'രാസരസേ ചരം ', ദേശീയ നൃത്തോത്സവത്തിലെ കലാകാരികളെ അനുമോദിച്ചു.
മാഹി: തഞ്ചാവൂരിൽ നടന്ന .രാസരസേചരം. ഗ്രേറ്റ് ഡാൻസ് ഫെസ്റ്റിവലിൽ പങ്കെടുത്ത മാഹിയിലെ ഗൗരി ദർപ്പണ നൃത്ത വിദ്യാലയത്തിലെ കലാകാരികളെ അനുമോദിച്ചു.
മാഹി ആനവാതുക്കൽബാലഗോപാല ക്ഷേത്രാങ്കണത്തിൽ നടന്ന ചടങ്ങിൽ കലൈമാമണി ചാലക്കര പുരുഷു ഉദ്ഘാടനവും സർട്ടിഫിക്കറ്റ് വിതരണവും നിർവ്വഹിച്ചു.
ക്ഷേത്രം പ്രസിഡണ്ട് സജിത്ത് നാരായണൻ അദ്ധ്യക്ഷത വഹിച്ചു.
മുൻ വിദ്യാഭ്യാസ മേലദ്ധ്യക്ഷൻ ഉത്തമരാജ് മാഹിഉപഹാരങ്ങൾ നൽകി.
പ്രശസ്ത നർത്തകി കലൈമാമണി രേണുക ടീച്ചർ സ്വാഗതവും,ഡോ: കൃഷ്ണാഞ്ജലി നന്ദിയും പറഞ്ഞു.
ചിത്രവിവരണം: കലൈമാമണി ചാലക്കര പുരുഷു സർട്ടിഫിക്കറ്റ് വിതരണം ചെയ്യുന്നു.
മാഹിയിൽ ജനിച്ചു വളർന്ന് കേരളത്തിലേക്ക് മാറി താമസിക്കുന്ന പിന്നോക്ക വിഭാഗങ്ങൾക്ക് കേരളത്തിലും സംവരണത്തിന് അവകാശമുണ്ട് ഹൈക്കോടതി
മാഹി: മാഹിയിൽ ജനിച്ചു വളർന്നു കേരളത്തിലേക്ക് മാറി താമസിക്കുന്നപിന്നോക്ക വിഭാഗങ്ങൾക്ക് കേരളത്തിലും സംവരണത്തിന് അവകാശമുണ്ടെന്ന് ഹൈക്കോടതി ഉത്തരവിട്ടു. മാഹിയിൽ ജനിച്ചു വളർന്ന് നിലവിൽ അമ്മയുടെ വീടായ കൂത്തുപറമ്പ് തൊക്കിലങ്ങാടിയിലെ താമസക്കാരനായ നിർമ്മലഗിരിയിലെ എ ഷിബിൻ സായി അഡ്വ. ടി ആസഫലി മുമ്പാകെ ഹൈക്കോടതിയിൽ സമർപ്പിച്ച ഹർജിയിലാണ് കോടതിയുടെ ഉത്തരവ്.
ഈഴവ -തീയ്യ സമുദായത്തിൽപ്പെട്ട ഉദ്യോഗാർത്ഥിയായ ഷിബിനിന് പിന്നോക്കസമുദായം എന്ന നിലയിൽ കേരളത്തിൽ സംവരണത്തിന് അർഹതയില്ലെന്ന കാരണത്താൽ കല്യാശ്ശേരിയിലെ കെൽട്രോണിൽ ഓപ്പറേറ്റർ തസ്തികയിലെ ജോലി നിഷേധിച്ചതിനെതിരെയാണ് ഹൈക്കോടതിയുടെ സുപ്രധാന വിധി. സാമൂഹ്യമായും സാംസ്കാരികമായും ഭൂമിശാസ്ത്രപരമായും
കേരളത്തോട് ബന്ധപ്പെട്ട് കിടക്കുന്നതും
എല്ലാം കൊണ്ടും കേരളത്തോട് സാമ്യമുള്ളതുമായ മാഹിയിലെ തീയ്യ ഈഴവ
ജനവിഭാഗങ്ങൾക്ക് പിന്നോക്ക ജനവിഭാഗത്തിൻ്റെ സംവരണാവകാശം ലഭിക്കാൻ അർഹതയുണ്ടെന്ന് കോടതി കണ്ടത്തി.
