തെയ്യങ്ങൾ ചിത്രീകരിക്കുന്നതിന്
നിരോധനം വരുന്നു
മാഹി:തെയ്യക്കാവുകളിലെ അനിയന്ത്രിത വീഡിയോ, ഫോട്ടോ ചിത്രീകരണങ്ങൾ നിരോധിക്കാൻ ആലോചനയെന്ന തരത്തിലൊരു വീഡിയോ പ്രചരിക്കുന്നുണ്ട്. വിശ്വാസികളും, തെയ്യം ആരാധകരുമാണു പോലും കടുത്ത എതിർപ്പ് പ്രകടിപ്പിക്കുന്നതെന്നും പ്രചാരം. സോഷ്യൽ മീഡിയ സജീവമായ ഈ കാലത്ത് അതുവഴി തന്നെയാണ് എതിർപ്പിൻ്റെയും പ്രചാരമെന്നതിനാൽ ബഹളങ്ങൾക്ക് വലിയ വഴിയുണ്ടാവാൻ വഴിയില്ല. 1980കളിൽ കേരള മെമ്പാടും ഒരു യുവജന സംഘടന സാംസ്കാരിക ഘോഷയാത്ര പഞ്ചായത്ത്തലത്തിൽ സംഘടിപ്പിച്ചു.ആ ഘോഷയാത്രയിൽ തെയ്യങ്ങളും, കളിയാട്ടവും ചെണ്ടമേളുമായി അണിനിരന്നപ്പോൾ തെയ്യക്കോലങ്ങൾ കെട്ടിയാടേണ്ടത് പൊതുവഴികളിലല്ലെന്നും, കാവുകളിലല്ലാതെ പാടില്ലെന്നും ഒരു വിഭാഗം തെയ്യംകലാകാരൻമാരും അവരുടെ ഒരു വിഭാഗം സംഘങ്ങളും കലഹ ചിന്തകളുമായി രംഗത്തിറങ്ങിയിരുന്നു.അന്നീ കലഹ ചിന്തകൾക്ക് വേരുപിടിച്ചില്ല.,1980കളിൽ വിദേശ വിനോദ സഞ്ചാരികൾ വീഡിയോ കേമറകളുമായി നമ്മുടെ പ്രാദേശീക കാവുകളിൽ വ്യത്യസ്ത തെയ്യങ്ങളുടെ കെട്ടിയാട്ടങ്ങൾ പകർത്തുന്നത് തെയ്യം കാണുന്നതിലുപരി ചന്തത്തോടെ കണ്ടു നിന്ന നമുക്കിടയിൽ തർക്കമുണ്ടായില്ല തന്നെ. നാടുനീളെ നമ്മുടെ ലൈബ്രറികളിൽ ആയിരക്കണക്കായ തെയ്യങ്ങളെ സംബന്ധിച്ച പുസ്തകങ്ങൾ വായനക്കാർക്കായി ഉറങ്ങിക്കിടപ്പുണ്ട്. വായിച്ചാൽ വളരുമെന്നും വായിച്ചില്ലെങ്കിൽ വളയുമെന്നുമുള്ള അവസ്ഥ ഇന്നും ഈ കാര്യത്തിലും വരുന്നുണ്ട്.
നമ്മുടെ കാവുകളിൽ കെട്ടിയാടുന്ന തെയ്യങ്ങൾക്ക് സോഷ്യൽ മീഡിയകളിലൂടെ പ്രചാരം വരുന്നത് കൊണ്ട് ഗൾഫ് നാടുകളിലെ പരിപാടികളിൽ പങ്കെടുക്കേണ്ടി വരുന്ന തെയ്യം കലാകാരില്ലേ? ഒരു പ്രഗത്ഭ വ്യക്തി കൊട്ടിയൂർ ക്ഷേത്രത്തിലെത്തിയ വീഡിയോ പ്രചാരത്തിലെത്തിയപ്പോൾ കർണ്ണാടകയിലെ ഭക്തജനങ്ങൾ കൊട്ടിയൂർ മഹാത്മ്യത്തിൽ ലയിച്ചു പ്രദേശം പോലും കൈയടക്കിയ പോലായി ഈ കഴിഞ്ഞ വർഷം. പളളൂർ കോയ്യോടൻ കോറോത്ത് ശാസ്തപ്പൻ തെയ്യം കാണാൻ വിദൂരങ്ങളിൽ നിന്നെത്തുന്നവർ കഴിഞ്ഞ കുറച്ചു വർഷങ്ങളായി അനവധിയല്ലേ. നാല്പതോളം ശാസ്തപ്പ തെയ്യം ഒന്നിച്ചുകെട്ടിയാടുന്നതു കാണാൻ എത്തുന്നവർ ഒറ്റയായി കെട്ടിയാടുന്ന ശാസ്തപ്പനെ കാണാഞ്ഞിട്ടല്ല, കൗതുകമാണിതിലെ പ്രത്യേകത.
