'മൂല്യബോധം നഷ്‌ടപ്പെട്ട തലമുറയെ നേരായ പാതയിലെത്തിക്കണം'

ചെങ്ങന്നൂർ: മൂല്യബോധം നഷ്‌ടപ്പെട്ട തലമുറയെ നേരായ പാതയിൽ നടത്താൻ പരിശ്രമിക്കുന്ന അധ്യാപകസമൂഹം ദൈവത്തിൻ്റെ കൂട്ടുവേലക്കാരാണെന്ന് ഭദ്രാസന മെത്രാപ്പൊലീത്ത ഡോ. മാത്യൂസ് മാർ തീമോത്തിയോസ് പറഞ്ഞു. ബഥേൽ മാർ ഗ്രിഗോറിയോസ് അരമന പള്ളിയിൽ നടന്ന അഖില മലങ്കര സൺഡേസ്കൂ‌ൾ ചെങ്ങന്നൂർ ഭദ്രാസന അസംബ്ലി ഉദ്ഘാടനം ചെയ്യുകയായിരുന്നു അദ്ദേഹം.

സൺഡേസ്കൂ‌ൾ വൈസ് പ്രസിഡൻ്റ് ഹാ വിമൽ മാമ്മൻ ചെറിയാൻ, ഡയറക്ടർ ഡോ. ജേക്കബ് ഉമ്മൻ, സെക്രട്ടറി കെ.വി. വർഗീസ്, ഡിസ്ട്രിക്ട് ഇൻസ്പെക്ടർമാരായ എബ്രഹാം മാത്യു വീരപ്പള്ളിൽ, സജി പട്ടരുമഠം, സിബി മത്തായി. തോമസ് വി. ജോൺ, ഡോ മനോജ് ചാക്കോ, ഡിസ്ട്രിക്ട‌് സെക്രട്ടറിമാരായ പി.വി. എബ്രഹാം, രാജു കോശി ജോൺ, തോമസ് ശാമുവേൽ, ഏലിക്കുട്ടി ജോർജ്, എബ്രഹാം തോമസ് എന്നിവർ പ്രസംഗിച്ചു.