മാഹി മേഖല ശാസ്ത്രമേള സമാപിച്ചു

മയ്യഴി മേളം: സ്കൂൾ കലോത്സവം

ഇന്ന് തുടങ്ങും

മാഹി: മയ്യഴിയിലെ 33 ഓളം സർക്കാർ - സ്വകാര്യ വിദ്യാലയങ്ങളെ പങ്കെടുപ്പിച്ച് പള്ളൂർ പ്രിയദർശിനി യുവകേന്ദ്ര സംഘടിപ്പിക്കുന്ന സ്കൂൾ കലോത്സവമായ മയ്യഴി മേളം സീസൺ - 6 നവംബർ 29, 30 തീയ്യതികളിൽ പള്ളൂർ കസ്തൂർബാ ഗാന്ധി ഗവ.ഹൈസ്കൂളിലെ

4 വേദികളിലായി നടക്കുമെന്ന് സംഘാടകസമിതി ചെയർമാൻ ആനന്ദ് കുമാർ പറമ്പത്ത് അറിയിച്ചു. നവംബർ 29 ന് നടക്കുന്ന സ്‌റ്റേജിന കലോത്സവ മത്സരങ്ങളുടെ ഉദ്ഘാടനം രാവിലെ 9 മണിക്ക് രമേശ് പറമ്പത്ത് എം.എൽ.എ ഭദ്രദീപം കൊളുത്തി നിർവ്വഹിക്കും. ഫോട്ടോഗ്രാഫറും ചിത്രകാരനുമായ ടി.കെ. ഗോപിനാഥൻ മാസ്റ്ററുടെ ഫോട്ടോ പ്രദർശനം വന്യജീവി ഫോട്ടോ ഗ്രാഫർ അസീസ് മാഹി ഉദ്ഘാടനം ചെയ്യും. നവംബർ 30 ന് വൈകുന്നേരം 6 മണിക്ക് നടക്കുന്ന സമാപന സമ്മേളന ഉദ്ഘാടനവും സമ്മാനദാനവും പുതുച്ചേരി മുൻ അഭ്യന്തര മന്ത്രി ഇ.വത്സരാജ് നിർവ്വഹിക്കും. മാഹി പള്ളി റെക്ടർ റവ. ഫാ. സെബാസ്റ്റ്യൻ കാരക്കാട്ട്, മാഹി സി.ഇ.ഒ തനൂജ.എം.എം എന്നിവർ വിശിഷ്ടാഥികളായിരിക്കും. രണ്ടു ദിവസങ്ങളിലായി തിരുവാതിര, നാടോടി നൃത്തം, നാടൻ പാട്ട്, ഭരതനാട്യം, പ്രഛന്ന വേഷം, ശാസ്ത്രീയ സംഗീതം, ലളിതഗാനം മോണോ ആക്ട്, പദ്യം ചൊല്ലൽ, സിനിമാറ്റിക്ക് ഡാൻസ്, കരോക്കെ ഗാനം, ലാഫ് & ക്രൈ, മാപ്പിളപ്പാട്ട്, ഒപ്പന, സംഘഗാനം, ദേശഭക്തി ഗാനം, ആംഗ്യപ്പാട്ട്, കഥാകഥനം ഉൾപ്പെടെ പ്രീ പ്രൈമറി തലം മുതൽ ഹയർ സെക്കണ്ടറി തലം വരെയുള്ള 6 വിഭാഗങ്ങളിലായി 72 ഓളം ഇനങ്ങളിൽ 2000 ത്തിൽ പരം വിദ്യാർത്ഥികൾ പങ്കെടുക്കുന്നുണ്ട്. ഓരോ വിഭാഗത്തിലും കൂടുതൽ പോയന്റ് നേടുന്ന സ്കൂളിന് ചാമ്പ്യൻഷിപ്പും കുട്ടികൾക്ക് കലാതിലകം, കലാപ്രതിഭ പുരസ്ക്കാരവും ഉണ്ടായിരിക്കുമെന്ന്

വാർത്ത സമ്മേളനത്തിൽ സംഘാടക സമിതി ഭാരവാഹികളായ സത്യൻ കോളോത്ത്, കെ.കെ.രാജീവ്, ഡോ..കെ. ചന്ദ്രൻ, കെ.വി.ഹരീന്ദ്രൻ, അലി അക്ബർ ഹാഷിം, എം.എ.കൃഷ്ണൻ, കെ.വി.സന്ദീവ് എന്നിവർ അറിയിച്ചു.

