'സൈലന്റ്' ആയി സൈലൻ്റ് വാലിയെ അറിഞ്ഞ് വിദ്യാർഥികൾ

കൊച്ചി: നിശ്ശബ്ദമായി അവർ സൈലന്റ്വാലിയുടെ ഹൃദയമിടിപ്പുകളറിഞ്ഞു. കാടിന്റെ സൗന്ദര്യം തൊട്ടറിഞ്ഞു. അതുവരെ കാണാത്ത പക്ഷികളെ കണ്ടു. കുത്തനെയുള്ള ട്രെക്കിങ്ങിന്റെ ക്ഷീണമറിഞ്ഞു. ആലുവ യുസി കോളേജിലെ വിദ്യാർഥികളാണ് അധ്യാപകർക്കൊപ്പം സൈലന്റ്റ്വാലി ദേശീയ ഉദ്യാനത്തെ അടുത്തറിയാൻ യാത്ര നടത്തിയത്. കോളേജ് മൗണ്ടനിയറിങ് ക്ലബ്ബിന്റെ ആഭിമുഖ്യത്തിലായിരുന്നു കാടറിയാനുള്ള പഠനയാത്ര.

മുപ്പത് വിദ്യാർഥികളും എട്ട് അധ്യാപകരുമായിരുന്നു സംഘത്തിൽ. യുസി കോളേജ് പ്രിൻസിപ്പലായിരുന്ന ഡോ. രാജൻ വർഗീസിൻ് നേതൃത്വത്തിൽ എഴുപതുകളിലാണ് മൗണ്ടനിയറിങ് ക്ലബ് രൂപം കൊണ്ടത്. ഡോ. പ്രമോദ് ഡൊമിനിക്, ഡോ. ജെനിഷ് പോൾ, ഡോ. വി.കെ. ഷിനോജ്, വിപിൻ തോമസ് എന്നീ അധ്യാപകരാണ് സംഘത്തെ നയിച്ചത്. സൈലന്റ്റ്വാലി വൈൽഡ് ലൈഫ് വാർഡൻ സാജു വർഗീസ്, റെയ്‌ഞ്ച് ഓഫീസർ ഗണേശ് എന്നിവർ മാർഗനിർദേശങ്ങൾ നൽകി.