കൈതപ്പറമ്പ് പുറായിൽ - കൈവേലിക്കൽ റോഡ് ഉദ്ഘാടനം ചെയ്തു

കൊടുവള്ളി നഗരസഭയിലെ പട്ടിണിക്കര ഡിവിഷനിൽ നിർമ്മാണം പൂർത്തിയാക്കിയ കൈതപ്പറമ്പ് പുറായിൽ - കൈവേലിക്കൽ റോഡ് പൊതുജനങ്ങൾക്കായി തുറന്നുകൊടുത്തു. നഗരസഭ ചെയർപേഴ്‌സൺ സഫീന ഷമീർ റോഡിന്റെ ഉദ്ഘാടനം നിർവ്വഹിച്ചു. ഡിവിഷൻ കൗൺസിലർ കെ.വി. മുജീബ് അധ്യക്ഷത വഹിച്ച ചടങ്ങിൽ പ്രദേശത്തെ പ്രമുഖർ പങ്കെടുത്തു.

​ചടങ്ങിൽ യു.പി. ഉസൈൻകുട്ടി ഹാജി, കെ.കെ. അബ്ദുസ്സലാം, കെ.പി. മൂസ, പി. അഷ്റഫ്, വി.പി. ആലി, വി.പി. ലത്തീഫ്, പി. സുലൈമാൻ എന്നിവർ സംസാരിച്ചു. റോഡ് യാഥാർഥ്യമായതോടെ പ്രദേശത്തെ യാത്രാക്ലേശത്തിന് വലിയ പരിഹാരമാകുമെന്ന് ഉദ്ഘാടന പ്രസംഗത്തിൽ ചെയർപേഴ്‌സൺ വ്യക്തമാക്കി.