വിദേശ ശക്തി നൂറ്റാണ്ടുകൾക്ക് മുൻപ് ആക്രമിച്ചു കീഴടക്കി എന്ന കാരണത്താൽ
ഒരു കൊച്ചു പ്രദേശത്തെ ജനങ്ങൾക്ക് ന്യായായ സംവരണാവകാശങ്ങൾ നിഷേധിക്കാൻ പാടില്ലന്നും കോടതിവിധിയിൽ നിരീക്ഷിച്ചു. ഈ കാരണത്താൽ റാങ്ക് ലിസ്റ്റിൽ ആറാം നമ്പർ കാരനായ ഷിബിൻ സായിക്ക് കല്യാശേരി കെൽട്രോണിൽ ഓപ്പറേറ്ററായി നിയമനം നൽകാനും കെൽട്രോൺ മാനേജിംഗ് ഡയറക്ടറോട് കോടതി ഉത്തരവിട്ടു .
കേരളത്തിലേക്ക് മാറി താമസിക്കുന്ന ഇത്തരം പിന്നോക്ക വിഭാഗത്തിൻ്റെ സംവരണ ആനുകൂല്യങ്ങൾ സംബന്ധിച്ച് വ്യക്തത വരുത്തിക്കൊണ്ട് ഉത്തരവ് പുറപ്പെടുവിക്കുവാൻ കേന്ദ്രസർക്കാരിന് നിർദ്ദേശം നൽകിക്കൊണ്ട് വിധിയിൽ ഉത്തരവിട്ടു.
ദീപ്തം ചേതോഹരം മയ്യഴി മേളം
മാഹി: സർഗ്ഗ ഭാവന പീലി . വിടർത്തിയാടിയ രാപകലുകൾ.. ഇശൽ മഴ പെയ്തിറങ്ങിയ ഒപ്പനയുടെ താളമേളം .. പള്ളൂർ ഗ്രാമത്തിന് ഉത്സവച്ഛായ പകർന്ന പ്രതിഭാ സംഗമം. ലയ ലാസ്യ സമ്മോഹനമായ ദൃശ്യവിരുന്നിന് കണ്ണും കാതും സമർപ്പിച്ച് ഒഴുകിയെത്തിയ ആയിരങ്ങൾ .. യുവജനോത്സവത്തിൻ്റെ ചാരുതയാർന്ന ദൃശ്യങ്ങൾ ..
നിറഞ്ഞു കവിഞ്ഞ ആസ്വാദകരെ സാക്ഷിയാക്കി
'പളളൂർ കസ്തൂർബാ ഗവ: ഹൈസ്കൂളിൽ പ്രൗഢ ഗംഭീരമായ ചടങ്ങിൽമാഹി എം എൽ എ രമേശ് പറമ്പത്ത്മയ്യഴി മേളം സ്കൂൾ കലോത്സവം ഉദ്ഘാടനം ചെയ്തു. സത്യൻ കേളോത്ത് അദ്ധ്യക്ഷത വഹിച്ചു. ആനന്ദ് കുമാർ പറമ്പത്ത്, കെ.കെ.രാജീവ് സംസാരിച്ചു.
കാലിൽ ചിലങ്ക കെട്ടിയ ബാല്യവിസ്മയങ്ങളുടെ സ്വപ്നതുല്യമായ ലാസ്യനടനത്തിൻ്റെ സുവർണ്ണ ദിനം ...കുട്ടികൾ തിമർത്താടിയപ്പോൾ
ആസ്വാദകരുടെ കണ്ണും കാതും കുളിർത്തു.
