കാർഷിക സാംസ്കാരികോത്സവം

ചെറുതുരുത്തി : ആറങ്ങോട്ടുകര കാർഷിക സാംസ്കാരികോത്സവത്തിന്റെ പ്രധാന ആകർഷണങ്ങളിൽ ഒന്നാണ് വൈക്കോൽ ശില്പം. ഇത്തവണയും അതിന്റെ ആശയ ആവിഷ്കാര സന്ദേശവുമായി പതിനൊന്ന് അടി വൈക്കോൽ ശില്പം തയ്യാറായിക്കഴിഞ്ഞു. ചിത്രകാരനും എഴുത്തുകാരനുമായ ഗിരീഷ് ആറങ്ങോട്ടുകരയാണ് കൊയ്ത്തുത്സവത്തിന്റെ എട്ടാമത് വർഷവും ഈ വൈക്കോൽ ശില്പം നിർമിച്ചത്.

‘പുലം - വയൽ എന്ന ഇന്ദ്രിയ ജ്ഞാനം’ എന്ന സന്ദേശവുമായിട്ടാണ് ഇത്തവണത്തെ ശില്പം തയ്യാറാക്കിയിരിക്കുന്നത്.

ആറങ്ങോട്ടുകര പാ ടശേഖരത്തിലെ കൊയ്ത്തുത്സവം 15-ാമത് പതിപ്പ് വെള്ളിയാഴ്ച യു.ആർ. പ്രദീപ് എം.എൽ.എ. ഉദ്ഘാടനം ചെയ്യും. രാവിലെ ദക്ഷിണ കൊറിയൻ കലാപരിശീലകയായ യുഗ്മി ബയൂണിന്റെ നേതൃത്വത്തിൽ അഭിനയപരിശീലന ശില്പശാല, ഘോഷയാത്ര എന്നിവ നടക്കും.