വടകര ദേശീയ പാതയിൽ കാറും വാനും കൂട്ടിയിടിച്ച് നാലുപേർക്ക് ദാരുണാന്ത്യം

വടകര ദേശീയ പാതയിൽ കാറും വാനും കൂട്ടിയിടിച്ച് നാലുപേർക്ക് ദാരുണാന്ത്യം

വടകര ദേശീയപാതയിൽ മൂരാട് പാലത്തിന് സമീപം കാറും ട്രാവലർ വാനും കൂട്ടിയിടിച്ച് നാലുപേർക്ക് ദാരുണാന്ത്യം. കാർ യാത്രക്കാരായ മൂന്ന് സ്ത്രീകളും ഒരു പുരുഷനുമാണ് മരിച്ചത്.

ന്യൂമാഹി മുൻ പഞ്ചായത്ത് മെമ്പർ പരേതനായ കെ.എം.പ്രഭാകരൻ്റെ ഭാര്യ

പെരുമുണ്ടേരി കണ്ണാട്ടിൽ മീത്തൽ റോജ, ഒളവിലം സ്വദേശിനി നളിനി, അഴിയൂർ സ്വദേശി പാറേമ്മൽ രാജീവൻ്റെ ഭാര്യ രഞ്ജി, മാഹി റെയിൽവേ സ്റ്റേഷനു സമീപം കോട്ടാമല കുന്നുമ്മൽ കരുണൻ്റെ മകൻ

ഷിജിൻ ലാൽ എന്നിവരാണ് മരണപ്പെട്ടത്. ഇന്ന് വൈകിട്ട് മൂന്നരയോടെയാണ് സംഭവം. കാർ കോഴിക്കോട് ഭാഗത്തേക്ക് പോകവെയാണ് ട്രാവലറുമായി കൂട്ടിയിടിച്ചത്. മൃതദേഹങ്ങൾ വടകര സഹകരണ ആശുപത്രിയിൽ സൂക്ഷിച്ചിരിക്കുകയാണ്.

കർണാടക സ്വദേശികൾ സഞ്ചരിച്ച ട്രാവലറിലെ എട്ടു പേർക്കും കാറിലുണ്ടായിരുന്ന രണ്ടാൾക്കും പരിക്കുണ്ട്. ഇവരെ വടകര ആശുപത്രിയിൽ പ്രവേശിപ്പിച്ചു.