മയ്യഴിയിലെ 33 ഓളം സർക്കാർ - സ്വകാര്യ വിദ്യാലയങ്ങളെ പങ്കെടുപ്പിച്ച് പള്ളൂർ കസ്തൂർബാ ഗാന്ധി ഗവ: ഹയർസെക്കൻഡറി സ്കൂളിലെ വീറും വാശിയും തുടിച്ചു നിന്നനാല് വേദികളിലായാണ് മത്സരങ്ങൾ നടക്കുന്നത്. : സംഗീതം, ലളിതഗാനം മോണോ ആക്ട്, പദ്യം ചൊല്ലൽ, സിനിമാറ്റിക്ക് ഡാൻസ്, കരോക്കെ ഗാനം, ലാഫ് & ക്രൈ, മാപ്പിളപ്പാട്ട്, ഒപ്പന, സംഘഗാനം, ദേശഭക്തി ഗാനം, ആംഗ്യപ്പാട്ട്, കഥാകഥനം ഉൾപ്പെടെ പ്രീ പ്രൈമറി തലം മുതൽ . ഹയർ സെക്കണ്ടറി തലം വരെയുള്ള 6 വിഭാഗങ്ങളിലായി 72 ഓളം ഇനങ്ങളിൽ 2000 ത്തിൽ പരം വിദ്യാർത്ഥികൾ പങ്കെടുക്കുന്നുണ്ട്. ഓരോ വിഭാഗത്തിലും കൂടുതൽ പോയന്റ് നേടുന്ന സ്കൂളിന് ചാമ്പ്യൻഷിപ്പും കുട്ടികൾക്ക് കലാതിലകം, കലാപ്രതിഭ പുരസ്ക്കാരവും ഉണ്ടായിരിക്കും. മേള ഇന്ന് വൈകിട്ട് 5 മണിക്ക് സമാപിക്കും..
മയ്യഴി ഫുട്ബാൾ 2026 ഫ്രിബ്രവരിയിൽ
മാഹി : മാഹി സ്പോർട്സ് ക്ലബ്ബ് സംഘടിപ്പിക്കുന്ന നാൽപ്പത്തി രണ്ടാമത് അഖിലേന്ത്യാ സെവൻസ് ഫുട്ബാൾ ടൂർണ്ണമെൻറ് - 2026 മയ്യഴി മൈതാനത്ത് റിപ്പബ്ലിക്ക് ദിനത്തിനു ശേഷം ഫിബ്രവരിയിൽ നടത്താൻ മാഹി സ്പോർട്സ് ക്ലബ്ബ് ലൈബ്രറി ഹാളിൽ ചേർന്ന ടൂർണ്ണമെൻറ് ജനറൽ ബോഡി യോഗം തീരുമാനിച്ചു.
മയ്യഴി മൈതാനം കളികൾക്കല്ലാതെ മറ്റ് ആവശ്യങ്ങൾക്ക് ഉപയോഗിച്ചാൽ അവ പൂർവ്വസ്ഥിതിയിലാക്കാത്ത ബന്ധപ്പെട്ടവരുടെ അനാസ്ഥയെ യോഗം കുറ്റപ്പെടുത്തുകയും ചെയ്തു.
നാൽപ്പത്തി രണ്ടാമത് അഖിലേന്ത്യാ സെവൻസ് ഫുട്ബാൾ ടൂർണ്ണമെൻറ് ചെയർമാനായി അനിൽ വിലങ്ങിലിനേയും ജനറൽ കൺവീനറായി കെ.സി. നികിലേഷിനെയും തിരഞ്ഞെടുത്തു.
മാഹി സ്പോർട്സ് ക്ലബ്ബ് പ്രസിഡൻ്റ് കെ.സി. നികിലേഷ് അദ്ധ്യക്ഷത വഹിച്ചു. ക്ലബ്ബ് സിക്രട്ടറി അടിയേരി സ്വാഗതവും പറഞ്ഞ ചടങ്ങിൽ മനോഹരൻ അടിയേരി, ചന്ദ്രൻ ചേനോത്ത്, പി.എ.പ്രദീപ് കുമാർ, വിനയൻ പുത്തലം, എ.കെ.മോഹനൻ,, ശശിധരൻ.പി സി എച്ച്, ശ്രീകുമാർ ഭാനു, ഗിരീഷ് ,അജയൻ ഉഷസ്സ് എന്നിവർ സംസാരിച്ചു. ജോയൻ്റ് സിക്രട്ടറി സതീശൻ നന്ദി പറഞ്ഞു.