ചിത്രം : പ്രതീകാത്മകം
ഒരു മാസം നീണ്ടു നിൽക്കുന്ന
മാധ്യമ ശിൽപ്പശാല തുടങ്ങി
മാഹി.. മാഹി മഹാത്മാഗാന്ധിഗവ: ആർട്സ് കോളജ് മലയാള വിഭാഗവും മാഹി പ്രസ്സ് ക്ലബ്ബും സംയുക്തമായി മൂന്നാം വർഷ ബി.എ. മലയാളം വിദ്യാർത്ഥികൾക്കായുള്ള ഒരു മാസം നീണ്ടു നിൽക്കുന്ന ഇന്റൻഷിപ്പ് പ്രോഗ്രാം തുടങ്ങി.
മുതിർന്ന മാധ്യമ പ്രവർത്തകനായ ചാലക്കര പുരുഷുവിന്റെ അദ്ധ്യക്ഷതയിൽ കോളജ് പ്രിൻസിപ്പാൾ ഡോ: കെ.കെ.ശിവദാസൻ ഉദ്ഘാടനം ചെയ്തു. പ്രശസ്ത വന്യജീവി ഫോട്ടോഗ്രാഫർ അസിസ് മാഹി മുഖ്യഭാഷണം നടത്തി. പ്രസ് ക്ലബ്ബ് പ്രസിഡണ്ട് കെ.വി.ഹരീന്ദ്രൻ സ്വാഗതവും, മലയാള വിഭാഗം തലവൻ ഡോ.ബാബുരാജ് നന്ദിയും പറഞ്ഞു.
വിവിധ ദിവസങ്ങളിൽ പ്രമുഖ സാഹിത്യകാരൻ എം.മുകുന്ദൻ , മുൻ കേരള ഡി.ജി.പി. അഡ്വ: ടി.ആസഫലി, പ്രശസ്ത നാടൻ കലാ ഗവേഷകൻ കെ.കെ. മാരാർ,പ്രൊഫ: എ.പി. സുബൈർ,ഡോ: എം..സി. വസിഷ്ഠ്, റിട്ട. പൊലീസ് സൂപ്രണ്ട് പ്രിൻസ് അബ്രഹാം, നാടക-ചലച്ചിത്ര നടൻ രാജേന്ദ്രൻ തായാട്ട്, കാർട്ടൂണിസ്റ്റ് അജയകുമാർ , പ്രശസ്ത മാധ്യമ പ്രവർത്തകരായ പി.പി.ശശീന്ദ്രൻ,
ഒ.സി. മോഹൻ രാജ്, അദിബ് കെ.പി ,
പ്രശസ്ത ചലച്ചിത്ര നടൻ സുശീൽ കുമാർ തിരുവങ്ങാട്, റിട്ട: പ്രിൻസിപ്പാൾ എം.ഹരീന്ദ്രൻ, സിനിമോട്ടോഗ്രാഫർ ഒ. അജിത് കുമാർ, തുടങ്ങിയവർ വിവിധ വിഷയങ്ങൾ കൈകാര്യം ചെയ്യും. ചരിത്ര ഭൂമികകൾ, പഠന ഗവേഷണ കേന്ദ്രങ്ങൾ, അച്ചടി-ദൃശ്യ-ശ്രാവ്യ മാധ്യമ സ്ഥാപനങ്ങൾ എന്നിവ സന്ദർശിക്കും. ചലച്ചിത്ര പ്രദർശനവും സംവാദവുമുണ്ടായിരിക്കും.
