വേണ്ടത് എല്ലാ മേഖലകളുമായുംബന്ധപ്പെട്ട വിദ്യാഭ്യാസം -സജി ചെറിയാൻ

പാണ്ടനാട് : സമസ്ത മേഖലകളുമായും ബന്ധപ്പെട്ട വിദ്യാഭ്യാസമാണ് കാലഘട്ടത്തിന് അനിവാര്യമെന്ന് മന്ത്രി സജി ചെറിയാൻ. പാണ്ടനാട് സ്വാമി വിവേകാനന്ദ ഹയർ സെക്കൻഡറി സ്കൂളിന്റെ 78-ാം വാർഷികം ഉദ്ഘാടനം ചെയ്തു സംസാരിക്കുകയായിരുന്നു

പഠനത്തോടൊപ്പം പാഠ്യേതര വിഷയങ്ങളിലും കാർഷികരംഗത്തും ഉൾപ്പെടെ വിവിധ മേഖലകളുമായി ബന്ധപ്പെട്ട വിദ്യാഭ്യാസരീതിയാണ് സ്കൂളുകളിൽ തുടരുന്നതെന്നും അതിന്റേതായ മികവ് എല്ലാ രംഗത്തും പ്രകടമാണെന്നും മന്ത്രി പറഞ്ഞു. പി.ടി.എ. പ്രസിഡന്റ് ശ്രീജിഷ് മുരളീധർ അധ്യക്ഷനായി. കേരള യൂണിവേഴ്സിറ്റി ബയോ ഇൻഫർമാറ്റിക്സ് തലവൻ ഡോ. അച്യുത് ശങ്കർ മുഖ്യപ്രഭാഷണം നടത്തി. പ്രിൻസിപ്പൽ രശ്മി ഗോപാലകൃഷ്ണൻ, ഹെഡ്മിസ്ട്രസ് സ്മിത എസ്. കുറുപ്പ്, മനോജ്കുമാർ, വി.ജി. മനോഹരൻ, രാജൻ മൂലവീട്ടിൽ, ജി. കൃഷ്ണകുമാർ, ആർ. രാജേഷ്, വി. ധന്യ, ആശാ രാജൻ, സന സാറാ സന്തോഷ് എന്നിവർ പ്രസംഗിച്ചു. തുടർന്ന്, കുട്ടികളുടെയും അധ്യാപകരുടെയും വിവിധ കലാപരിപാടികൾ നടത്തി.