സി.ശാന്ത നിര്യാതയായി
മാഹി :സെമിത്തേരിറോഡിൽ കോ - ഓപ്പററ്റീവ് കോളേജീന് പിൻവശം സി.കെ. ജി ഹൗസിൽ സി.ശാന്ത (80) നിര്യാതയായി പരേതനായ സി.കെ ഗോപാലൻ്റെ ഭാര്യയാണ് . മക്കൾ : വത്സരാജ് (വ്യാപാരി മാഹി) സുമ ടീച്ചർ (പെരിരുത്തൂർ ) വിജേഷ് (വ്യാപാരി മുബൈ) മരുമക്കൾ : വിനീത , നമ്മി പരേതനായ മോഹൻ സംസ്കാരം: ഇന്ന് വൈകുന്നേരം 4 മണിക്ക് ഒളവിലം മീത്തലെ .ഒതയോത്ത് തറവാട്ട് വളപ്പിൽ
പ്രകൃതി സൗഹൃദ ജീവിതവും ആരാധനയും
ശ്രീനാരായണ ദർശനങ്ങളുടെ കാതൽ,
സന്തോഷ് ഇല്ലോളിൽ
തലശ്ശേരി. ലോകം ശ്രീ നാരായണ ഗുരു ദർശ്ശനങ്ങളെ ഉറ്റുനോക്കുന്നതിന്റെ മുഖ്യ കാരണം അവ പ്രകൃതി സൗഹൃദപരം എന്നതിനാലാണ്. പാരിസ്ഥിതിക പ്രശ്നങ്ങൾ മനുഷ്യ വംശത്തിന് തന്നെ
വെല്ലുവിളിയാവുമ്പോൾ ഗുരുദർശനങ്ങളിലെ പ്രകൃതി ആരാധന ക്രമത്തിന് പ്രധാന്യമേറുന്നു. ഗുരുദർശനങ്ങളെ ഉൾകൊണ്ട്
പ്രകൃതിക്ക് ഇണങ്ങുന്ന ജീവിത രീതികളിലേക്ക് നാം മടങ്ങേണ്ടത് കാലത്തിന്റെ അനിവാര്യതയാണെന്ന്
ജഗനാഥ ക്ഷേത്രത്തിൽ പ്രഭാഷണം നടത്തവേ ഗുരു ചിന്തകനും പ്രഭാഷകനുമായ സന്തോഷ് ഇല്ലോളിൽ അഭിപ്രായപ്പെട്ടു. പ്രകൃതി തന്നെയാണ് ദൈവമെന്നും
മൂല്യാധിഷ്ഠിത ജീവിതചര്യയിലൂടെ ആർക്കും ദൈവ സമാനനായി ഉയരാനാവുമെന്നുള്ള ഗുരു ചിന്ത ഒരിക്കലും കാലഹരണപ്പെട്ടിലെന്നും
ഇല്ലോളിൽ പറഞ്ഞു.
സമ്മേളനത്തിൽ ജ്ഞാനോദയ
യോഗം പ്രസിഡണ്ട്
അഡ്വ.കെ.സത്യൻ അധ്യക്ഷത വഹിച്ചു. ടി.സി ദിലീപ് സ്വാഗതവും രാജീവൻ മാടപ്പീടിക നന്ദിയും പറഞ്ഞു.