ഡോ: ബാബുരാജ് ശിൽപശാലയുടെ ഡയറക്ടറും, ചാലക്കര പുരുഷു അസി.ഡയറക്ടറുമാണ്. 27 ന് സമാപന സമ്മേളനം പിന്നണി ഗായകൻ വി.ടി. മുരളി ഉദ്ഘാടനം ചെയ്യും.
ചിത്ര വിവരണം: ഡോ: കെ.കെ.ശിവദാസൻ ഉദ്ഘാടനം ചെയ്യുന്നു.
മാഹി ഫ്ളേവേഴ്‌സ് ഫിയസ്റ്റ
നവംബർ 6,ന് തുടങ്ങും
മാഹി: സബർമതി ഇന്നൊവേഷൻ & റിസർച്ച്‌ ഫൌണ്ടേഷൻ ഒരുക്കുന്ന
ഉത്തരമലബാറിലെ ഏറ്റവും വലിയ ഭക്ഷ്യ മേളയും കലാ വിരുന്നുമായ ഫ്ളേവേഴ്‌സ് ഫിയസ്റ്റ നവംബർ 6,7,8,9 തീയ്യതികളിൽ മാഹി മൈതാനിയിൽ വെച്ച് നടക്കും. മയ്യഴിയുടെ ഭക്ഷ്യ സംസ്‌കാരത്തിന് തനത്‌ രുചിയുടെ രസക്കൂട്ടും, സുമനസ്സുകൾക്ക് കലയുടെ തിരുമധുരവും പകരുന്നതായിരിക്കും ഭക്ഷ്യമേള. വിവിധ സ്റ്റാളുകൾ, പാചക മത്സരങ്ങൾ, ഓട്ടോ ഏക്സ്പോ, വിപണന സ്റ്റാളുകൾ, നഴ്‌സറി തുടങ്ങിയവയിലൂടെ വികലാംഗക്ഷേമ പ്രവർത്തനമാണ് ലക്ഷ്യമെന്ന് സംഘാടക സമിതി ചെയർമാൻ പി.സി.ദിവാനന്ദൻ മാസ്റ്റർ വാർത്താ സമ്മേളനത്തിൽ അറിയിച്ചു. നവംബർ 6 ന് വൈകു: 6 മണിക്ക് ഭക്ഷ്യ മേളയുടെ ഉദ്ഘാടനം മുൻ മന്ത്രി ഇ.വത്സരാജിൻ്റെ അദ്ധ്യക്ഷതയിൽ രമേശ് പറമ്പത്ത് എം.എൽ.എ നിർവ്വഹിക്കും. റീജ്യണൽ
അഡ്‌മിനിസ്‌ട്രേറ്റർ ഡി.മോഹൻകുമാർ മുഖ്യഭാഷണം നടത്തും.
7 മണിക്ക് ചെണ്ടമേളം, ശാസ്ത്രീയ നൃത്തം, കളരിപ്പയറ്റ്, നൃത്തം, ബോഡി ഷോ, മാജിക് ഷോ എന്നിവ നടക്കും. നവംബർ 7 ന് വൈകു: 4 മണിക്ക് ബിരിയാണി പാചക മത്സരം, 6 മണിക്ക് നൃത്ത നൃത്ത്യങ്ങൾ, 7 മണിക്ക് സാംസ്കാരിക സമ്മേളനം, 7.30 ന് ഡാൻസ് നൈറ്റ് എന്നിവയുണ്ടാവും. നവംബർ 8 ന് വൈകു. 4 മണിക്ക് ഇലയട പാചക മത്സരം, 4.30 ന് മൈലാഞ്ചിയിടൽ മത്സരം 6 മണിക്ക് നൃത്ത നൃത്തങ്ങൾ, 7 മണിക്ക് സാംസ്കാരിക സമ്മേളനം 7.30 ന് കുട്ടികളുടെ ഫാഷൻ ഷോ മത്സരം, 8 മണിക്ക് ഫാഷൻ ഷോ എന്നിവയും നവംബർ 9 ന് വൈകു: 4 മണിക്ക് കപ്പ പുഴുക്ക് പാചക മത്സരം, 6 മണിക്ക് നൃത്ത നൃത്ത്യങ്ങൾ, 7 മണിക്ക് സമാപന സമ്മേളനം തുടർന്ന് നറുക്കെടുപ്പും സമ്മാനദാനവും ഉണ്ടാവും. 7.45 ന് മ്യൂസിക്കൽ ബാൻഡും അരങ്ങേറുമെന്ന് വാർത്താ സമ്മേളനത്തിൽ ഭാരവാഹികളായ കല്ലാട്ട് പ്രേമൻ, അനിൽ വിലങ്ങിൽ, കെ.കെ.രാജീവ്, അജയൻ പൂഴിയിൽ, കെ.എം.പവിത്രൻ എന്നിവർ അറിയിച്ചു
