വികസനം പ്രകൃതിയേയും മനുഷ്യനേയും നശിപ്പിച്ചു കൊണ്ടാകരുത്. വിജയ രാഘവൻ ചേലിയ.

കേരളത്തിൽ വികസന നയം കൊട്ടിഘോഷിക്കുകയും കേരള സർക്കാർ കേരളത്തെ വിനാശത്തിലേക്ക് തള്ളിവിടുകയുമാണെന്നും വരുംതലമുറക്ക് ഭൂമിയിൽ ജീവിക്കാനുള്ള അവകാശം ഇല്ലാതാക്കുന്ന വികസന പ്രവർത്തനം നടത്തുന്നത് കമ്യൂണിസ്റ്റ് സർക്കാരിന് യോജിച്ച പ്രവർത്തനമല്ലെന്നും അദ്ദേഹം വ്യക്തമാക്കി. സിൽവർ ലൈൻ പദ്ധതി നടപ്പിലാക്കിയാൽ കേരളം മരുഭൂമിയായി മാറുമെന്നതിൽ സംശയമില്ലെന്നും പ്രകൃതിയെ ഉന്മൂലനാശം വരുത്താത്ത വികസന പ്രവർത്തനം മാത്രമേ നടത്താവൂ എന്നും മറിച്ചുള്ള പ്രവർത്തനങ്ങൾ മനുഷ്യവംശം തന്നെ ഇല്ലാതാക്കുമെന്നും ഉത്ഘാടന പ്രസംഗത്തിൽ അദ്ദേഹം വ്യക്തമാക്കി.

സമരസമിതി കോഴിക്കോട് ജില്ലാ ചെയർമാൻ ജ: ടി.ടി ഇസ്മായിൽ സാഹിബ്, സമരസമിതി ജില്ലാ കൺവീനർ ശ്രീ.വരപ്രത്ത് രാമചന്ദ്രൻ , സമരസമിതി സംസ്ഥാന കൺവീനർ പി.എം. ശ്രീകുമാർ, വടകര നിയോജകമണ്ഡലം യു ഡി .എഫ് കൺവീനർ ജ: എൻ.പി അബ്ദുള്ള ഹാജി, വടകര ബ്ലോക്ക് കോൺഗ്രസ്സ് പ്രസിഡണ്ട് സതീശൻ കുരിയാടി, രഞ്ജിത്ത് കണ്ണോത്ത്, കുനിയിൽ വേണു, എം.ബാലകൃഷ്ണൻ, സതി ടീച്ചർ മടപ്പള്ളി, പി.എസ്സ്. രഞ്ജിത്ത്, രവീന്ദ്രൻ അമ്യതം ഗമയ, ഒ.കെ അശോകൻ, ബാലകൃഷ്ണൻ പാമ്പള്ളി, ഫസലു പുതുപ്പണം, ജയരാജൻ ചോറോട് തുടങ്ങിയവർ സംസാരിച്ചു.

ഇക്ബാൽ അഴിയൂർ, നസീർ വിരോളി , ഉത്തമൻ മടപ്പള്ളി, രാജൻ മാസ്റ്റർ, അഹമ്മദ് കല്പക, രാഗേഷ് കെ.ജി, സജ്ന സി.കെ, രമ കുനിയിൽ, പവിത്രൻ ചോറോട്, അശോകൻ കളത്തിൽ, എന്നിവർ പ്രതിഷേധ സംഗമത്തിന് നേതൃത്വം നൽകി. പ്രതിഷേധസംഗമത്തിന് ഷുഹൈബ് കൈ താൽ അഴിയൂർ നന്ദി പ്രകാശിപ്പിച്ചു.