ശ്രീനാരായണീയ ദർശനങ്ങൾ പ്രായോഗികമാക്കുന്ന പദ്ധതിക്ക് പൂവ്വത്തൂർ ശ്രീ മഹാവിഷ്ണു ക്ഷേത്രത്തിൽ തുടക്കമായി
ചെറുവാഞ്ചേരി പൂവ്വത്തൂർ മഹാവിഷ്ണു ക്ഷേത്രത്തിൽ ചുറ്റുമതിൽ,ഗ്രസ്ഥാലയം, ഔഷധോദ്യാനം, ഭജനമണ്ഡപം നിർമ്മാണങ്ങളുടെ തറക്കല്ലിടലും പ്രവർത്തി ഉദ്ഘാടനവും ചിൻമയാമിഷൻ, സ്വാമി തത്വാനന്ദ സരസ്വതി നിർവ്വഹിച്ചു. തുടർന്ന് നടന്ന സാംസ്കാരിക കൂട്ടായ്മ സ്വാമി പ്രേമാനന്ദ ശിവഗിരി മഠം ഉദ്ഘാടനം ചെയ്തു. ക്ഷേത്ര കമ്മിറ്റി ചെയർമാൻ സന്തോഷ് ഇല്ലാളിൽ ചടങ്ങിൽ അധ്യക്ഷം വഹിച്ചു. ആധ്യാത്മിക പുസ്തകങ്ങൾ പുതിയ തലമുറയെ പരിചയപ്പെടുത്തുന്നതിന് കെ.പി ദാമോദരൻ മാസ്റ്റർ സ്മാരക ശ്രീനാരായണിയ
റഫറൽലൈബ്രറിയാണ് സ്ഥാപിക്കുന്നത്. ശ്രീനാരായണിയ ദർശനങ്ങളിൽ ഗവേഷണം നടത്താൻ ആഗ്രഹിക്കുന്ന വർക്ക് വിപുലമായ സൗകര്യങ്ങൾ ഒരുക്കും. ഔഷധ സസ്യങ്ങൾ കാണാനും കാര്യങ്ങൾ പഠിക്കാനും അവസരമൊരുക്കും. കലാപരിപാടികളുടെ പ്രാത്സാഹനം ലക്ഷ്യമിട്ട് ആധുനിക സൗകര്യങ്ങളുള്ള സ്റ്റേജും ഭജന മണ്ഡപവുമുൾപ്പെടെ സഞ്ജമാക്കും. ഒരേക്കറോളം വരുന്ന സ്ഥലത്താണ് പദ്ധതി നടപ്പാക്കുന്നത്. ആരാധനക്കും, വായനക്കും വിശ്രമത്തിനും മികച്ച ഇടം തീർക്കുകയാണ് പ്രോജക്റ്റിന്റെ ലക്ഷ്യം.
നാടിന്റെ സാംസ്കാരിക വളർച്ചക്ക് ആക്കം കൂട്ടുന്ന പദ്ധതി അനുകരണിയമാണെന്ന് സ്വാമി തത്വാനന്ദ അഭിപ്രായപ്പെട്ടു. ശ്രീ നാരായണിയ ഗ്രന്ഥങ്ങളുടെ പഠനം പുതു തലമുറക്ക് ദിശാബോധം നൽകുമെന്ന് സ്വാമി പ്രേമാനന്ദ ചൂണ്ടിക്കാട്ടി.പ്രദേശത്തെ സ്ഥാനാർത്ഥികളുടെ സംഗമ വേദിയായി കൂട്ടായ്മ മാറിയത് വേറിട്ട കാഴ്ചയായി. സ്ഥാനാർത്ഥികൾ വികസന സ്വപ്നങ്ങൾ പങ്കുവച്ചു. പ്രസിഡണ്ട് പി. മനോജ് കുമാർ, ചോയൻ ബാലകൃഷ്ണൻ, കെ.കെ കുമാരൻ, ബാബു കുറുങ്ങാട്ട്, ജയൻ ചെട്ട്യാൻ , കെ. ലോഹിതാക്ഷൻ, ടി.ദാമോദരൻ, ഹൈമജ കോട്ടായി, സി.വി അരവിന്ദ്, ശ്രീധരൻ വൈദ്യർ , കെ.കൃഷ്ണൻ , ടി.രാഘവൻ
തുടങ്ങിയവർ സംസാരിച്ചു.
