'വെല്ലുവിളികൾ മറികടക്കാൻ പെൻഷൻകാരുടെ അനുഭവം ഉപകരിക്കണം'

മയ്യിൽ : രാജ്യം നേരിടുന്ന വെല്ലുവിളികൾ മറികടക്കാൻ പെൻഷൻകാരുടെ അനുഭവങ്ങൾ പുതുതലമുറയ്ക്ക് പകരണമെന്ന് മുൻ വിദ്യാഭ്യാസമന്ത്രി സി.രവീന്ദ്രനാഥ് പറഞ്ഞു. കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ (കെ.എസ്.എസ്‌പിയു) ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

മയ്യിൽ സാറ്റ്‌കോസ് ഓഡിറ്റോറിയത്തിൽ നടന്ന ചടങ്ങിൽ ജില്ലാ പ്രസിഡന്റ് ടി.ശിവദാസൻ അധ്യക്ഷനായി. സി.വിജയൻ, എ.ബാലകൃഷ്‌ണൻ, എ.പ്രഭാകരൻ, കെ.ശശീന്ദ്രൻ, സ്വാഗതസംഘം അധ്യക്ഷ എം.വി.അജിത, കെ.എം.ബാലചന്ദ്രൻ എന്നിവർ സംസാരിച്ചു. സാംസ്‌കാരിക സമ്മേളനം കവി ആലങ്കോട് ലീലാകൃഷ്ണൻ ഉദ്ഘാടനം ചെയ്‌തു. വനിതാ സമ്മേളനം ഡോ. എ.കെ. ജയശ്രീ ഉദ്ഘാടനം ചെയ്തു. മയ്യിൽ ബസ്സ്റ്റാൻഡിൽ നടന്ന പ്രകടനവും പൊതുസമ്മേളനം ജില്ലാ പഞ്ചായത്ത് വൈസ് പ്രസിഡൻ്റ് ബിനോയ് കുര്യൻ ഉദ്ഘാടനം ചെയ്തു‌. സമ്മേളനം 13-ന് സമാപിക്കും.