മാഹി കോളേജ് മലയാളവിഭാഗം മാധ്യമരംഗവുമായി ബന്ധപ്പെട്ട് സംഘടിപ്പിച്ച ഇൻ്റേൺഷിപ്പ് പ്രോഗ്രാം
അറിയിപ്പ്
പുതുച്ചേരി സർക്കാർ മാഹി മേഖലയ്ക്ക് ദീപാവലി - 2025 ആഘോഷത്തോടനുബന്ധിച്ച് അനുവദിച്ച സൗജന്യ കിറ്റ്, ചുവപ്പ് കാർഡിന് - 1 കിറ്റ്, മഞ്ഞ കാർഡിന് - 1 കിറ്റ് വീതം (സർക്കാർ ഉദ്യോഗസ്ഥർ അംഗങ്ങളായിട്ടുള്ള കാർഡുടമകൾക്കൊഴികെ) മയ്യഴിയിലെ താഴെപ്പറയുന്ന വിവിധ കേന്ദ്രങ്ങളിൽ നിന്നും
04-11-2025 മുതൽ 06-11-2025 വരെ വിതരണം ചെയ്യുന്നതാണ്:-
1. റേഷൻ ഷോപ്പ് നമ്പർ 01, 02, 04 - MCCS റെയിൽവേ സ്റ്റേഷൻ റോഡ്, മാഹി [FPS No.2]
2. റേഷൻ ഷോപ്പ് നമ്പർ 03, 05, 16 (മുണ്ടോക്ക്, മഞ്ചക്കല്‍, ചൂടിക്കൊട്ട) - MCCS മഞ്ചക്കൽ, മാഹി [FPS No.16]
3. റേഷൻ ഷോപ്പ് നമ്പർ 06, 10, 15, 18 (ചാലക്കര, ചെമ്പ്ര, ചെറുകല്ലായി, മുക്കുവന്‍ പറമ്പ്) - ചാലക്കര വായനശാലയ്ക്ക‌് സമീപം
4. റേഷൻ ഷോപ്പ് നമ്പർ 09, 11, 12 (പള്ളൂര്‍, കൊയ്യോട്ടുതെരു, ഇടയില്‍പ്പീടിക) - പ്രണാം ഹോട്ടലിന് സമീപം, പള്ളൂർ
5. റേഷൻ ഷോപ്പ് നമ്പർ 07, 08, 17 (ഈസ്റ്റ്‌പള്ളൂര്‍, സൌത്ത് പള്ളൂര്‍, ഗ്രാമത്തി) - സുബ്രമണ്യ കോവിലിന് സമീപം [FPS No.17]
6. റേഷൻ ഷോപ്പ് നമ്പർ 13, 14 (പന്തക്കല്‍, മൂലക്കടവ്) - മലബാർ കേൻസർ സെൻ്റർ റോഡ് (ശ്രീനാരായണ മഠം, പന്തോക്കാട്), പന്തക്കൽ
സമയം: രാവിലെ 9 മണി മുതല്‍ ഉച്ചയ്ക്ക് 1 മണി വരെ, ഉച്ചയ്ക്ക് ശേഷം 2 മണി മുതല്‍ വൈകുന്നേരം 6 മണി വരെ.
വിശദ വിവരങ്ങൾക്ക് താഴെപ്പറയുന്ന നമ്പറുകളിൽ ബന്ധപ്പെടാവുന്നതാണ്
Mob-No: - 7306 899 601
Mob No: - 9495 617 583
എന്ന്
സിവിൽ സപ്ലൈസ് ഓഫീസർ, മാഹി
രുഗ്മിണിയമ്മ നിര്യാതയായി
മാഹി:ചാലക്കര കീഴന്തൂർ രുഗ്മിണിയമ്മ (85) നിര്യാതയായി. പരേതനായ വലിയപറമ്പത്ത് കരുണാകരൻ നമ്പ്യാരുടെ ഭാര്യയാണ്.
