വാരിയെടുക്കൂ, പെടയ്ക്കണ മത്തി

പൊന്നാനി : മത്തിക്കൂട്ടം ജീവനോടെ കരയ്ക്കടിഞ്ഞു. ചൊവ്വാഴ്ച രാവിലെയാണ് കടപ്പുറത്ത് മത്തി കരയ്ക്കടിഞ്ഞത്.

നാട്ടുകാരും കടപ്പുറത്തെത്തിയ മറ്റുള്ളവരും കവറുകളുമായെത്തി പെടയ്ക്കണ മത്തി വാരിക്കൂട്ടി. കഴിഞ്ഞ ദിവസം വെളിയങ്കോടും കടപ്പുറത്ത് മത്തി കരയ്ക്കടിഞ്ഞിരുന്നു. മത്തി ചാകരയെന്നറിഞ്ഞ് കുട്ടികളടക്കം ഏറെപ്പേരാണ് മീൻ വാരാൻ പൊന്നാനി കടപ്പുറത്തെത്തിയത്.