കാലത്ത് പൂവ്വത്തൂർ ശ്രീ നാരായണ മഠത്തിൽ ഭാരവാഹികളും നാട്ടുകാരും ചേർന്ന് സ്വാമിമാർക്ക് ഉജ്വല സ്വീകരണം നൽകി. വിവിധ ക്ഷേത്രങ്ങളിലെ
മാതൃ സമിതികൾ ചേർന്ന് ലളിതാ സഹസ്രനാമാർച്ചന നടത്തി. മാതൃ സമിതി ഭാരവാഹികളായ എം.പി രസിത, കെ.കെ ശൈലജ, വി.കെ ചന്ദ്രി, വി. രചന തുടങ്ങിയവർ നേതൃത്വം നൽകി.
പൂവ്വത്തൂർ ശ്രീമഹാവിഷ്ണു ക്ഷേത്രത്തിൽ ശ്രീനാരാണീയ റഫറൽ ലൈബ്രറിക്ക് തറക്കല്ലിട്ട് , വിവിധ പദ്ധതികളുടെ ഉദ്ഘാടനം നിർവ്വഹിച്ച് സ്വാമി തത്വാനന്ദ സരസ്വതി സംസാരിക്കുന്നു.
പി.വി.ശശിധരൻ നിര്യതനായി.
മാഹി മെയിൻറോഡിൽ പ്ലാസ സെയിൽസിനു സമീപം പാലത്തായി വളപ്പിൽ പരേതരായ ഗോപാലൻ ആശാരിയുടെയും ലക്ഷമിയുടെയും മകൻ ശശിധരൻ എന്ന രവീന്ദ്രൻ (69) നിര്യതനായി.
ഭാര്യ: ചിത്ര.
മക്കൾ സുരഭി (സോഫ്റ്റ്വെയർ എൻജിനിയർ ബാംഗ്ലൂർ) ശ്രുതി (ഡാറ്റാ എനലിസ്റ്റ് ബാംഗ്ലൂർ)വരുൺ (മെക്കാനിക്കൽ എൻജിനീയർ ബാംഗ്ലൂർ) എന്നിവർ. സഹോദരങ്ങൾ ശ്യാമള (പരപ്പനങ്ങാടി) ലളിത (കൊടുവള്ളി) ഷീല (ബാംഗ്ലൂർ) രാഗിണി ( ബാംഗ്ലൂർ) ശിവദ (പൊന്ന്യം) പ്രേമൻ, പുഷ്പ (പാനുർ ) ലീല ( വള്ളച്ചാൽ) പരേതയായ വസന്ത.
സംസ്കാരം ഞായർ പകൽ 12ന് മാഹി പൊതു ശ്മശാനത്തിൽ
അത്ലലറ്റിക് അസോസിയേഷൻ
അസ്മിത മീറ്റ് സംഘടിപ്പിച്ചു
മാഹി : സായി, ഖേലോ ഇന്ത്യ , മിനിസ്റ്ററി ഓഫ് യൂത്ത് അഫെയർസ് ഇന്ത്യ, പുതുചേരി അത്ലറ്റിക് അസോസിയേഷൻ എന്നിവയുടെ ആഭിമുഖ്യത്തിൽമാഹിഡിസ്ട്രിക്ട് അതിലറ്റിക് അസോസിയേഷൻ അസ്മിത മീറ്റ് സംഘടിപ്പിച്ചു.
പന്തക്കൽ പിഎംശ്രീ ഐ.കെ. കുമാരൻ ഗവ. ഹയർ സെക്കഡറി ഗ്രൗണ്ടിൽ പെൺകുട്ടിക്കായി നടത്തിയ ടാലെന്റ് ഐഡന്റിഫക്കേഷൻ മീറ്റ് ബാഡ്മിന്റൺ കോച്ചും കായികാധ്യാപകനുമായ കെ പി ഷാജി ഉത്ഘടനം ചെയ്തു. അസോസിയേഷൻ സെക്രട്ടറി പി പി അനീഷ് അധ്യക്ഷത വഹിച്ചു.
