വിഖ്യാത ചലച്ചിത്ര പ്രതിഭയ്ക്ക്

സ്പോർട്ടിങ്ങ് യൂത്ത്സ് ലൈബ്രറിയുടെ

 ശ്രദ്ധാഞ്ജലി

തലശ്ശേരി: ചലച്ചിത്ര പ്രതിഭ ഷാജി എൻ കരുണിൻ്റെ ഓർമ്മയെ മുൻനിർത്തി സ്പോർട്ടിങ്ങ് യൂത്ത്സ് ലൈബ്രറി സംഘടിപ്പിച്ച അനുസ്മരണ ചടങ്ങിൽ

പ്രമുഖ ചിത്രകാരനും ചരിത്ര- കലാ ഗവേഷകനും

സ്പോർട്ടിങ്ങ് യൂത്ത്സ് ലൈബ്രറി പ്രസിഡണ്ടുമായ കെ.കെ.മാരാർ അനുസ്മരണ പ്രഭാഷണം നടത്തി.

വിശ്വ ചക്രവാളത്തോളം മലയാള സിനിമയെ ഉയർത്തുന്നതിൽ ഷാജി എൻ കരുൺ അതുല്യമായ പങ്കാണ് വഹിച്ചതെന്നും മലയാളത്തിലെ നവതരംഗ സിനിമക്ക് സർഗ്ഗാത്മകമായ ഊർജവും പുതിയ ഭാവങ്ങളും പകർന്നു നൽകിയ സംവിധായകൻ കൂടിയായിരുന്നു ഷാജിയെന്നും മാരാർ പറഞ്ഞു.പിറവി തൊട്ട് മനുഷ്യജീവിതത്തിൻ്റെ വ്യാകുലതകളെ മുൻനിർത്തിയാണ് ഷാജി സിനിമയെ കണ്ടതും അവതരിപ്പിച്ചതെന്നും മാരാർ സൂചിപ്പിച്ചു.

 ഇത്ര നിശ്ശബ്ദനായ എന്നാൽ ഏറെ ശ്രദ്ധാലുവായ ഒരു സംവിധായകനെ നമുക്ക് കണ്ടെത്താനാവില്ല.സംസാരിക്കുന്നതിനെക്കാളുപരിബഹളങ്ങളൊന്നുമില്ലാതെ തൻ്റെ മുഖഭാവങ്ങളാലും വിരലുകളുടെ ആംഗ്യങ്ങളാലും നിർദ്ദേശം നൽകി സംവിധാനകലയെ വിസ്മയിപ്പിച്ച അപൂർവ്വ പ്രതിഭയായിരുന്നു ഷാജി എൻ കരുൺ.

ചിലയിടങ്ങളിൽ വിധികർത്താക്കളായി ഒന്നിച്ചു പ്രവർത്തിക്കാനും സൗഹൃദങ്ങൾ പുലർത്താനുമായതും തമ്പ്, മേള, സ്വം തുടങ്ങിയ ചിത്രങ്ങളുടെ ഭാഗമായി തൻ്റെ എളിയ പങ്ക് മഹാനായ ഷാജിയോടൊപ്പം നിർവ്വഹിക്കാനായതിൻ്റെ സൗഭാഗ്യം

ഏറെ നന്ദിയോടെ ഓർക്കുന്നെന്ന് മാരാർ അനുസ്മരിച്ചു.ചടങ്ങിൽ ലൈബറി സെക്രട്ടറി സീതാനാഥ് സ്വാഗതം പറഞ്ഞു

മോക്ഡ്രില്ലിന്റെ ഭാഗമായി തലശ്ശേരി

മഞ്ഞോടിയിലെ ഗാർഡൻസ് അപ്പാർട്ട്മെന്റിൽ നടന്ന രക്ഷാപ്രവർത്തനം

മാഹിപ്പാലത്തിന് സമീപത്ത് നിന്ന് സംഘർഷ സാധ്യതയുള്ള പ്രദേശങ്ങളിലേക്ക് ന്യൂമാഹി പൊലീസും റാപിഡ് ആക്ഷൻ ഫോഴ്സും റൂട്ട് മാർച്ച് നടത്തുന്നു

കണ്ണി പൊയിൽ ബാബുവിനെ

അനുസ്മരിച്ചു

മാഹി:സി,പി, എം, പള്ളൂർ ലോക്കൽ കമ്മിറ്റി അംഗമായിരുന്ന കണ്ണി പൊയിൽ ബാബുവിൻ്റെ ഏഴാം രകതസാക്ഷി ദിനാചരണ പൊതുയോഗം. സി.പി.എം. തലശ്ശേരി ഏറിയാ കമ്മിറ്റി അംഗം വടക്കൻ ജനാർദ്ദനൻ്റെ അദ്ധ്യക്ഷതയിൽ ' സംസ്ഥാന കമ്മിറ്റി അംഗം പനോളി വൽസൻ ഉദ്ഘാടനം ചെയ്തു. കാരായി രാജൻ എസ്. സജീഷ് , ടി. സുരേന്ദ്രൻ ,കെ.പി. നൗഷാദ് സംസാരിച്ചു. വളണ്ടിയർ മാർച്ചും ബഹുജന റാലിയും നടന്നു. കാലത്ത് ബാബുവിൻ്റെ ഓർമ്മ പുതുക്കി അനുസ്മരണ യോഗവും പുഷ്പാർച്ചനയും നടന്നു

ചിത്രവിവരണം: പനോളി വത്സൻ ഉദ്ഘാടനം ചെയ്യുന്നു.

