രുചി വിളമ്പി കഫേ കുടുംബശ്രീ ഭക്ഷ്യമേള

കോഴിക്കോട്: അട്ടപ്പാടിയിൽനിന്നുള്ള തനതുരുചിയുമായി വനസുന്ദരി ചിക്കൻ, പലതരംരുചി നിറയുന്ന ജ്യൂസ്.. തുടങ്ങി എരിവും പുളിയും മധുരവുമെല്ലാമായി കഫേ കുടുംബശ്രീ ഭക്ഷ്യമേള ബീച്ച് ഓപ്പൺ സ്റ്റേജിന് സമീപം തുടങ്ങി. കുടുംബശ്രീ ജില്ലാ മിഷൻ്റെ നേതൃത്വത്തിലാണ് ഭക്ഷ്യ മേള.

ഏഴുസ്റ്റാളുകളിലായി പലതരം വിഭവങ്ങളാണ് ഒരുക്കിയിട്ടുള്ളത്. കപ്പയുംമീനും, വിവിധയിനം ദോശകൾ, കടൽ കായൽ വിഭവങ്ങൾ, വൈകുന്നേരത്തെ ആസ്വാദ്യമാക്കാൻ ചായയും എണ്ണക്കടികളും, മുളയരി പായസം എന്നിവയെല്ലാം ഭക്ഷ്യമേളയ്ക്ക് രുചിപകരുന്നു. ഇതിനൊപ്പം കുടുംബശ്രീ സംരംഭകരുടെ ഉത്‌പ ന്നങ്ങളും വിൽപ്പനയ്ക്കുണ്ട്. മേയർ ബീനാ ഫിലിപ്പ് ഉദ്ഘാടനം ചെയ്തു. കുടുംബശ്രീ ജില്ലാ മിഷൻ കോർഡിനേറ്റർ പി. സി. കവിത അധ്യക്ഷയായി.

രാവിലെ 10 മുതൽ രാത്രി 10 വരെയാണ് ഭക്ഷ്യമേള, ഫെബ്രുവരി ഏഴിന് സമാപിക്കും. പ്രവേശനം സൗജന്യം,