‘മൂല്യാധിഷ്ഠിത വിദ്യാഭ്യാസം കാലഘട്ടത്തിന്റെ ആവശ്യം’

ചടയമംഗലം :മൂല്യാധിഷ്ഠിത വിദ്യാഭ്യാസം കാലഘട്ടത്തിന്റെ ആവശ്യമാണെന്ന് എൻ.എസ്.എസ്. താലൂക്ക് യൂണിയൻ പ്രസിഡൻറ് ചിതറ എസ്.രാധാകൃഷ്ണൻ നായർ. എൻ.എസ്.എസ്. താലൂക്ക് യൂണിയന്റെ നേതൃത്വത്തിൽ നടത്തിയ വിദ്യാഭ്യാസ ധനസഹായ വിതരണം ഉദ്ഘാടനം ചെയ്യുകയായിരുന്നു അദ്ദേഹം.

യൂണിയൻ വൈസ് പ്രസിഡൻറ് കെ.ജി.വിജയകുമാർ അധ്യക്ഷത വഹിച്ചു. യൂണിയൻ സെക്രട്ടറി സി.ജയപ്രകാശ്, യൂണിയൻ ഭരണസമിതി അംഗങ്ങളായ എസ്.വിജയകുമാരൻ പിള്ള, സി.ഗോപകുമാർ, സുനിൽ പി.ശേഖർ, കെ.ഗോപകുമാർ, കെ.ആർ.മുരളീധരൻ പിള്ള, ജി.ദിലീപ്കുമാർ, പി.എസ്.മനോജ്, പി.രാധാകൃഷ്ണപിള്ള തുടങ്ങിയവർ പ്രസംഗിച്ചു.

എൻ.എസ്.എസ്. സാമൂഹികക്ഷേമ പദ്ധതിയുടെ ഭാഗമായി യൂണിയന്റെ കീഴിലുള്ള 103 കരയോഗങ്ങളിലെ വിദ്യാർഥികൾക്ക് രണ്ടുലക്ഷം രൂപയുടെ വിദ്യാഭ്യാസ ധനസഹായം വിതരണം ചെയ്തു.