ഐ.കെ.കുമാരൻ മാസ്റ്റരുടെ സഹോദരി പത്മിനി

മാഹി: വിമോചന സമര നായകൻ ഐ കെ കുമാരൻ മാസ്റ്റരുടെ ജേഷ്ഠന്റെ മകൾ സി കെ പത്മിനി (86) നിര്യാതയായി.

ഫ്രഷേർസ് ഡേ സംഘടിപ്പിച്ചു

മാഹി:മദർ തെരേസാ പോസ്റ്റ് ഗ്രാഡ്വേറ്റ് ആൻ്റ് റിസർച്ച് ഇൻസ്റ്റിറ്റ്യൂട്ട് ഓഫ് ഹെൽത്ത് സയൻസ് മാഹി നഴസിങ്ങ് കോളേജിലെ ആദ്യ ബാച്ചിലെ വിദ്യാർത്ഥികൾ വിവിധ പരിപാടികളോടെ 'ഫ്രഷേഴ്‌സ് ഡേ' നടത്തി.മാഹി സിവിൽ സ്റ്റേഷൻ ഓഡിറ്റോറിയത്തിൽ നടന്ന ചടങ്ങ് റീജ്യണൽ അഡ്മിനിസ്ട്രേറ്റർ ഡി.മോഹൻ കുമാറിൻ്റെ അദ്ധ്യയിതയിൽ മാഹി എം.എൽ.എ.രമേഷ് പറമ്പത്ത് ഉദ്ഘാടനം ചെയ്തു. നഴ്സിങ് കോളേജ് നോഡൽ ഓഫീസർ ഡോ.ഇ.പ്രമീള മുഖ്യഭാഷണം നടത്തി. മാഹി ആശുപത്രി അസിസ്റ്റൻ്റ് സയറക്ടർ ഡോ.പി. പി.ബിജു, പി. പി.രാജേഷ്, വിദ്യ, ശില്പ സംസാരിച്ചു. വി.ആര്യ സ്വാഗതവും രോഹിത്ത് നന്ദിയും പറഞ്ഞു. ചടങ്ങിൽ പി. പി.രാജേഷ്,സന്തോഷ് കുമാർ, പി. പി.പത്‌മേഷ്,പ്രജീഷ്, ശ്രീജ എന്നിവരെ ആദരിച്ചു. തുടർന്ന് വിച്ചാർത്ഥികളുടെ വിവിധ കലാപരിപടികൾ അരങ്ങേറി

ചിത്ര വിവരണം: രമേശ് പറമ്പത്ത് എംഎൽ.എ ഉദ്ഘാടനം ചെയ്യുന്നു

ന്യൂ മാഹി പഞ്ചായത്ത് തെരഞ്ഞെടുപ്പ് പ്രകടന പത്രിക പ്രകാശനം

ന്യൂമാഹി : ഇടത്പക്ഷ ജനാധിപത്യ മുന്നണി ന്യൂ മാഹി പഞ്ചായത്ത് തെരഞ്ഞെടുപ്പ് പ്രകടന പത്രിക പ്രകാശനം സി പി ഐ എം ജില്ലാ സെക്രട്ടറിയേറ്റ് മെമ്പർ കാരായി രാജൻ താഹിർ കൊമോത്തിന് നൽകി നിർവഹിച്ചു. കെ സി ബുദ്ധദാസ് അധ്യക്ഷത വഹിച്ചു. കെ ജയപ്രകാശൻ സംസാരിച്ചു.

നകുലൻ നിര്യാതനായി

മാഹി :വളവിൽ അയ്യപ്പ ക്ഷേത്രത്തിന്

സമീപം പുഷ്പരാജ് നിവാസിൽ പരേതനായ ശ്രീധരൻ- ദാക്ഷായണി ദമ്പതികളുടെ മകൻ നകുലൻ -തമ്പി - 50, നിര്യാതനായി

ഭാര്യ: പ്രജിതമക്കൾ: നവ്യ , തുഷാർ

സഹോദരങ്ങൾ. സുനിൽ, സുഷമ ,ലത,

മഹിജ ശവസംസ്കാരം ഇന്ന് 29 ന് പകൽ 11 മണിക്ക് പൂഴിത്തല സമുദായ ശ്മശാനത്തിൽ നടക്കും

ഷീജാ ശിവദാസിനെ കവിയൂർ മഠം ആദരിച്ചു.

