  

തലശ്ശേരി : ചൈനയിലെ ഹോങ്കോങ്ങ് ഹാപ്പി വാലി

സ്റ്റേഡിയത്തിൽ നവംബർ 25 മുതൽ 30 വരെ നടന്ന

ഏഷ്യൻ മാസ്റ്റേഴ്സ് ഹോക്കി ചാമ്പ്യൻഷിപ്പിൽ 35വയസ്സിനും,50വയസ്സിനും

ഇടയിലുള്ളവരുടെ വനിതാ വിഭാഗത്തിലും , 40 വയസ്സ്

മുതൽ 50 വരെയുള്ള പുരുഷ വിഭാഗത്തിലും കണ്ണഞ്ചിപ്പിക്കുന്ന വിജയം

നേടി ഇന്ത്യ ചരിത്രം സൃഷ്ടിച്ചുഹോങ്കോങ്ങും,ന്യൂസിലാണ്ടും,സിങ്കപ്പൂരും,

ഇന്ത്യയും പങ്കെടുത്തമത്സരത്തിൽ, ഫൈനലിൽ

സിങ്കപ്പൂരിനെ രണ്ടിനെതിരെ മൂന്ന് ഗോളുകൾക്ക്

പരാജയപ്പെടുത്തിയാണ്ഇന്ത്യൻ പുരുഷടീം സ്വർണ്ണം നേടിയത് . തോൽവി അറിയാതെ ഫൈനലിൽ പ്രവേശിച്ച ഇന്ത്യ ,ഫൈനലി ലെ ആദ്യ പകുതിയിൽ പിന്നിലായിരുന്നെങ്കിലും മിന്നുന്ന പ്രകടനം കാഴ്ച

വെച്ചാണ് വിജയ കിരീടംചൂടിയത്. ഇന്ത്യൻ ടീമിൻ്റെകണ്ണഞ്ചിപ്പിക്കുന്ന പ്രകടനത്തിൽ പ്രധാന പങ്ക് വഹിച്ച

കണ്ണൂർ ജില്ലക്കാരനായ ഗോൾ കീപ്പർ കെ.നിയാസ്ടീമിലെ ഏക മലയാളിയും ,2001-ൽ മലേഷ്യയിലെ

ഇപ്പോയിൽ നടന്ന 10 രാഷ്ട്രങ്ങങ്ങൾ പങ്കെടുത്തിരുന്ന ഏഷ്യൻ ജൂനിയർ

ഹോക്കി ചാമ്പ്യൻഷിപ്പിലെഫൈനലിൽ പാക്കിസ്ഥാനെ തോൽപ്പ് ഇന്ത്യ വിജയകിരീടം ചൂടിയപ്പോൾ, ടീമി

ൻ്റെ ഗോൾ കീപ്പറായിരുന്നു.നിലവിൽ കേരളാ ഹോക്കിയുടെ ട്രഷറർ സ്ഥാനംവഹിക്കുന്ന കെ.നിയാസ് ,തലശ്ശേരി പൊതുമരാമത്ത്

ഓഫീസിലെ ഉദ്യോഗസ്ഥനാണ് . പാതിരിയാട് സ്വദേശിയായ നിയാസ് വിവാഹിതനായതിന് ശേഷം പാനൂരി

ലാണ് താമസം . ഭാര്യ കെ.നുസ്രത്ത് കേരളാ ബാങ്ക്

ചൊക്ലി ബ്രാഞ്ചിൽ കാഷ്യറാണ് . മക്കൾ : പ്ലസ് +1

വിദ്യാർത്ഥിനിയായനതാഷ സൈനബ്ബ് ,ഏഴാം ക്ലാസ്സ് വിദ്യാർത്ഥിനി യായ തഹാനി സൈനബ്ബ് ,ഒന്നാം ക്ലാസ്സിൽ പഠിക്കുന്നഅയ്റ സൈനബ്ബ് .ഗോൾ കീപ്പർ എന്ന നിലയിൽഏക മലയാളിയും ,രാജ്യത്തിനായി മികച്ച പ്രകടനം കാഴ്ചവെച്ച് സ്വർണ്ണംനേടിയ കണ്ണൂർ ജില്ലയുടെഅഭിമാന പുത്രൻ കെ.നിയാസിനും , നമ്മുടെ രാജ്യത്തിൻ്റെ പുരുഷ -വനിതാ ടീമുകൾക്കുംകണ്ണൂർ ജില്ലാ ഹോക്കിഅസോസിയേഷൻഅഭിവാദ്യമർപ്പിച്ചു