'നവമിഴികൾ' മാഗസിൻ കൺതുറന്നു

കടലുണ്ടി: കുട്ടികളുടെ സർഗാത്മകത വർധിപ്പിക്കുക എന്ന ലക്ഷ്യത്തോടെ കടലുണ്ടി ഗ്രാമപ്പഞ്ചായത്ത് തയ്യാറാക്കിയ 'നവമിഴികൾ' മാഗസിൻ കഥാകൃത്ത് പി.കെ. പാറക്കടവ് പ്രകാശനം ചെയ്തു. ഗ്രാമപ്പഞ്ചായത്ത് പരിധിയിലെ സ്കൂളുകളിലെ അധ്യാപകരുടെയും വിദ്യാർഥികളുടെയും മികച്ച സൃഷ്ടികളാണ് ഈ മാഗസിനിൽ ഉൾപ്പെടുത്തിയിട്ടുള്ളത്. കടലുണ്ടി ഗ്രാമപ്പഞ്ചായത്ത് പ്രസിഡന്റ് ഒ. ഭക്തവത്സലൻ ചടങ്ങിൽ അധ്യക്ഷത വഹിച്ചു.

​മാഗസിൻ പ്രകാശനത്തോടൊപ്പം കഴിഞ്ഞവർഷം പഞ്ചായത്തിലെ വിദ്യാലയങ്ങളിൽനിന്ന് വിരമിച്ച അധ്യാപകരെ ചടങ്ങിൽ ആദരിക്കുകയും ചെയ്തു. പദ്ധതി നിർവഹണോദ്യോഗസ്ഥ ആശാരേഖ, ഗ്രാമപ്പഞ്ചായത്ത് വൈസ് പ്രസിഡന്റ് സ്മിതാ ഗണേശ്, സ്ഥിരംസമിതി അധ്യക്ഷരായ സി. രമേശൻ, എം. അനൂപ്, സജിത പൂക്കാടൻ എന്നിവർ ചടങ്ങിൽ പങ്കെടുത്തു സംസാരിച്ചു.

​എ.ഇ.ഒ. മുഹമ്മദ് റഷീദ്, ബി.പി.സി. സുവർണ ചന്ദ്രോത്ത്, പഞ്ചായത്ത് അംഗങ്ങളായ ബിനീഷ്, സി.പി. വത്സല തുടങ്ങിയ പ്രമുഖരും ചടങ്ങിന്റെ ഭാഗമായി.