ബേപ്പൂർ പുറങ്കടലിൽ ദ്വിദിന മോക്‌ഡ്രിൽ തുടങ്ങി

ബേപ്പൂർ : മുംബൈയിൽ നടന്ന ഭീകരാക്രമണത്തിനുശേഷം നടത്തിവരുന്ന കടലിലെ മോക്‌ഡ്രില്ലിന്‌ ബേപ്പൂർ പുറങ്കടലിൽ തുടക്കമിട്ടു.

നാവികസേന, കോസ്റ്റ്‌ഗാർഡ്‌, കോസ്റ്റൽ പോലീസ്‌, കസ്റ്റംസ്‌ മറൈൻ എൻഫോഴ്‌സ്‌മെന്റ്‌, കേരള പോലീസ്‌ എന്നിവയുടെ നേതൃത്വത്തിൽ ബുധനാഴ്ചയും വ്യാഴാഴ്ചയുമായാണ്‌ മോക്‌ഡ്രിൽ നടക്കുന്നത്‌. രാജ്യത്തെ സമുദ്രതീരങ്ങളിൽ ഈ തീയതികളിലായാണ്‌ സേനകളുെട നേതൃത്വത്തിൽ കടലിലൂെട പോവുന്ന യാനങ്ങൾ പരിശോധിക്കുന്നത്‌. യാനങ്ങളിൽ സഞ്ചരിക്കുന്നവർക്ക്‌ തിരിച്ചറിയൽകാർഡുകൾ ഇല്ലെങ്കിലും സുരക്ഷാമാനദണ്ഡങ്ങൾ ഏർപ്പെടുത്തിയില്ലെങ്കിലും ഇവരെ അധികൃതർ ബന്ധപ്പെട്ട യാനങ്ങളോടെ കസ്റ്റഡിയിലെടുക്കും.

പുറങ്കടലിൽ അപരിചിതയാനങ്ങളെയോ ആളുകളെയോ ശ്രദ്ധയിൽപ്പെട്ടാൽ വിവരം പോലീസിനെ അറിയിക്കണമെന്ന്‌ ബേപ്പൂർ കോസ്റ്റൽ പോലീസ്‌ നിർദേശിച്ചിട്ടുണ്ട്‌.