ന്യൂമാഹി.ബി.എസ്.എസ്. ദേശീയ അവാർഡ് ജേതാവ് പ്രശസ്ത നർത്തകി ഷിജാ ശിവദാസിനെ കവിയൂർ ശ്രീനാരായണ മഠം ആദരിച്ചു.

അഡ്വ. പി.കെ.രവീന്ദ്രന്റെ അദ്ധ്യക്ഷതയിൽഎം.ഹരീന്ദ്രൻ മാസ്റ്റർ ഉദ്ഘാടനംചെയ്തു. ചാലക്കര പുരുഷു സംസാരിച്ചു. ഷിജ ശിവദാസ് മറുഭാഷണം നടത്തി. ലിസ ദീപക് സ്വാഗതവും, നിമ ശ്രീജിത്ത് നന്ദിയും പറഞ്ഞു.അദിബ് കെ.പി. ഗാനങ്ങളാലപിച്ചു. നൃത്ത പരിപാടികൾ അരങ്ങേറി.

ചിത്രവിവരണം: എം.ഹരിന്ദ്രൻ മാസ്റ്റർ നർത്തകി ഷീജാ ശിവദാസിന് ഉപഹാരം കൈമാറുന്നു

ചിത്രകലയിലെ

ശാസ്ത്രകൗതുകം 

മാഹി: മയ്യഴിമേഖലാ ശാസ്ത്രമേളയിൽ ചിത്രകലയുടെ അനന്തസാധ്യതകളുമായി വി.എൻ. പുരുഷോത്തമൻ ഗവ:ഹയർ സെക്കണ്ടറി സ്ക്കൂളിലെ ചിത്ര കലാദ്ധ്യാപകൻ ടി.എം സജീവൻ ഒന്നാം സമ്മാനം കരസ്ഥമാക്കി.

 അധ്യാപകരുടെ ടീച്ചിംഗ് എയ്ഡ്സ് എക്സിബിറ്റിൽ ചിത്രകലയുടെ സങ്കേതിക രീതികൾ, വിവിധ മാധ്യമങ്ങൾ ഉപയോഗിച്ചുള്ള ചിത്രരചനകൾ, ഗോൾഡൺ റേഷ്യോ ഫിബനോച്ചി,സീക്വെൻസ് ,ലോക പ്രശസ്ത ചിത്രകാരന്മാരേയും ചിത്രങ്ങളെയും പരിചയപ്പെടുത്തൽ, കണക്കിൻ്റെ ൻ്റെയും കലയുടെയും സങ്കലനങ്ങൾ, ഇന്ത്യയുടെ വിവിധ ഭാഗങ്ങൾ സന്ദർശിച്ചതിൻ്റെ നേർക്കാഴ്ചകൾഒപ്പിയെടുത്ത യാത്രാചിത്രങ്ങളുടെ സീരീസ് തുടങ്ങി ദൃശ്യകലയുടെ മാസ്മരിക ലോകം തന്നെ കുട്ടികൾക്ക് മുന്നിൽ തുറന്നിട്ടു . ഓരോ ദേശത്തിൻ്റെ പ്രത്യേകതയുള്ള വർളി പെയിൻറിംഗ്, മധുബനി പെയിൻറിംഗ് , രാജസ്ഥാനി മിനിയേച്ചർ പെയിൻറിംഗ്, തുടങ്ങി വാട്ടർ കളറിലും അക്രിലിക്കിലും പെൻസിൽ സ്കെച്ചിലും വരച്ച ചിത്രങ്ങൾ എന്നിവ കലാവൈഭവം വിളിച്ചോതുന്ന തായിരുന്നു. പോർട്രെയിറ്റുകൾ,ചിത്രകലയിലെ ഗണിത ശാസ്ത്രം, മനുഷ്യ ശരിരത്തിൻ്റെ രൂപകല്പനയിൽ ജ്യാമിതിയതയുടെ തത്വങ്ങൾ, തുടങ്ങിയ ദൃശ്യകലാവിരുന്ന്പ്രത്യേക ശ്രദ്ധയാകർഷിച്ചു