അസോസിയേഷൻ ജോ. സെക്രട്ടറി ശരൺ മോഹൻ സ്വാഗതവും മുഹമ്മദ് ഷഹീർ. നന്ദിയും പറഞ്ഞു
10 ഇവന്റുകളിലായി 60ഓളം പെൺകുട്ടികൾ മത്സരിച്ചു. സമീറ,റോഷിത്,റുബീസ്, മുഹമ്മദ് ഫലാഹ് എന്നിവർ നേതൃത്വം നൽകി
മയ്യഴി മേളം കലോത്സവവേദിയിൽ ടി.കെ. ഗോപിനാഥൻ മാസ്റ്റർ ഒരുക്കിയ ഫോട്ടോ പ്രദർശനം
വന്യജീവി ഫോട്ടോഗ്രാഫർ
അസീസ് മാഹി ഉദ്ഘാടനം ചെയ്യുന്നു.
ഏ.പി. സുനിലിൻ്റെ നിര്യാണത്തിൽ കായിക താരങ്ങളും,സംഘടനകളും അനുശോചിച്ചു
തലശ്ശേരി : രണ്ട് തവണ സംസ്ഥാന സീനിയർ ഹോക്കി ടീം ക്യാപ്ടനായും , നിരവധി വർഷങ്ങൾ കണ്ണൂർ ജില്ലാ ഹോക്കി
അസോസിയേഷൻസെക്രട്ടിയായും പ്രവർത്തിച്ച്,ഹോക്കികളിയെ കണ്ണൂർജില്ലയിൽ ജന പ്രീതിയുള്ളഗെയിമാക്കി മാറ്റാൻ ആത്മാർത്ഥമായി പ്രവർത്തിച്ചിരുന്ന, കഴിഞ്ഞദിവസം അന്തരിച്ച ഏ.പി.
സുനിലിൻ്റെ ആകസ്മികനിര്യാണത്തിൽ തലശ്ശേരി സ്റ്റേഡിയം പരിസരത്ത്ചേർന്ന കായിക താരങ്ങളുടെയും , വിവിധ കായിക
സംഘടനകളുടെയും യോഗം അനുശോചനം രേഖപ്പെടുത്തി .കണ്ണൂർജില്ലാ ഹോക്കി അസോസിയേഷൻ സെക്രട്ടറി കെ.വി.
ഗോകുൽദാസ് അദ്ധ്യക്ഷതവഹിച്ചു .തലശ്ശേരി നഗരസഭാ മുൻ.ചെയർമാനും ,മുൻകാല ക്രിക്കറ്റ് താരവു
മായിരുന്ന എം.വി.മുഹമ്മദ് സലീം മുഖ്യ ഭാഷണം നടത്തി. തലശ്ശേരി സെൻ്റ്. ജോസഫ്സ് സ്കൂളിൽ A.P.സുനിലിൻ്റെ കായിക അധ്യാപകനായിരുന്ന
കെ.ജെ.ജോൺസൺമാസ്റ്റർ , കണ്ണൂർ ജില്ലാ
ഹോക്കി അസോസിയേഷൻ വൈസ് പ്രസിഡൻ്റ്.കെ. ശ്രീധരൻ മാസ്റ്റർ - പാതിരിയാട് , ട്രഷററർ തഫ്ലീം മാണിയാട്ട് , മുൻ. കേരളാ സീനിയർ ഹോക്കി താരവും ,മുൻ.രഞ്ജി ക്രിക്കറ്റ് താരവുമായ
എം.പി. നിസാമുദ്ദീൻ ,കണ്ണൂർ കാനത്തൂർ ഡൈനാമിറ്റ്സ് ക്ലബ്ബ്
സെക്രട്ടറി കെ.നന്ദകുമാർ,തലശ്ശേരി വെറ്ററൻസ് സ്പോർട്സ് അസോസി
യേഷൻ (ഫ്ലാഷ് ബാക്ക്)
.ഒ.വി.മുഹമ്മദ്റഫീഖ്,സെക്രട്ടറി സി.ടി.കെഅഫ്സൽ , കാലിക്കറ്റ്
യൂണിവേഴ്സിറ്റി മുൻ .ക്രിക്കറ്റ് താരം കെ.എ.നൗഷർ , കണ്ണൂർ ജില്ലാക്രിക്കറ്റ് പരിശീലകൻ ഏ.പി.വിനയൻ,സാഹിർ കാത്താണ്ടി,എം.മുഷ്താഖ് തച്ചറക്കൽ സാക്കിർ , എം.നിഷാന്ത് (കേരളാ ഹോക്കിടീം മുൻ.ക്യാപ്ടൻ) , കാലിക്കറ്റ് യൂണിവേഴ്സിറ്റിമുൻ.ഹോക്കി ഗോൾ കീപ്പർ
വിപിൻ (ശങ്കുണ്ണി സൺസ്) എ.സജിത് മാസ്റ്റർ,എൻ.പി. മുസ്തഫ സംസാരിച്ചു.