മക്കൾ: സൂര്യപ്രകാശ്, പ്രീത, പ്രതിഭ, പ്രബീന. മരുമക്കൾ: സുരേഷ്‌ കുമാർ (റിട്ട. റെയിൽവേ), സന്തോഷ്‌ (എഞ്ചിനിയർ), അനിതൻ (ബിസിനസ്സ് ). പ്രഭ. സഹോദരങ്ങൾ: സത്യഭാമ (തിരുവനന്തപുരം), പരേതരായ രാഘവൻ നമ്പ്യാർ, ദാമോദരൻ നമ്പ്യാർ, ബാലകൃഷ്ണൻ നമ്പ്യാർ, മീനാക്ഷിയമ്മ, ജാനകിയമ്മ. സംസ്ക്കാരം ഇന്ന് കാലത്ത് 10മണിക്ക് കീഴന്തൂർ വീട്ടുവളപ്പിൽ
ആയിഷ നിര്യാതയായി. .
ന്യൂമാഹി: പുന്നോൽ ആയിഷാ ഗറിൽ താമസിക്കുന്ന പെരിങ്ങാടിയിലെ മീത്തലെ കല്ലായിൽ ആയിഷ (80) നിര്യാതയായി.
ഭർത്താവ്: പരേതനായ മന്ത്രവടിക്കൽ അബ്ദുള്ള (പെരിങ്ങാടി).
മക്കൾ: നജ്മ, സറീന, സഫ്റീന, ഫാത്തിമ, റാമിസ്.
മരുമക്കൾ: ഉസ്മാൻ (പന്തക്കൽ), മഹമ്മൂദ് (കുഞ്ഞിപ്പള്ളി), കേളോത്തൻ കണ്ടി ഗഫൂർ (പെരിങ്ങാടി - ഖത്തർ), താരിഷ് (മാഹി), മീത്തലെ കുഞ്ഞി കല്ലായി അൻസില (പെരിങ്ങാടി).
സഹോദരി: പരേതയായ കുഞ്ഞാമി.
ന്യൂമാഹി മദ്രസ്സ റെയ്ഞ്ച്
കലോത്സവ് സമാപിച്ചു.
ന്യൂമാഹി: എസ്. ജെ. എം. ന്യൂ മാഹി റെയ്ഞ്ച് പരിധിയിലെ 13 മദ്രസകളിൽ നിന്നും തിരഞ്ഞെടുക്കപ്പെട്ട ഇരുനൂറ്റിഅമ്പതിലധികം വിദ്യാർത്ഥികൾ മാറ്റുരക്കുന്ന മദ്രസ്സ കലോത്സവ് ചൊക്ലി വയലിൽ പള്ളിയിൽ പ്രൗഢമായി സമാപിച്ചു.
എസ്. ജെ. എം. ജില്ലാ കൗൺസിലർ ദാവൂദ് അഷ്റഫിയുടെ പ്രാർത്ഥനയോടെ ആരംഭിച്ച ഉദ്ഘാടന സെഷൻ എസ്. എസ്. എഫ്. കണ്ണൂർ ജില്ലാ സെക്രട്ടറി ഷംസീർ ഹാദി ഉദ്ഘാടനം ചെയ്തു. സ്വാഗത സംഘം ചെയർമാൻ മഹ്റൂഫ് കൊളപ്പയിൽ അധ്യക്ഷത വഹിച്ചു. എസ്. വൈ. എസ്. പെരിങ്ങത്തൂർ സോൺ പ്രസിഡണ്ട് ഷംസുദ്ദീൻ സഖാഫി, കേരള മുസ്ലിം ജമാഅത്ത് മാഹി സർക്കിൾ സെക്രട്ടറി എം. എൻ. ഹുസൈൻ സഖാഫി, ചൊക്ലി മുബാറക്ക് മസ്ജിദ് ഇമാം അബ്ദു റഷീദ് സഖാഫി, പ്രോഗ്രാം കമ്മിറ്റി കൺവീനർ അബ്ദുൽ കരീം അഹ്സനി, നാഹിദ് അമാനി എന്നിവർ പ്രസംഗിച്ചു.