സൗമിനി നിര്യാതയായി

മാഹി:ഈസ്റ്റ്‌ പള്ളൂർ കാഞ്ഞിരമുള്ള പറമ്പ് ഭഗവതി ക്ഷേത്രത്തിന് സമീപം തട്ടാന്റവിട രചനയിൽ സൗമിനി (89 )

പരേതരായ കുഞ്ഞിക്കണ്ണൻ മാധവി എന്നിവരുടെ മകളാണ്.

ഭർത്താവ് പരേതനായ സ്വതന്ത്രസമര സേനാനി കുനിയിൽ അനന്തൻ.

മക്കൾ: സരിത, മധുസൂദനൻ, നിർമല,അജിത, സന്തോഷ്‌ കുമാർ.

മരുമക്കൾ: പൊത്തങ്ങാട്ട് രാഘവൻ, സെൽവ രാജ് പന്തക്കൽ,ഷീജ,ജീജ.

 പരേതനായ പ്രഭാകരൻ.

സഹോദരങ്ങൾ:

പരേതരായ പുരുഷോത്തമൻ, വാസു

വെസ്റ്റ് പള്ളൂർ ഒരുമ ഫെസ്റ്റ്നടത്തിയ വിവിധ മത്സര വിജയികൾക്ക് കലൈമാമണി ചാലക്കര പുരുഷു സമ്മാനങ്ങൾ വിതരണം ചെയ്യുന്നു.

ഷമേജ് ബലിദാന ദിനം ആചരിച്ചു.

ന്യൂമാഹി : ന്യൂമാഹിയിലെ ആർ എസ് എസ് പ്രവർത്തകനായിരുന്ന യു.സി. ഷമേജിൻ്റ ഏഴാം ബലിദാന ദിനം ആചരിച്ചു.

ഈച്ചിയിലെ ഷമേജിൻ്റെ സമൃതി മണ്ഡപത്തിൽ നടന്ന പുഷ്പാർച്ചനയിൽ സംഘപരിവാർ സംഘടനകളിലെ നിരവതി കാര്യകർത്താക്കളും പ്രവർത്തകരും പങ്കെടുത്തു. അനുസ്മരണ സാംഗിക്കിൽ രാഷ്ട്രീയ സ്വയംസേവക സംഘത്തിൻ്റെ കണ്ണൂർ ജില്ല വിദ്യാർത്ഥിപ്രമുഖ് കെ.പി.ജിഗീഷ് മാസ്റ്റർ അനുസ്മരണ ഭാഷണം നടത്തി,മാഹി മണ്ഡൽ കാര്യവാഹ് ഇ അജേഷ് പരിചയഭാഷണം നടത്തി.

ചിത്രവിവരണം:കെ.പി.ജിഗീഷ് മാസ്റ്റർ അനുസ്മരണ ഭാഷണം നടത്തുന്നു.

അസിസ്റ്റന്റ് തസ്തികയിലേക്ക് ഉദ്യോഗാർഥികൾക്ക് സൗജന്യ കോച്ചിംഗ് ക്ലാസ്സ്

 മാഹി:പുതുച്ചേരി സർക്കാർ സർവീസിൽ അസിസ്റ്റന്റ് തസ്തികയിലേക്ക്‌ റിക്രൂട്ട്മെന്റ് നടത്താനായി ഡി.പി ആൻഡ് എ.ആർ നടത്തുന്ന രണ്ടാം ഘട്ട എഴുത്തു പരീക്ഷക്ക്‌ യോഗ്യത നേടിയ ഉദ്യോഗാർഥികൾക്ക് മാഹി അഡ്മിനിസ്ട്രേഷൻ സൗജന്യ പരിശീലനം ഒരുക്കുന്നു.

ഏപ്രിൽ മാസം നടത്തിയ ഒന്നാം ഘട്ട എഴുത്തു പരീക്ഷയിൽ നിശ്ചിത മാർക്ക് ലഭിച്ചു രണ്ടാം ഘട്ട പരീക്ഷക്ക്‌ യോഗ്യത നേടിയ ഉദ്യോഗാർഥികൾക്കാണ് പ്രവേശനം.

കോച്ചിംഗ് ക്ലാസ്സിൽ പങ്കെടുക്കാൻ ആഗ്രഹിക്കുന്ന ഉദ്യോഗാർഥികൾ ഉടൻ തന്നെ മാഹി റീജിയണൽ അഡ്മിനിസ്ട്രേറ്റർ ഓഫീസിൽ പേര് രജിസ്റ്റർ ചെയ്യേണ്ടതാണ്. സൗജന്യ കോച്ചിംഗ് ക്ലാസ്സ്‌ ശനിയാഴ്ച രാവിലെ 10 മണിക്ക് മാഹി സി.ഇ.ഭരതൻ ഹയർ സെക്കന്ററി സ്കൂളിൽ വച്ച് ആരംഭിക്കുന്നതാണ്. കൂടുതൽ വിവരങ്ങൾക്ക് 0490 2332222 എന്ന ഫോൺ നമ്പറിൽ ബന്ധപ്പെടുക.