മയക്കുമരുന്നു മാഫിയക്ക് തിരഞ്ഞെടുപ്പു ഫണ്ടുമായി ബന്ധം -മുഖ്യമന്ത്രി

തിരുവനന്തപുരം: അന്താരാഷ്ട്ര മയക്കുമരുന്നു മാഫിയയും ചില വൻകിട

രാഷ്ട്രീയപ്പാർട്ടികളുടെ തിരഞ്ഞെടുപ്പു ഫണ്ടും തമ്മിൽ വലിയബന്ധമുണ്ടെന്ന് മുഖ്യമന്ത്രി പിണറായി വിജയൻ നിയമസഭയിൽ പോലീസ്, ജയിൽ വകുപ്പുകളുടെ ധനാഭ്യർഥന ചർച്ചയ്ക്ക് മറുപടിപറയുകയായിരുന്നു മുഖ്യമന്ത്രി.

കടൽമാർഗം ഇന്ത്യയിലേക്കു മയക്കുമരുന്ന് എത്തിക്കുന്നതിനുപിന്നിൽ അന്താരാഷ്ട്ര മാഫിയയുണ്ട്. തടയേണ്ടവർ നിശ്ശബ്ദതപാലിക്കുകയാണ്. കപ്പലിലും വിമാനത്തിലും വൻതോതിൽ മയക്കുമരുന്ന് വന്നിറങ്ങുന്നത് അറിഞ്ഞില്ലെന്ന് രാജ്യരക്ഷാച്ചുമതലകൂടിയുള്ള ഭരണാധികാരികൾക്ക് എങ്ങനെ പറയാനാവുമെന്നും അദ്ദേഹം ചോദിച്ചു.