കാലാതിവർത്തിയായ ഗാനങ്ങൾ പിറക്കുന്നില്ല: വി.ടി.മുരളി

കാലാതിവർത്തിയായ ഗാനങ്ങൾ പിറക്കുന്നില്ല: വി.ടി.മുരളി

മാഹി: സംഗീതവും സാഹിത്യവും മധുരിത ശബ്ദത്തിൽ അലിഞ്ഞ് ചേരുമ്പോഴാണ് കാലാതിവർത്തിയായ ഗാനങ്ങൾ പിറക്കുന്നതെന്നും, ചടുല താളത്തിനൊത്ത് സാഹിത്യ സ്പർശമില്ലാത്ത വാക്കുകൾക്ക് സംഗീതം ചമയ്ക്കുന്നത് മഹിതമായ നമ്മുടെ സംഗീതപാരമ്പര്യത്തിന് ക്ഷതമേൽപ്പിക്കുമെന്നും പിന്നണി ഗായകനും സംഗീതജ്ഞനുമായ വി.ടി. മുരളി അഭിപ്രായപ്പെട്ടു.

മാഹി പ്രസ്സ് ക്ലബ്ബും മഹാത്മാ ഗാന്ധി ഗവ: ആർട്സ് കോളജ് മലയാള വിഭാഗവും സംയുക്തമായി സംഘടിപ്പിച്ച ഒരു മാസം നീണ്ടു നിന്ന മാധ്യമ ശിൽപ്പശാലയുടെ സമാപന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പ്രസ്സ് ക്ലബ് പ്രസിഡണ്ട് കെ.വി. ഹരീന്ദ്രൻ അദ്ധ്യക്ഷത വഹിച്ചു. കോളജ് പ്രിൻസിപ്പാൾ ഡോ.കെ.കെ.ശിവദാസ് മുഖ്യഭാഷണം നടത്തി. പ്രോഗ്രാം ഡയറക്ടർ ചാലക്കര പുരുഷു സംസാരിച്ചു.

പി.ടി. മുരളി സർട്ടിഫിക്കറ്റുകൾ വിതരണം ചെയ്തു.

 മലയാള വിഭാഗം മേധാവി ഡോ: ബാബുരാജ് സ്വാഗതവും,

അഭിഷ നന്ദിയും പറഞ്ഞു.

വിവിധ കലാപരിപാടികൾ അരങ്ങേറി. സമ്മാനദാനവുമുണ്ടായി.