യുഡിഎഫ് കുടുംബസംഗമം 

കോടിയേരി യുഡിഎഫ് കോടിയേരി മേഖല കുടുംബ സംഗമം കല്ലിൽ താഴെയിൽ മുൻ എംപി കെ പി സി സി വൈസ് പ്രസിഡണ്ട് കുമാരി രമ്യ ഹരിദാസ് ഉദ്ഘാടനം ചെയ്തു ചെയർമാൻ കെ ഖാലിദ് മാസ്റ്റർ അധ്യക്ഷത വഹിച്ചു വി രാധാകൃഷ്ണൻ മാസ്റ്റർ മുഖ്യ പ്രഭാഷണം നടത്തി അഡ്വ.സി ടി സജിത്ത്, വി സി പ്രസാദ്, കെ ശശിധരൻ മാസ്റ്റർ, വി ദിവാകരൻ മാസ്റ്റർ, പി കെ രാജേന്ദ്രൻ, സന്ദീപ് കോടിയേരി, സി പി പ്രസീബാബു,, വിജയകൃഷ്ണൻ, കുഞ്ഞി മൂസ, പി ദിനേശൻ, ടി എം പവിത്രൻ, ഷീബ പ്രസീൽബാബു, റഷീദ് തലായി തുടങ്ങിയവർ സംസാരിച്ചു

എ.പി. സുനിൽ നിര്യാതനായി

തലശ്ശേരി:പാലിശ്ശേരി നളിനാലയം വീട്ടിൽ എ. പി സുനിൽ(69) നിര്യാതനായി. റിട്ട.ഫുഡ്‌ കോഓപ്പറേഷൻ ഓഫ് ഇന്ത്യ മാനേജറും മുൻ കേരള ഹോക്കി ക്യാപ്റ്റൻ ആയിരുന്നു.കണ്ണൂർ ജില്ല ഹോക്കി സെക്രട്ടറി ആയി ദീർഘാകാലം പ്രവർത്തിച്ചിട്ടുണ്ട്. ഭാര്യ:കെ പി ഇന്ദിര, മക്കൾ : സായുജ്, സായന്ത്.മരുമകൾ :ഹർഷ സഹോദരങ്ങൾ : നളിനി(പരേത) ശോഭ(പരേത ), ദയാനന്ദൻ, ടി പി. സുരേഷ്, സതീശൻ ടി പി, അഡ്വ: രഞ്ജിത്, ലത എ പി, സ്മിത എ പി.

ചെമ്പ്ര സുബ്രഹ്മണ്യ ക്ഷേത്രത്തിൽ കാർത്തിക ഉത്സവത്തിന് കൊടിയേറി

മാഹി: ചെമ്പ്ര സുബ്രഹ്മണ്യസ്വാമി ക്ഷേത്രത്തിൽ കാർത്തിക ഉത്സവത്തിന് വെള്ളിയാഴ്ച രാത്രി കൊടിയേറി. തിരുവാതിരക്കളി, കൈകൊട്ടിക്കളി എന്നിവയുണ്ടായി. 29 ന് വൈകുന്നേരം അഞ്ചിന് കാഴ്ചശീവേലി, കുന്നിൽ മുകളിലുള്ള ആരൂഢ സ്ഥാനത്ത് ഇറക്കി വെച്ച് പൂജ, ഏഴിന് മുള പൂജ, രാത്രി 9.30 ന് ഗാനമേള, വിവിധ കലാപരിപാടികൾ, 4 ന് രാവിലെ 11ന് കാർത്തികാഭിഷേകം, രാത്രി 8 ന് ഗ്രാമബലി, നഗരപ്രദക്ഷിണം, തുടർന്ന് പള്ളിവേട്ട, 5 ന് രാവിലെ അഞ്ചിന് പള്ളിയുണർത്തൽ, 9.30 ന് യാത്രാ ഹോമം, യാത്രാബലി, ആറാട്ട്, കൊടിയിറക്കം, ഉച്ചക്ക് പ്രസാദ ഊട്ട് എന്നിവയുണ്ടാവും.

ചിത്രവിവരണം: ചെമ്പ്ര ശ്രീ സുബ്രഹ്മണ്യ ക്ഷേത്രത്തിൽ ഉത്സവത്തിന് കൊടിയേറുന്നു