കീഴൽ ദേവി വിലാസം സ്കൂൾ റോഡ് ഉദ്ഘാടനം ചെയ്തു

വില്യാപ്പള്ളി ഗ്രാമപഞ്ചായത്തിലെ ധാരാളം വിദ്യാർത്ഥികളും നാട്ടുകാരും ആശ്രയിക്കുന്ന പ്രധാനപ്പെട്ട ഒരു റോഡ് ആണ് കീഴൽ ദേവി വിലാസം സ്കൂൾ റോഡ്. റോഡ് പ്രവർത്തിക്കായി 7 ലക്ഷം രൂപ എംഎൽഎ ആസ്തി വികസന ഫണ്ടിൽനിന്നും അനുവദിച്ചിരുന്നു.റോഡിൻറെ ഉദ്ഘാടനം ഇന്ന് നിർവഹിച്ചു. ചടങ്ങിൽ വില്ല്യാപ്പള്ളി ഗ്രാമ പഞ്ചായത്ത് പ്രസിഡണ്ട് കെ.കെ ബിജുള അദ്ധ്യക്ഷത വഹിച്ചു. വാർഡ് മെമ്പർ പി. പ്രശാന്ത് കുമാർ സ്വാഗതം പറഞ്ഞു. ജനപ്രതിനികൾ, രാഷ്ട്രീയപാർട്ടി പ്രതിനിധികൾ എന്നിവർ ചടങ്ങിൽ സംസാരിച്ചു.