സമാപന സംഗമം ഇബ്രാഹിം മുസ്ലിയാരുടെ അധ്യക്ഷതയിൽ പ്രോഗ്രാം കമ്മിറ്റി ചെയർമാൻ മുഹമ്മദ് ഷമീർ സഖാഫി ഉദ്ഘാടനം ചെയ്തു. റെയ്ഞ്ച് ജനറൽ സിക്രട്ടരി ഫള്ലു റഹ്മാൻ സഖാഫി ഫല പ്രഖ്യാപനവും അബ്ദുള്ള ഹാജി കുന്നോത്ത് വിജയികൾക്കുള്ള ട്രോഫികൾ വിതരണവും നടത്തി.
രണ്ടു ദിവസങ്ങളിലായി നടന്ന കലോത്സവിൽ നൂറുൽ ഇസ്ലാം വയലിൽ പള്ളി ഒന്നാം സ്ഥാനം കരസ്ഥമാക്കി. രണ്ട്, മൂന്ന്, സ്ഥാനങ്ങൾ യഥാക്രമം അൽ-അസ്ഹർ സെക്കണ്ടറി മദ്രസ്സയും , നൂറുൽ ഹുദാ കവിയൂരും നേടി. സമാപന സംഗമത്തിൽ ഉമർ സഖാഫി കൊട്ടപ്പുറം സ്വാഗതവും സൂഫിയാൻഫാളിലി നന്ദിയും പറഞ്ഞു
ചിത്രം: ന്യൂമാഹി എസ്. ജെ. എം. മദ്രസ്സാ കലോത്സവ് ഒന്നാം സ്ഥാനം നേടിയ വയലിൽ പള്ളി നൂറുൽ ഇസ്ലാം മദ്രസക്ക് അബ്ദുല്ല ഹാജി കുന്നോത്ത് ട്രോഫി സമ്മാനിക്കുന്നു.
മാർക്സിസത്തിൻ്റെ പ്രസക്തി
സംവാദം നടത്തി
തലശ്ശേരി : മുദ്രപത്രം മാസികയുടെ നേതൃത്വത്തിൽ തലശ്ശേരിയിൽ മാർക്സിസത്തിന്റെ പ്രസക്തി എന്ന വിഷയത്തിൽ സംവാദം സംഘടിപ്പിച്ചു.
തലശ്ശേരി ഇ കെ നായനാർ സ്മാരക ലൈബ്രറി ഹാളിലാണ് പരിപാടി നടന്നത്. സി.പി. ഹരീന്ദ്രൻ, വി രവീന്ദ്രൻ എന്നിവർ സംവാദത്തിൽ വിഷയാവതരണം നടത്തി.ചൂരായി ചന്ദ്രൻ മോഡറേറ്ററായി.
പ്രൊഫ: എ.പി.സുബൈർ 'കെ. മനോജ്. എന്നിവർ ചർച്ചയിൽ പങ്കെടുത്ത് സംസാരിച്ചു
പി. ജനാർദ്ദനൻ സ്വാഗതവും എം രാജീവൻ നന്ദിയും പറഞ്ഞു.
ഐ.എൻ.ടി.യു.സി ഇന്ന്
കരിദിനമായി ആചരിച്ചു.
തലശേരി --- സൗന്ദര്യവൽക്കരണത്തിൻ്റെ മറവിൽ എം.ജി റോഡിലെ ഉന്തുവണ്ടി - പെട്ടിക്കച്ചവടം ബലപ്രയോഗത്തിലൂടെ ഒഴിപ്പിച്ചതിൽ പ്രതിഷേധിച്ച് ഐ.എൻ.ടി.യു.സി ഇന്ന് കരിദിനമായി ആചരിച്ചു. സൗന്ദര്യവൽക്കരണമല്ല അഴിമതി വൽക്കരണ മാണെന്ന് എഴുതിയ പ്ലേ കാർഡുകളും കരിക്കൊടിയും പഴയ ബസ് സ്റ്റാൻ്റ് പരിസരത്ത് ഉയർത്തി.പി.ജനാർദ്ദനൻ -എം.നസീർ - സി.പ്രകാശൻ എന്നിവർ നേതൃത്വം നൽകി -
എം.മുകുന്ദന്റെ സഹോദരൻ
എം ശ്രീജയൻ നിര്യാതനായി
ന്യൂമാഹി: പ്രശസ്ത സാഹിത്യകാരൻ എം മുകുന്ദൻ്റെ ഇളയ സഹോദരനും കഥാകൃത്തുമായ പെരിങ്ങാടി സൂര്യ വീട്ടിൽ എം ശ്രീജയൻ (72 ) നിര്യാതനായി. മയ്യഴിയിലെ മണിയമ്പത്ത് തറവാട്ടിലാണ് ജനനം. മണിയമ്പത്ത് സഹോദരന്മാരിൽ ഇളയതാണ്. എഴുത്തുകാരനാണ്.
