ഹരിതാമൃതം 25 -വടകരയുടെ മഹോത്സവം

"അനാഥരാക്കരുതു 

മാതാപിതാക്കളെ"

എന്ന സന്ദേശമുയർത്തി ഹരിതാമൃതം'25 ഫെബ്രുവരി 6 മുതൽ 11 വരെ വടകര ടൗൺഹാളിൽ സംഘടിപ്പിക്കുകയാണ്.  ഹരിതാമൃതം പരിപാടിയുടെ പതിനഞ്ചാം വാർഷികം കൂടിയാണ്. ആറുദിവസമായി നടക്കുന്ന ഹരിതാമൃതത്തിൽ സെമിനാറുകൾ, പ്രഭാഷണങ്ങൾ, പഠനക്ളാസുകൾ, ഓപ്പൺഫോറങ്ങൾ 

ഔഷധസസ്യ പഠനഗാലറി, 

നാട്ടുഭക്ഷണശാല, എന്നിവ അവതരിപ്പിക്കും. 

ജൈവകർഷകർക്കും പരമ്പരാഗത കർഷകർക്കും പരമ്പരാഗത കുടി ൽ വ്യവസായികൾക്കും പാരമ്പര്യ വൈദ്യന്മാർക്കും തങ്ങളുടെ ഉൽപ്പന്നങ്ങൾ പ്രദർശിപ്പിക്കുന്നതിനും വിപണനം ചെയ്യുന്നതിനുമുളള പവലിയനുകൾ തയ്യാറാക്കി നൽകുന്നതാണ്.  

പവലിയനുകൾ അവതരിപ്പിക്കാൻ ആഗ്രഹിക്കുന്നവർ മുൻകൂട്ടി താഴെ പറയുന്ന നമ്പറിൽ ബന്ധപ്പെടേണ്ടതാണ്. 

കെ. എം. അസ്‌ലം

കൺവീനർ, 

സ്റ്റാൾഎക്കമഡേഷൻ 

സബ്കമ്മറ്റി. -9446834605 

കഴിഞ്ഞ പതിനഞ്ചു വർഷമായി ജനമനസ്സുകളിൽ സ്ഥിരപ്രതിഷ്ഠ നേടി മുന്നേറുന്ന ഹരിതാമൃതത്തിന്റെ സാദ്ധ്യതകൾ പരമാവധി പ്രയോജനപ്പെടുത്താൻ എല്ലാവരും സന്നദ്ധമാകണമെന്ന് വിനയപുരസ്സരം അപേക്ഷിക്കുന്നു. 

ടി. ശ്രീനിവാസൻ, 

ചെയർമാൻ.

9539157337

വിഷം തീണ്ടിയ

 ഭക്ഷണത്തിനെതിരെ 

സന്ധിയില്ലാസമരത്തിനെന്നപോലെ രംഗത്തെത്തിയ മഹാത്മ ദേശ സേവ എഡ്യുക്കേഷണൽ & ചാരിറ്റബിൾ ട്രസ്റ്റിൻ്റെ നേതൃത്വത്തിൽ നടക്കുന്ന '' ഹരിതാമൃതം 25 '' ന്റെ പതിനഞ്ചാം വാർഷികാഘോഷ

ത്തിന് ഹൃദയം നിറഞ്ഞ അനുമോദനങ്ങൾ .

 സ്നേഹാശംസകളോടെ -ദയാബായി 

പാരമ്പര്യവൈദ്യത്തിൻ്റെ പുനർജ്ജനിയ്ക്കായി പ്രവർത്തിക്കുന്നതോടൊപ്പം വിഷരഹിത പച്ചക്കറി വിളകളും മറ്റ് ഭക്ഷ്യോൽപ്പന്ന വിളകളുടെയും വിളവുല്‍പ്പാദനത്തിനും ലക്ഷ്യമിട്ട് പ്രവർത്തിക്കുന്ന ഹരിതാമൃതം കർമ്മപദ്ധതി അഭിനന്ദനാർഹം .

സ്നേഹാശംസകളോടെ

ഡോ .കെ .കെ .എൻ .കുറുപ്പ് 

കഴിക്കുന്ന ഭക്ഷണം തന്നെ രോഗങ്ങള്‍ക്ക് കാരണമാകുന്ന ഇക്കാലത്ത് വേറിട്ടൊരു ഭക്ഷണ സംസ്‌കാരം കെട്ടിപ്പടുക്കാനുള്ള തീവ്രയത്നപരിപാടിയുമായി പതിനഞ്ച് വർഷങ്ങൾ പിന്നിട്ട ഹരിതാമൃതം കർമ്മപദ്ധതിക്ക് ഹൃദയം നിറഞ്ഞ ആശംസകൾ .മഹാത്മ ദേശസേവ എഡ്യൂക്കേഷണൽ & ചാരിറ്റബിൾ ട്രസ്റ്റിൻറെ ഭാരവാഹികൾ വടകരയുടെ അഭിമാനമായി പരിണമിക്കട്ടെ...

അനുമോദനങ്ങളോടെ -എം. എൻ . കാരശ്ശേരി  

മൺ മറഞ്ഞുകൊണ്ടിരിക്കുന്ന പാരമ്പര്യ വൈദ്യത്തിൻ്റെ പൈതൃക വിജ്ഞാനങ്ങളെ പുനരുദ്ധീകരിക്കുന്നതിനും പാരമ്പര്യവൈദ്യന്മാരുടെ ചികിത്സ ജനങ്ങൾക്ക് ലഭ്യമാക്കുന്നതിനും 

വേണ്ടി പ്രവർത്തിക്കുന്ന സമുദ്ര ആയുർവ്വേദ ഗവേഷണകേന്ദ്രത്തിനൊപ്പം വിഷരഹിതഭക്ഷ്യോൽപ്പാദനം എന്ന ലക്ഷ്യവുമായി പ്രവർത്തിച്ചുവരുന്ന 'ഹരിതാമൃതം' കർമ്മപദ്ധതിയുടെ പതിനഞ്ചാം വാർഷികാഘോഷത്തിന് സസന്തോഷം ആശംസകള ർപ്പിക്കുന്നു .

എം .പി .സൂര്യദാസ് ,കോഴിക്കോട്

( മുതിർന്ന പത്രപ്രവർത്തകൻ )

 ശ്വസിക്കുന്ന വായുവും ,കുടിക്കുന്ന വെള്ളവും ,കഴിക്കുന്ന ഭക്ഷണവും ശുദ്ധമായി സംരക്ഷിക്കപ്പെടാനുള്ള പ്രവർത്തനങ്ങൾക്ക് പ്രചോദനവും പ്രോത്സാഹനവും നൽകുന്ന "ഹരിതാമൃതം "ബൃഹദ് കർമ്മ പദ്ധതിയുടെ പതിനഞ്ചാം വാർഷികാഘോഷം കടത്തനാടൻ പെരുമയ്ക്ക് മാറ്റുകൂട്ടുന്ന താവട്ടെ !

അഭിനന്ദനങ്ങൾ ....

സ്നേഹാദരവോടെ ചാലക്കര പുരുഷു

( മുതിർന്ന മാധ്യമ പ്രവർത്തകൻ )