ചെറുവണ്ണൂർ: ചെറുവണ്ണൂർ പഞ്ചായത്തിലെ കുട്ടോത്ത് ആറാം വാർഡിൽ കാട്ടുപന്നികളുടെ ശല്യം രൂക്ഷമാകുന്നു. പ്രദേശത്ത് പന്നികൾ കൃഷിയിടങ്ങൾ വ്യാപകമായി നശിപ്പിക്കുന്നത് കർഷകർക്ക് വലിയ സാമ്പത്തിക നഷ്ടമാണ് ഉണ്ടാക്കുന്നത്.
പ്രദേശത്തെ പ്രധാന കാർഷികവിളകളും വിവിധ ഇടവിളകൃഷികളുമാണ് ദിനംപ്രതി കാട്ടുപന്നികൾ നശിപ്പിച്ചുകൊണ്ടിരിക്കുന്നത്. സൂപ്പി രയരോത്ത് കുന്നുമ്മൽ, ആർ.കെ. മീനാക്ഷി, വി.പി. നാരായണൻ, ടി.ആർ.കെ. സുരേഷ്, ആർ.കെ. പോക്കർ, ടി.എം. മൊയ്തി, ടി. അബ്ദുള്ള, കിഴക്കയിൽ അബ്ദുള്ള തുടങ്ങിയ കർഷകരുടെ കൃഷികളാണ് അടുത്തിടെയായി നശിച്ചത്.
പഞ്ചായത്തിൽ ഷൂട്ടറുടെ സേവനം ലഭ്യമാണെങ്കിലും ഇവയെ കൃത്യസമയത്ത് കണ്ടെത്തി വെടിവെക്കാൻ കഴിയാത്ത സ്ഥിതിയാണ് ഉള്ളത്. തൊഴിലുറപ്പ് പദ്ധതിയിൽ ഉൾപ്പെടുത്തി കൃഷിയിടങ്ങൾക്ക് സമീപത്തെ കാടുകൾ വെട്ടിമാറ്റി കാട്ടുപന്നികളുടെ ആവാസവ്യവസ്ഥ ഇല്ലാതാക്കിയാൽ ഈ ശല്യത്തിന് പരിഹാരം കാണാനാകുമെന്നാണ് നാട്ടുകാരുടെ വിലയിരുത്തൽ. കാട്ടുപന്നി നാശനഷ്ടം വരുത്തിയ കൃഷിയിടങ്ങൾ പഞ്ചായത്ത് സ്ഥിരംസമിതി ചെയർമാൻ ഇ.പി. സജീവൻ നേരിട്ടെത്തി സന്ദർശിച്ചു.
വാർത്തകൾ പ്രസിദ്ധീകരിക്കാൻ
9895745432 8714910399കല ,സാഹിത്യം ,ആത്മീയം ,ബിസിനസ്സ് ,വിദ്യാഭ്യാസം , & ടെക്‌നോളജി ആരോഗ്യം , വിനോദം തുടങ്ങിയ വിഷയങ്ങൾക്കൊപ്പം വാർത്തകളും വിശേഷങ്ങളും പതിവായി മുടങ്ങാതെ...ഓൺലൈനിൽ വാർത്താ ഗ്രൂപ്പിലേയ്ക്ക് താങ്കളെ സ്വാഗതം ചെയ്യുന്നു. താഴെ കൊടുത്ത ലിങ്കിൽ ക്ളിക് ചെയ്‌ത്‌ ജോയിൻ ചെയ്‌താലും .
Join WhatsApp GroupRelated Articles