ജനിക്കാത്തവരുടെ ജീവചരിത്രമുൾപ്പടെ
ഏതാനും പുസ്തകങ്ങൾ പ്രസിദ്ധീകരിച്ചിട്ടുണ്ട്. ദീർഘകാലം മാഹി ടൗണിൽ ബിസിനസ്സുകാരനായിരുന്നു. ഭാര്യ:അരുണ .മക്കൾ :അഭിനവ്, അഭിഷേജ. മരുമക്കൾ :ശരണ്യ ,ദിബിൻ. കഥാകൃത്ത് എം രാഘവൻ സഹോദരനാണ്.
ബി.എൽ.ഒമാർ ഇന്ന മുതൽ വീടുകളിലേക്ക്
മാഹി :ഇലക്ഷന്‍ കമ്മീഷന്‍ ഓഫ്‌ ഇന്ത്യയുടെ നിര്‍ദ്ദേശാനുസരണം പുതുച്ചേരി കേന്ദ്രഭരണ പ്രദേശത്തെ മാഹി നിയോജക മണ്ഡലത്തില്‍ നടക്കാന്‍പോകുന്ന സമഗ്ര വോട്ടര്‍ പട്ടിക പരിഷ്കരണ (എസ്.ഐ.ആര്‍) നടപടികളെ കുറിച്ച് റീജിയണൽ അഡ്മിനിസ്ട്രേറ്റര്‍-cum-ഇലക്ടോറല്‍ റജിസ്ട്രെഷന്‍ ഓഫീസര്‍ ഡി. മോഹന്‍ കുമാര്‍ മാഹി ഗവ: ഹൗസില്‍ പ്രസ്സ് മീറ്റിൽ വിശദീകരിച്ചു.
സമഗ്ര വോട്ടര്‍ പട്ടിക പരിഷ്കരണത്തിന്‍റെ ഷെഡ്യൂൾ, നടക്കുന്ന പ്രക്രിയകള്‍, മാർഗ്ഗനിർദ്ദേശങ്ങൾ എന്നിവ ഇലക്ടോറല്‍ റജിസ്ട്രെഷന്‍ ഓഫീസര്‍ വിശദീകരിച്ചത്.
ഇതിന്‍റെ ഭാഗമായി ബൂത്ത്‌ ലെവല്‍ ഓഫീസര്‍മാര്‍ (ബി.എല്‍. ഒ) നാളെ മുതൽ (നവംബർ 4 - ഡിസംബര്‍ 4 വരെ)വീടുകളില്‍ സന്ദര്‍ശിച്ച് വോട്ടര്‍മാര്‍ക്ക് എന്യൂമറേഷൻ ഫോറത്തിന്റെ രണ്ടു കോപ്പികള്‍ നല്‍കുന്നതയിരിക്കും. എല്ലാം വോട്ടര്‍മാരും ബൂത്ത്‌ ലെവല്‍ ഓഫീസര്‍മാര്‍ തരുന്ന രണ്ട് ഫോമും പൂരിപ്പിച്ച് ഒരു പാസ്‌പോര്‍ട്ട്‌ സൈസ് കളര്‍ ഫോട്ടോ (വെളുത്ത ബാക്ക്ഗ്രൗണ്ടില്‍ എടുത്തത്‌) ഫോമില്‍ പതിപ്പിക്കേണ്ടതാണ്.
2002 ല്‍ ഉള്ള എസ്.ഐ.ആര്‍ പട്ടികയില്‍ ഉള്‍പെട്ട വോട്ടറുടെ/അവരുടെ ബന്ധുക്കളുടെ വിവരങ്ങള്‍ എന്യൂമറേഷൻ ഫോറത്തില്‍ പൂരിപ്പിക്ക
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
