ലഹരിവസ്തുക്കളുടെ ഉറവിടം കണ്ടെത്തി നടപടി സ്വീകരിക്കണം -മാർ ജോസ് പൊരുന്നേടം

ദ്വാരക : ലഹരിവസ്‌തുക്കൾ നിർമിക്കുകയും സംഭരിക്കുകയും ചെയ്യുന്നതിന്റെ ഉറവിടം കണ്ടെത്തി നിയമനടപടി സ്വീകരിക്കണമെന്ന് മാനന്തവാടി രൂപതാ മെത്രാൻ മാർ ജോസ് പൊരുന്നേടം.

കെസിബിസി മദ്യവിരുദ്ധസമിതി രജതജൂബിലി സമാപനസമ്മേളനം ഉദ്ഘാടനംചെയ്യുകയായിരുന്നു അദ്ദേഹം. സമിതി രൂപതാ പ്രസിഡന്റ് വി.ഡി, രാജു വലിയാറയിൽ അധ്യക്ഷത വഹിച്ചു. കെസിബിസി മദ്യ-ലഹരി വിരുദ്ധ സംസ്ഥാനസെക്രട്ടറി പ്രസാദ് കുരുവിള മുഖ്യപ്രഭാഷണം നടത്തി. മാനന്തവാടി രൂപതാ വികാരി ജനറാൾ ഫാ. പോൾ മുണ്ടോലിക്കൽ, ഫാ. സണ്ണി ജോസ് മഠത്തിൽ, ഫാ. ജോർജ് വർഗീസ്, ഫാ. തോമസ് കച്ചിറയിൽ, സിസ്റ്റർ ആനീസ് എബ്രഹാം എസ്.എച്ച്., ജോൺസൺ തൊഴുതുങ്കൽ, മാത്യു ആര്യപളളി തുടങ്ങിയവർ സംസാരിച്ചു.