മിൽക്ക് ഷെഡ് വികസനപദ്ധതി: പശുവിനെ നൽകി

സുൽത്താൻബത്തേരി : ക്ഷീരവികസനവകുപ്പിൻ്റെ മിൽക്ക് ഷെഡ് വികസനപദ്ധതിപ്രകാരം പശുവിനെയും അനുബന്ധസൗകര്യങ്ങളും നൽകി. സുൽത്താൻബത്തേരി ക്ഷീരസംഘത്തിലെ മുത്തങ്ങ കുഴിമൂല ഉന്നതയിലെ കെ.എം. അശോകനാണ് ക്ഷീരവികസനവകുപ്പ് മുഖേന പശുവിനെ നൽകിയത്.

ബത്തേരി ക്ഷീരസംഘം പ്രസിഡൻ്റ് കെ.കെ. പൗലോസ്, ബത്തേരി ക്ഷീരവികസന ഓഫീസർ പി.പി. പ്രജീഷ എന്നിവർചേർന്ന് കൈമാറി. വകുപ്പു ബത്തേരി ക്ഷീരസംഘവും ചേർന്ന് തൊഴുത്ത് നിർമിച്ചുനൽകുകയും ആവശ്യമായ കാലിത്തീറ്റ, വൈക്കോൽ, പാത്രങ്ങൾ, വെറ്ററിനറി മരുന്നുകൾ തുടങ്ങിയവയും നൽകി, ബത്തേരി ക്ഷീരസംഘം സെക്രട്ടറി പി.പി. വിജയൻ, ഡയറക്‌ടർ കെ.സി. ഗോപീദാസ് എന്നിവർ പങ്കെടുത്തു.