'നവീകരണത്തിൻ്റെ പേരിൽ തപാൽമേഖലയെ തകർക്കരുത്'

പാലക്കാട് ഫെഡറേഷൻ ഓഫ് നാഷണൽ പോസ്റ്റൽ ഓർഗനൈസേഷൻ (എഫ്.എൻ.പി.ഒ.) ജില്ലാ പ്രവർത്തകസമിതിയോഗം ഡി.സി.സി. ജനറൽ സെക്രട്ടറി വി. രാമചന്ദ്രൻ ഉദ്ഘാടനംചെയ്‌തു. ജില്ലാ കൺവീനർ ബാലകൃഷ്ണൻ കൂട്ടാല അധ്യക്ഷനായി. ജീവനക്കാർക്ക് ജോലിഭാരം കൂടുന്നതും പൊതുജനങ്ങൾക്ക് തപാൽ വൈകിക്കിട്ടുന്നതടക്കമുള്ള പ്രയാസങ്ങളുണ്ടാക്കുന്ന തപാൽമേഖലയിലെ നവീകരണം പിൻവലിക്കണമെന്ന് യോഗം ആവശ്യപ്പെട്ടു.

മേയ് 12, 13, 14 തീയതികളിൽ നടത്തുന്ന സംഘടനയുടെ സംസ്ഥാനസമ്മേളന സ്വാഗതസംഘം യോഗം മാർച്ച് ഒൻപതിനുചേരാൻ തീരുമാനിച്ചു.

സംസ്ഥാന ഭാരവാഹി എൻ.വി. വിനോദ്, ജില്ലാഭാരവാഹികളായ കെ. സദാനന്ദൻ, എം. രാജഗോപാൽ, പി. പ്രത്യുഷ് വർമ, പി.ആർ. സജിനി, എസ്. ജാൻസി, നാഷണൽ പോസ്റ്റൽ ആൻഡ് ആർ.എം.എസ്. പെൻഷനേഴ്സ് അസോസിയേഷൻ പ്രസിഡൻ്റ് എസ്. രവീന്ദ്രൻ, പൊതുമേഖലാ കോഡിനേഷൻ കൺവീനർ കെ. കരുണാകരൻ, കേരള ഇലക്ട്രിസിറ്റി എംപ്ലോയീസ് കോൺഫെഡറേഷൻ സംസ്ഥാന ഭാരവാഹി കെ. ഷണ്മുഖൻ തുടങ്ങിയവർ സംസാരിച്ചു.