വടകരയിൽ എക്സൈസ് വേട്ട: 24 ലിറ്റർ ചാരായവും വാഷും പിടികൂടി, രണ്ട് യുവാക്കൾ അറസ്റ്റിൽ

വടകര: എക്സൈസ് സംഘം നടത്തിയ മിന്നൽ പരിശോധനയിൽ വൻ ചാരായശേഖരം പിടികൂടി. മേമുണ്ട ഭാഗത്ത് നടത്തിയ പരിശോധനയിൽ 24 ലിറ്റർ ചാരായവും വാഷുമാണ് ഉദ്യോഗസ്ഥർ കണ്ടെടുത്തത്. സംഭവവുമായി ബന്ധപ്പെട്ട് മേമുണ്ട സ്വദേശികളായ സൂരജ്, അഖിൽ എന്നിവരെ എക്സൈസ് സംഘം അറസ്റ്റ് ചെയ്തു.

​വെള്ളിയാഴ്ച പുലർച്ചെ ഒന്നരയോടെയായിരുന്നു പരിശോധന നടന്നത്. വടകര അസിസ്റ്റന്റ് എക്സൈസ് ഇൻസ്പെക്ടർ പ്രമോദ് പാളിക്കുലിന്റെ നേതൃത്വത്തിൽ നടന്ന റെയ്ഡിൽ ഓഫീസർമാരായ ഉനൈസ് എൻ.എം, ഷിരാജ്, മുസ്ബിൻ ഷാംരാജ്, പ്രജീഷ് എന്നിവരും പങ്കെടുത്തു. പിടിയിലായവർക്കെതിരെ അബ്കാരി നിയമപ്രകാരം കേസെടുത്തിട്ടുണ്ട്. മേഖലയിൽ വ്യാജമദ്യ നിർമ്മാണവും വിൽപ്പനയും തടയുന്നതിനായി പരിശോധനകൾ കർശനമാക്കുമെന്ന് എക്സൈസ് അധികൃതർ അറിയിച്ചു.