നിവേദനം നൽകി
തലശ്ശേരി:കൊട്ടിയൂർ ഉത്സവ നാളുകളിൽ തലശ്ശേരിയിൽ ഫെസ്റ്റിവൽ സ്റ്റോപ്പ് അനുവദിച്ച16355/16356
അന്ത്യോദയ എക്പ്രസ്സിനും,12201/12202 KCVL -LTT ഗരീബ് രഥ് എക്പ്രസ്സിനും,വന്ദേ ഭാരതിനും സ്റ്റോപ്പ് അനുവദിക്കുക,സ്റ്റേഷനിൽ ഐലൻഡ് പ്ളാറ്റ്ഫോം നിർമ്മിക്കുക, ബർത്തിങ്ങ് സൗകര്യങ്ങൾ കൂട്ടുക, റിട്ടയറിങ്ങ് മുറികളും ഡോർമിറ്ററിയും നിർമ്മിക്കുക തുടങ്ങി സ്റ്റേഷൻ അഭിമുഖീകരിക്കുന്ന അടിസ്ഥാന പ്രശ്നങ്ങൾ പരിഹരിക്കണമെന്നാവശ്യപ്പെടുകയും, റെയിൽവേ മന്ത്രാലയം തലശ്ശേരിയിൽ സ്റ്റോപ്പ് അനുവദിച്ച് കോഴിക്കോട് വരെ നീട്ടിയ 10511/ 10512 ബംഗ്ളൂരു കണ്ണൂർ എക്സ്പ്രസ്സ് ഉടൻ സർവ്വിസ് ആരംഭിക്കുക. സർവ്വേയിൽ കുടുങ്ങി കിടക്കുന്ന തലശ്ശേരി-മൈസൂർ റെയിൽ പാതയ്ക്ക് പച്ചക്കൊടി കാട്ടുക തുടങ്ങിയ ആവശ്യങ്ങളും ഉന്നയിച്ച് റെയിൽവേ പാസ്സഞ്ചേഴ്സ് അസോസിയേഷൻ ഭാരവാഹികളായ ശശികുമാർ കല്ലിഡുംബിൽ,ഗിരീഷ് കുമാർ മക്രേരി എന്നിവർ ബി.ജെ.പി സംസ്ഥാന പ്രസിഡണ്ട് .രാജീവ് ചന്ദ്രശേഖറിനെ നേരിട്ട് കണ്ട് നിവേദനം നൽകി
ചിത്രവിവരണം: റെയിൽവേ പാസ്സഞ്ചേഴ്സ് അസോസിയേഷൻ ഭാരവാഹികൾ രാജീവ് ചന്ദ്രശേഖറിന് നിവേദനം നൽകുന്നു
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്ത് ജോയിൻ ചെയ്താലും .
Join WhatsApp Group



















