എം.ടി. പറഞ്ഞത് പരാജിതരുടെ കഥകൾ -വി.ആർ. സുധീഷ്

കോഴിക്കോട്: നിലനിൽപ്പ് ദാരുണമായ പീഡനമായി അനുഭവിക്കുന്ന കഥാപാത്രങ്ങളാണ് എം.ടി.യുടേതെന്ന് വി.ആർ. സുധീഷ് അഭിപ്രായപ്പെട്ടു. പരാജിതരുടെ കഥകളാണ് എം.ടി. പറഞ്ഞത്. 'ഒരു വടക്കൻ വീരഗാഥ'യിലെ ചന്തുവും അങ്ങനെയൊരു കഥാപാത്രമാണ്. അങ്ങനെ ഒരു സിനിമ നിർമിക്കാൻ തയ്യാറായ പി.വി. ഗംഗാധരൻ്റെ ധൈര്യം അപാരമാണെന്നും സുധീഷ് പറഞ്ഞു. കാലിക്കറ്റ് ഫ്ലവർ ഷോയുടെ ഭാഗമായുള്ള സാംസ്‌കാരികസമ്മേളനം ഉദ്ഘാടനംചെയ്യുകയായിരുന്നു അദ്ദേഹം. സുന്ദർ രാജ്‌ലു അധ്യക്ഷനായി. പി.കെ. കൃഷ്ണ‌നുണ്ണി രാജ, കെ.ബി. ജയാനന്ദ്, പി.ടി.എസ്. ഉണ്ണി, ഷെറിൻ ഗംഗാധരൻ, ഷെർഗ സന്ദീപ്, എം. രാജൻ, എം. അരവിന്ദാക്ഷൻ, സി. രമേശ് എന്നിവർ സംസാരിച്ചു.